A Lãw-mʋɔlɛ 2:7 - A SƐB-SÕW

⁷ A Sore zawr'ɩ a ʋ bàwr-maal-kuur bɛr, ʋ jɛ n a ʋ zi-sõw bɛr. Ʋ bɛr'ɩ a Sɩyɔ̃ yir-vɩɛlɩ a lo a dɔ̃ dem nuru pʋɔ. Gɔmɛ tɩ pàw nɩ a Sore yir mɛ̃ cuw bibir a.

A Lãw-mʋɔlɛ 2:7 ပူးပေါင်းရင်းမြစ်များ

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Sɛb-sõw yielu 89:39

Ɛcɛ fʋ jɛ n a nãà fʋ na kaa ír a bɛr, fʋ bɛ ŋmɛlɩ kaa ʋ ɛ, fʋ nyɛ̃ nɩ ʋ nɩ suur.

Ɩzayi 64:9

A fʋ tẽ-bɛr-son bɛ cãà tɛr nɩbɛ ɩ. A Zerizalɛm lɩɛb'ɩ wɛja-kpalɛ, a Sɩyɔ̃ ɩ n tẽw na kpal gã a.

Zeremi 21:4

À ŋá n'a a Sore, a Ɩsɩrayɛl Naaŋmɩn, yere: “Nyɩ zɛbr'ɩ nɩ a Babɩlɔn tẽw nãà nɩ a ʋ zɛbr-nɩbɛ na piw nyɩ a. Ɛcɛ, ɩ̃ na fɛr'ɩ a bɛlɩ dem na zɛbr a dacĩ-kpɛ̃ɛ niŋé a, bɛ lɛb wa a tẽ-kpɛ̃ɛ pʋɔ.

Zeremi 26:18

«A Zuda tẽw nãà Ezekɩasɩ daar a, naaŋmɩn-ƴɛ̀r-manɛ kãw tɩ be n be dɩ kɛ́ Mise ɛ́ yi Moresɛtɩ. Ʋ tɩ yel'a kʋ̀ a Zuda tẽw nɩbɛ: À ŋá n'a a Sore, a kpɛnʋ-za-sob, yere: “A Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw lɩɛbɩ kár.”

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 4:26

Ɩ̃ jɩ́rɛ na: a tuwr tẽw ŋa lɩɛb'ɩ wɛja-kpalɛ, a ʋ tẽ-bɛrɛ za lo na. A Sore zie n'a a yi, a ʋ su-tʋlʋ kpãkpã zie.

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 50:28

Nyɩ wone! Nɩbɛ n'a yi a Babɩlɔn tẽw zɔrɛ, nɩbɛ na cɩ̃ɛ a be a nɛbɛ waar wa yere a Sɩyɔ̃ tẽw pʋɔ: «A Sore tɩ Naaŋmɩn yáa nɩ a san kʋ̀ fʋ, ʋ yáa ʋ nɩ a ʋ yir-sõw ƴãw.»

Zeremi 52:13

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr, baa zuo a za a nɩ-tɩbrɛ yie.

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

A Lãw-mʋɔlɛ 2:1

'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

Ezekɩɛl 7:24

Ɩ̃ na ƴãw nɩ nɩ-bʋʋr-po-to-faar na bɛ tɛr tɔ a wa, wa fa a bɛ yie. Ɩ̃ na sãw nɩ a kpɛnʋ dem bɛr, ɛ́ a bɛ maalʋ-ziir na tɛr'ɩ dɛwr.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Levitɩ mɩnɛ 26:44

Ɛcɛ a lɛn daar bɛ na na saa cãà be a bɛ dɔ̃ dem tẽw pʋɔ a, ɩ̃ kʋ̃ jɛ bɛ bɛr ɛ, ɩ̃ kʋ̃ hɩ̃ɛn bɛ ɩ, ɩ̃ kʋ̃ kʋ bɛ pàw pɛr ɛ, ɩ̃ɩ kʋ̃ sãw a ɩ̃ wõ-taa bɛr ɛ, ɩ̃ na ɩ a Sore bɛ Naaŋmɩn a ƴãw.

Amɔsɩ 2:5

ɩ̃ na nyɩw nɩ a Zuda tẽw bɛr, ɛ́ ƴãw vũu dɩ a Zerizalɛm yir-vɩɛlɩ vɩɛlɩ.»

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Matie 24:2

Ʋ tɩ de nɩ a ƴɛ̀rʋ yel bɛ: «Mɛ̃ nyɩ taa nyɛ̃ à á ŋá za? Yel-mɩŋa sɩza, ɩ̃ yere na kʋ̀rɛ nyɩ, kʋsɩɛr kʋ̃ cãà dɔwlɩ kʋsɩɛr zu a ka ɩ: bɛ na ŋmɛr'ɩ a za bɛr.»