A Lãw-mʋɔlɛ 3:39 - A SƐB-SÕW

³⁹ A lɛ pʋɔ a, bʋ̃ʋ n'ʋ so nɩsaal na mɩ́ zɛbr ʋ na saa mɩ́ tɛr sãwna ɛ́ cãà vʋʋrɛ a?

A Lãw-mʋɔlɛ 3:39 ပူးပေါင်းရင်းမြစ်များ

2 Na-mɩnɛ 3:13

A Elize tɩ yel'ɩ a Ɩsɩrayɛl tẽw nãà: «Mãa nɩ fʋ̃ʋ mɩ̀ bʋnʋ? Cen tɩ páw a fʋ sãà naaŋmɩn-ƴɛ̀r-manbɛ, bɩɩ a fʋ mã naaŋmɩn-ƴɛ̀r-manbɛ!» A Ɩsɩrayɛl nãà tɩ sɔw na: «A na ɩ n zawlalɛ! Bʋ̃ʋ n'ʋ vɛ̃, a Sore n'ʋ taw tɩ wa n a ka, k'ʋʋ wa ƴãw a tɩ na-mɩnɛ tɩ za ata, a Mowab tẽw dem nuru pʋɔ.»

2 Na-mɩnɛ 6:32

A Elize nɩ a tẽw nɩ-kore tɩ ɓã n taa a ʋ yir. A nãà tɩ tõ n nɩr a ʋ zie. Ɛcɛ a nɩr ŋa, bɛ na tõ a bɛ tɩ ta sɛr ɛ, ɛ́ a Elize yel a nɩ-kore: «Nyɩ nyɛ̃ a na a, a nɩ-kʋrɛ ŋa tõ n nɩr k'ʋʋ wa ŋmãa mɛ̃ a zu. Nyɩ cɛlɛ be: a nɩr ŋa wa ta a, nyɩɩm pàw a pan, ɛ́ ta sàw ʋ kpɛ ɩ. Ɛcɛ mɔ̃ mɩ̀, a ʋ nɩ-kpɛ̃ɛ bɛ n'ʋ cere tuur ʋ tɩ wone ɩ?»

2 Na-mɩnɛ 6:33

A Elize tɩ cãà na ƴɛ̀rɛ, ɛ́ a nãà wa ta yel: «A Sore zie n'a a tɩ kpɩɛrʋ á ŋá za yi! Bʋ̃ʋ n'ʋ ɩ̃ na tʋ̃ɔ́ lɛb cãà gùre a ʋ zie?»

Ɛsɩdɩrasɩ 9:13

'Woi! Tɩ Naaŋmɩn i, a tɩ ɩ-faar nɩ a tɩ sãwna na bɛrmɛ a n'a so a tɩ kpɩɛrʋ á ŋá za páw tɩ. Ɛcɛ fʋ bɛ dɔwrɩ tɩ man nɩ a tɩ yel-bebe ɩ, fʋ bɛr tɩ na tɩ cãà vʋʋrɛ, a tɩɩm na be a ka a.

A Zɔb sɛbɛ 11:6

Ʋlɛ tɩ sàw wul fʋ a ʋ yã-bãwfʋ yel-sɔwlɩ na gãw a nɩsaal yã polpol a, lɛ n'a fʋ nãá bãw kɛ́ Naaŋmɩn yiir'ɩ a fʋ sãwna a mɩnɛ bɛr!

A Zɔb sɛbɛ 15:13

Bʋ̃ʋ so fʋ tɛr su-sãwna a Naaŋmɩn ƴãw? Bʋ̃ʋ so fʋ ƴɛ̀rɛ a ƴɛ̀rʋ á ŋá taabɛ?

Sɛb-sõw yielu 107:17

Bɛ mɩnɛ tɩ ɩ n a ɩ-faar tɩ gem'ɩ, bɛ tɩ lɛb'a ŋmɛlɩ ɩrɛ a kpɩɛr a bɛ tʋɔra nɩ a bɛ sãwna.

Zʋkpaɩ 19:3

Nɩsaal kãw dãbolu mɩ́ ɩ na k'ʋ tuli a ʋ sɔ́r. Al pùorí, ʋ nyɛ̃ nɩ a Sore suur.

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Zeremi 10:19

«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

Zeremi 30:15

Bʋ̃ʋ n'ʋ so fʋ kone nɩ a fʋ bàalʋ, fʋ kone a fʋ natɩr na bɛ tɛr sanʋ a ƴãw? A fʋ ɩ-faar na bɛ tɛr nʋɔr a, nɩ a fʋ sãwna na yãwmɛ a zũú n'a ɩ̃ ɩ b à à ŋá.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Levitɩ mɩnɛ 26:41

Bɛ na bãwnɩ a pɛr, ɩ̃ na zawrɩ na tu bɛ, ɛ́ tɛr bɛ a bɛ tẽw yi cen nɩ a bɛ dɔ̃ dem tẽw pʋɔ a. Bɛ na siwr'ɩ bɛ tʋɔra, bɛ na bɛ tu a ɩ̃ pùor a ƴãw, ɛ́ bɛ na sàw nɩ a bɛ sãwna dɔwrʋ.

Levitɩ mɩnɛ 26:43

À ŋá n'a bɛlɛ bɛ wa cãà a tẽw ŋa pʋɔ a, a tẽw na tʋ̃ɔ́ pɩ̃ɛnɩ. A lɛn daar a, bɛ na nyɛ̃ nɩ a bɛ dɔwrʋ, bɛ na bɛr a ɩ̃ nɛ́ɛ ɛ́ lɔb a tub na yi a ɩ̃ zie bɛr a ƴãw.

Mise 7:9

A fɛr'a kɛ́ tɩ sàw a Sore suur ʋ na nyɛ̃ nɩ tɩ a, bʋ̃ʋ n'ʋ vɛ̃, tɩ maal'ɩ yel-bier sãw ʋ. Ɛcɛ a daar waar'a, ʋ na na ƴɛ̀r kpɛ tɩ, ɛ́ ɩ a tɩ yel-mɩŋa ʋ sãá a. Ʋ na tɛr tɩ na lɛb wa n a cãà pʋɔ, ɛ́ paalɩ tɩ nɩ a ʋ maalʋ.

Sɔr-nɛ́ɛ 11:11

ʋ sowr'ʋ: «Bʋ̃ʋ n'ʋ so fʋ ɩrɛ mɛ̃ à à ŋá, Sore e? Bʋ̃ʋ n'ʋ so a fʋ pʋɔ bɛ cãà pɛlɩ a ɩ̃ ƴãw, fʋ tuo mɛ̃ a nɩbɛ bɛ ŋa za kaafʋ to-tɩbrʋ?

Sɔr-nɛ́ɛ 17:12

A Aarɔ̃ tɩ de nɩ a parfɛ̃ nyɩwfʋ-kole mɛ̃ a lɛ a Moyiir na tɩ yel a, zɔ cen nɩ a lãw nɩbɛ sɔgɔ a bʋ̃-faa na tɩ tĩ baarɩ a. Ʋ tɩ nyɩw nɩ a tɩ-suur-zɔ̃-na-nyùur-vla-vla-a, ɛ́ tu a yel-bebe suur-dɩ-kʋ̀b tub a Ɩsɩrayɛl nɩbɛ ƴãw.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.