A Lãw-mʋɔlɛ 3:25 - A SƐB-SÕW

²⁵ A Sore ɩ n nɩ-vla a sob nɛ na tɩ́ɛrɛ ʋ a zie, a sob nɛ na bɔbr ʋ a zie.

A Lãw-mʋɔlɛ 3:25 ပူးပေါင်းရင်းမြစ်များ

Yele-za-pɛr-tib 49:18

Sore e, ɩ̃ tɩ́ɛrɛ na kɛ́ fʋ na faa mɛ̃ na!

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

2 Bibie za yel-manɩ 19:3

Ɛcɛ fʋ maal'ɩ yel-vɩɛlɩ, bʋ̃ʋ n'ʋ vɛ̃, fʋ nyɩw nɩ a ŋmɩn-pɔw Asera dà-barɩ za bɛr a tẽw pʋɔ, ɛ́ ƴãw fãw bɔbr a Naaŋmɩn nɩ fʋ pʋɔ za.»

2 Bibie za yel-manɩ 30:19

a bɛlɩ dem na ƴãw fãw bɔbr a Naaŋmɩn, a Sore, a bɛ sãà mɩnɛ Naaŋmɩn, nɩ bɛ pʋɔ za a, bɛlɛ saa bɛ tɛr a vɩɛlʋ al na sɛwnɩ a.»

2 Bibie za yel-manɩ 31:21

Ʋ na tɩ maalɛ a Naaŋmɩn yir ƴãwn, ɛ́ ƴãw bɛ tuur a Naaŋmɩn wulu nɩ a ʋ nɛ-ƴãwnɩ a, ʋ tɩ ƴãw nɩ fãw k'ʋʋ bãw a Naaŋmɩn pʋ-tɩɛrʋ. Ʋ tɩ ɩ n à à ŋá nɩ ʋ pʋɔ za, ɛ́ a Naaŋmɩn ɩ a yele za tu vla a ʋ ƴãw.

Ɛsɩdɩrasɩ 8:22

Vĩ nãà ɩrɛ mɛ̃ na, ɩ̃ na na zɛlɩ a nãà k'ʋʋ kʋ̀ tɩ sojarɩ nɩ wi-zɔmnbɛ bɛ gùre tɩ a tɩ dɔ̃ dem ƴãw, a sɔ́r zu a. Bʋ̃ʋ n'ʋ vɛ̃, tɩ tɩ yel ʋ na: «A tɩ Naaŋmɩn mɩ́ gùre nɩ a bɛlɩ dem za na tu ʋ a, ɛcɛ a ʋ suur mɩ́ ìr'ɩ faa faa a bɛlɩ dem za na zawrɩ ʋ bɛr a ƴãw.»

Sɛb-sõw yielu 105:3

Nyɩ danɛ nyɩ tʋɔra a ʋ ƴãw, ʋl Naaŋmɩn na ɩ sõw a, nyɩɩm na bɔbr a Sore a, nʋ̃ɔ̀, a kpɩɛr nyɩ.

Sɛb-sõw yielu 119:2

Zu-nʋ̃ɔ̀ dem'ɩ a bɛl na mɩ́ tuur a lɛ ʋ na yel a, a bɛl na mɩ́ bɔbr ʋ nɩ bɛ pʋɔ za a.

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

Sɛb-sõw yielu 25:8

A Sore ɩ n nɩ-vla nɩ nɩ-dẽdẽ, alɛ so ʋ mɩ́ wul a sɔ́r a yel-bebe dem.

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 37:34

Ƴãw a fʋ tɩɛrʋ a Sore ƴãw, ɛ́ tuur a ʋ sɔ́r, ʋ na zɛw fʋ na, ɩ fʋ so a tẽw, ɛ́ fʋ na nyɛ̃ nɩ a nɩ-faar bɛ na ír bɛr a.

Sɛb-sõw yielu 37:7

Ɩ gbili a Sore niŋé, ɛ́ tɩɛrɛ ʋ. Taa nyɛrɛ nɩ a sob nɛ yele na cere vla a suur ɛ, a nɩr na mɩ́ tɛr libelibe a ɩ.

Sɛb-sõw yielu 39:7

Ʋ mɩ́ cen na kɛ́ wa, ɛcɛ ɓaarʋ tɛwr'ʋ. Ʋ mɩ́ damnɛ na, ɛcɛ sɛsɛb tɛwr'ʋ. ʋ mɩ́ bɔbr'a bine, ɛ́ bɛ bãw ãa n'ʋ na de a a ɩ.

Sɛb-sõw yielu 61:1

Yiel-yielbɛ nɩ-kpɛ̃ɛ sɛbɛ pʋɔ yielu. Fomie bʋ̃-ŋmɩɛrɩ n'a bɛ mɩ́ ŋmɩɛr'ɩ ƴãwn. Daviir yielu.

Sɛb-sõw yielu 61:5

Ɩ̃ bɔbr'a k'ɩ̃ɩ nãá kpɩɛr a fʋ yir kʋralɛ, ɛ́ nyɛrɛ sɔwlʋ zie a be, a fʋ pɩgɛ ɓaarʋ́. Tɛw-àrʋ

Sɛb-sõw yielu 69:32

Sore e, à ŋá n'a nʋmɛ a fʋ zie zuo nadɛr na tɛr ɩ́lɛ́ nɩ nafɩlɛ a.

Sɛb-sõw yielu 71:14

Mãa ƴãw a, ɩ̃ na tɩɛrɛ fʋ nɩ kʋralɛ, ɛ́ ɩ̃ na danɩ fʋ na lɛb maal danɩ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 26:9

A tɩ̃ɩsɔw a, ɩ̃ mɩ́ bɔbr'a kɛ́ fʋ nãà be a ɩ̃ zie, ɩ̃ mɩ́ bɔbr fʋ nɩ a ɩ̃ pʋ̃ɔmɩ pʋ̃ɔmɩ za. Fʋ̃ʋ mɩ́ wa tu a nɩsaalbɛ zie a lɛ fʋ na dɩ a ƴɛ̀rʋ bin a, a tẽ-daa nɩbɛ mɩ́ zanɩ nɩ a mɩnʋ.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 40:31

Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.

Ɩzayi 55:6

Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a. Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

A Lãw-mʋɔlɛ 3:26

Yel-vla n'ʋ kɛ́ fʋ ɩ gbili ɛ́ gùre a Sore faafʋ.

A naaŋmɩn-ƴèr-manɛ Oze sɛbɛ 10:12

Nyɩ bʋ̀rɛ a yel-mɩnʋ, ɛ́ nyɩ na cɛ̀ n a nɔ̃wfʋ. Nyɩ cɛ pire, ƴɛrɛŋa n'a a sɛw kɛ́ nyɩ bɔbr a Sore, ɛ́ gù ʋ wa tɩ ɩ a faafʋ ta nyɩ.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Zakɩ 5:7

A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ.