A Lãw-mʋɔlɛ 4:19 - A SƐB-SÕW

¹⁹ A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

A Lãw-mʋɔlɛ 4:19 ပူးပေါင်းရင်းမြစ်များ

Zeremi 16:16

A Sore yere na: «Ɩ̃ na tõ n zʋm-nyɔwrbɛ yaga bɛ tɩ nyɔw bɛ. Al pùorí ɩ̃ tõ nabawlbɛ yaga bɛ tɩ bawlɩ bɛ a tan zu, a tãli zu tɩ lãwnɩ a pie bɔwrɩ pʋɔ.

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

A Lãw-mʋɔlɛ 1:13

Ʋ ɩ na vũu yi a saa-zu siw kpɛ a ɩ̃ ƴã-ganɩ́. Ʋ ƴãw nɩ bɛra a ɩ̃ gbɛ́ɛ pile, ɛ́ ɩ ɩ̃ 'law tɩ lo n kpaar. Ʋ ɩ na ɩ̃ ɩ ɩ̃ yõ daadaa, a ɩ m bàalʋ bibie za.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

A naaŋmɩn-ƴèr-manɛ Oze sɛbɛ 8:3

Bɛ zawr'ɩ a vla bɛr, lɛ so a dɔ̃ sob diwr bɛ.

Levitɩ mɩnɛ 26:36

A bɛlɩ dem nãà wa cãà vʋʋrɛ a bɛ dɔ̃ dem tẽw pʋɔ a, ɩ̃ na ƴãw bɛ nɩ pʋl-vʋ̃ɔ: váar na lore a damnʋ tɛwr na mɩ́ ɩ na bɛ nyɔw zɔba. Bɛ na mɩ́ zɔ na mɛ̃ dɔ̃ sob niŋé fʋ na zɔrɛ a, ɛ́ bɛ na mɩ́ lo na, nɩr za saa bɛ diwr bɛ a.

Amɔsɩ 2:14

A sob nɛ na tʋɔr zɔrɛ a kʋ̃ tʋ̃ɔ́ zɔ ta a sɔwlʋ zie ɩ, a fãw sob kʋ̃ tʋ̃ɔ́ ɩ a ʋ fãw-ɩb ɛ. A gãdaa kʋ̃ cɩ̃ɛ ɩ.

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.