A Lãw-mʋɔlɛ 3:24 - A SƐB-SÕW

²⁴ Ɩ̃ yel'a: a Sore n'ɩ a ɩ̃ na-bom, alɛ n'a so ɩ̃ ƴãw a ɩ̃ tɩɛrʋ a ʋ ƴãw.

A Lãw-mʋɔlɛ 3:24 ပူးပေါင်းရင်းမြစ်များ

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

A Zɔb sɛbɛ 22:25

Lɛ n'a a Kpɛnʋ-za-sob na ɩ a fʋ salm-zɩɛ, ʋlɛ n'ʋ na ɩ a fʋ salm-pla na gbõ gã a.

Sɛb-sõw yielu 119:57

Sore e, ɩ̃ yel'a k'aa ɩ̃ bom'ɩ a fʋ ƴɛ̀rʋ ɩ̃ na na tɛr vla a.

Sɛb-sõw yielu 130:7

Ɩsɩrayɛl nɩbɛ ɛ, nyɩ ƴãw a nyɩ tɩɛrʋ a Sore ƴãw, bʋ̃ʋ n'ʋ vɛ̃, ʋ ɩ n nɩ-vla, ʋl zie n'a a faafʋ be yaga za.

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Sɛb-sõw yielu 16:5

Sore e, fʋ̃ʋ bɛ na põ ír kʋ̀ m a, ɛ́ fʋ ɩ a ɩ̃ nyɔ-vʋʋrʋ a, a fʋ nũú n'a a ɩ̃ yele za be.

Sɛb-sõw yielu 31:24

Nyɩ nɔnɛ a Sore, nyɩɩm za na sàw de ʋ a, bʋ̃ʋ n'ʋ vɛ̃, a Sore mɩ́ gùre nɩ a bɛlɩ dem na sàw de ʋ a. Ɛcɛ ʋ mɩ́ dɔwr'ɩ a pɔ̀lʋ sob faa faa.

Sɛb-sõw yielu 33:18

Ɛcɛ a Sore jɩ́rɛ nɩ a bɛlɩ dem na zɔrɛ ʋ a, a bɛlɩ dem na ƴãw a bɛ tɩɛrʋ a ʋ nɔ̃wfʋ ƴãw a,

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

Sɛb-sõw yielu 43:5

Bʋ̃ʋ n'ʋ so kpɩɛrʋ nyɔw fʋ, ɩ̃ sɩ́ɛ ɛ, ɛ̀ fʋ kone ƴãwn mɛ̃? Ƴãw a fʋ tɩɛrʋ a Naaŋmɩn ƴãw! Bʋ̃ʋ n'ʋ vɛ̃, ɩ̃ na lɛb'a puor'ʋ barka, ʋl na ɩ a ɩ̃ Faarɛ nɩ a ɩ̃ Naaŋmɩn a.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 71:14

Mãa ƴãw a, ɩ̃ na tɩɛrɛ fʋ nɩ kʋralɛ, ɛ́ ɩ̃ na danɩ fʋ na lɛb maal danɩ.

Sɛb-sõw yielu 73:26

A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

Sɛb-sõw yielu 84:12

Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

Sɛb-sõw yielu 94:19

A tɩɛrʋ na mɩ́ tɩ zuo mɛ̃ a, a fʋ mɔwlʋ mɩ́ ɩ m'ɩ nʋ̃ɔ̀.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

A Lãw-mʋɔlɛ 3:21

Ɛcɛ, nyɛ̃ a ʋlɩ bom nɛ ɩ̃ na bɔbr k'ɩ̃ɩ bãwnɩ a, a ʋlɩ bom nɛ na n'ʋ so ɩ̃ na tɩɛrɛ a:

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Ʋrɔm 15:12

Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»

Wulu-ayi-sob 18:2

A levitɩ mɩnɛ kʋ̃ tɛr tẽsɔwr a Ɩsɩrayɛl nɩbɛ ŋmãa sɔgɔ ɩ. A bɛ bom'ɩ a Sore, mɛ̃ a lɛ ʋ na yel kʋ̀ bɛ a.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.