A Lãw-mʋɔlɛ 3:40 - A SƐB-SÕW

⁴⁰ Tɩ maal jieli a tɩ ɩb kaa vla, ɛ́ lɛb wa a Sore zie.

A Lãw-mʋɔlɛ 3:40 ပူးပေါင်းရင်းမြစ်များ

2 Bibie za yel-manɩ 30:6

A nɩbɛ bɛ na tõ a tɩ zɔ na cɔlɩ a Ɩsɩrayɛl naalʋ-tẽw nɩ a Zuda naalʋ-tẽw nɩ a sɛb-tʋɔlɩ a nãà nɩ a ʋ tõ-tõ-bi-bɛrɛ na tɩ sɛb a. A nãà tɩ yel'a kɛ́ bɛ hieri yel à ŋá: «Ɩsɩrayɛl nɩbɛ ɛ, nyɩɩm na cɩ̃ɛ a Asiiri tẽw nãà bɛ páw nyɩ kʋ a, nyɩ lɛb wa a Sore, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn zie, ʋʋ na lɛb'a wa a nyɩ zie.

2 Bibie za yel-manɩ 30:9

Nyɩmɛ wa lɛb wa a Sore zie a, a bɛlɩ dem na tɛr a nyɩ tẽ-bi-taabɛ nɩ a nyɩ yie dem cen nɩ a tẽ-yũo a na wul'ɩ nɔ̃wfʋ a bɛ zie, ɛ́ bɛr bɛ bɛ lɛb wa a tẽw ŋa pʋɔ. A Sore nyɩ Naaŋmɩn kʋ̃ ŋmɛlɩ kpaar cɔw nyɩ, nyɩmɛ wa lɛb wa a ʋ zie a ɩ, bʋ̃ʋ n'ʋ vɛ̃, ʋ ɩ n nɔ̃wfʋ ɛ́ zɔrɛ nɩbaalʋ.»

Sɛb-sõw yielu 119:59

Ɩ̃ tɩɛr'ɩ a ɩ̃ ɩb kaa, ɩ̃ bɔbr'a k'ɩ̃ɩ lɛb wa tuur a lɛ fʋ na yel a.

Sɛb-sõw yielu 4:4

Nyɩ bãwnɩ a a Sore na bãwnɩ a ʋ nɩ-mɩŋa a, mãa wa bʋɔlɛ ʋ a, ʋ mɩ́ bɛr'a wõ m.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ezekɩɛl 18:28

Ʋ na cãà na vʋʋrɛ, ʋ na faa nyɛ̃ a ʋ ɩ-faar ɛ́ zawrɩ a bɛr a. A bɛ cãà tɛr sɔ́r k'ʋʋ kpi ɛ.

A naaŋmɩn-ƴèr-manɛ Oze sɛbɛ 12:6

A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

A naaŋmɩn-ƴèr-manɛ Oze sɛbɛ 6:1

A na ɩ à ŋá a, nyɩ yere na: «Nyɩ wa, nyɩ ɩ tɩ lɛb cen a Sore zie. Ʋlɛ n'ʋ ƴãw tɩ a bàalʋ, ʋ na sanɩ tɩ na. Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

1 Korɛ̃tɩ 11:28

A na ɩ à ŋá a, ŋa za, ʋ mɩ́ sowr'ʋ tʋɔra kaa ɛ́ bãw 'wɔb a dipɛ̃ ŋa, ɛ́ nyũ a divɛ̃ à ŋá,

1 Korɛ̃tɩ 11:31

Tɩmɛ mɩ́ tɩ sowri tɩ tʋɔra kaa a, bɛ kʋ̃ʋ wa tɩ maalɛ nɩ tɩ ƴɛ̀rʋ ɛ.

2 Korɛ̃tɩ 13:5

A nyɩɩm tɛɛ za, nyɩ ɩ nyɩ tʋɔra kaa, nyɩ jɛl nyɩ mɩŋa nyɛ̃, nyɩmɛ wa be a naaŋmɩn-sàw-deb pʋɔ a. Nyɩ nyɛ̃ na bãw kɛ́ a Yeezu Kɩrɩta be n a nyɩ sɔgɔ, lɛ bɛ n'a ɩ? Bɩɩ nyɩ jɛl'ɩ a nyɩ tʋɔra kaa nyɛ̃ nyɩ sãw?

Wulu-ayi-sob 4:30

À á ŋá za ɩ̃ na yere kʋ̀rɛ nyɩ wa ta nyɩ a pùorí kɛ̀ nyɩ be kpɩɛrʋ pʋɔ a, nyɩ na lɛb'a wa a Sore nyɩ Naaŋmɩn zie, ɛ́ nyɩ na wone nɩ a ʋ ƴɛ̀rʋ.