A Lãw-mʋɔlɛ 2:4 - A SƐB-SÕW

⁴ Ʋ dúor'ɩ a ʋ tam mɛ̃ dɔ̃ sob a, a ʋ dʋrʋ nũu gù n a tɛb. Mɛ̃ dɔ̃ sob a, ʋ kʋ n a bɛlɩ dem tɩ na tɩ nɔnɛ a jɩ́rʋ a. Ʋ bɛr'ɩ a ʋ suur ʋ siw a Sɩyɔ̃ Ŋmɩn-yir-kpɛ̃ɛ zu mɛ̃ vũu a.

A Lãw-mʋɔlɛ 2:4 ပူးပေါင်းရင်းမြစ်များ

2 Bibie za yel-manɩ 34:21

«Nyɩ cen tɩ sowri a Sore kaa, a mãa nɩ a Ɩsɩrayɛl nɩbɛ na cɛ a nɩ a Zuda nɩbɛ ƴãw. Nyɩ sowri bãw a sɛbɛ ŋa bɛ na nyɛ̃ a ƴɛ̀r-bie pɛr. Bʋ̃ʋ n'ʋ vɛ̃, a tɩ sãàkʋm-kore bɛ sàw a nɛ-ƴãwnɩ na be a ʋ pʋɔ a ɩ, alɛ so a Sore suur ìr a tɩ ƴãw bɛ dɩ vuo ɩ.»

2 Bibie za yel-manɩ 34:25

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru. A lɛ za bɛ na ɩ a ɩ na a ɩ̃ suur ír. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

A Zɔb sɛbɛ 19:11

A ʋ suur zɛl'ɩ a ɩ̃ ƴãw, ʋ ɩ mɛ̃ na mɛ̃ ʋ dɔ̃ sob a.

A Zɔb sɛbɛ 6:4

Bʋ̃ʋ n'ʋ vɛ̃, a Kpɛnʋ-za-sob pime kpɛ n a ɩ̃ ƴã-ganɩ́, ɛ́ a lɔw de a ɩ̃ ƴã-gan za. Pʋl-vʋ̃ɔ bʋʋrɛ bʋʋrɛ na yi a Naaŋmɩn zie a cɔrɩ nɩ a ɩ̃ ƴãw.

Sɛb-sõw yielu 37:14

A nɩ-faar vʋ̃ɔnɛ nɩ a zɛbr-sɔ-kpɛ̃ɛ, bɛ dúore nɩ a tam, kɛ́ bɛ tɛ a bãbàal nɩ a nã́w sob lɔb, kɛ́ bɛ kʋ a bɛlɩ dem na cere vla a.

Sɛb-sõw yielu 7:13

Bʋnʋ bɛ ka be ɩ, a dɔ̃ sob lɛb'a tine: ʋ saalɛ nɩ a ʋ zɛbr-sɔ-kpɛ̃ɛ, ʋ dúore nɩ a ʋ tam ɛ́ càrɛ a pime.

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Ɩzayi 63:6

Ɩ̃ ƴɛ́r'ɩ nɩ-bʋʋrɛ ŋmɛr a ɩ̃ suur pʋɔ, ɩ̃ ɩ na a ɩ̃ su-yãyaar kuoli bɛ, ɛ́ ɩ a bɛ zɩ̃ɩ a cir tẽw.

Zeremi 10:20

Ɛcɛ bɛ sãw nɩ a ɩ̃ pɛn-sɛw bɛr, a ʋ mie za ŋma na. Ɩ̃ bɛ cãà tɛr bibiir ɛ, bɛ cen na. Nɩr za bɛ be be na ɩ a ɩ̃ pɛn-sɛw ʋ lɛb àr ɛ, ɛ́ lɛb cɔbrɩ kpɛb zie kʋ̀ m ɛ.»

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 21:5

A mãa mɩŋa n'ʋ na zɛb'ɩ nyɩ nɩ a ɩ̃ su-tʋlʋ kpãkpã nɩ a ɩ̃ su-faa faa. Ɩ̃ na wul nyɩ nɩ a ɩ̃ fãw nɩ a ɩ̃ kpɛnʋ.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

A Lãw-mʋɔlɛ 1:13

Ʋ ɩ na vũu yi a saa-zu siw kpɛ a ɩ̃ ƴã-ganɩ́. Ʋ ƴãw nɩ bɛra a ɩ̃ gbɛ́ɛ pile, ɛ́ ɩ ɩ̃ 'law tɩ lo n kpaar. Ʋ ɩ na ɩ̃ ɩ ɩ̃ yõ daadaa, a ɩ m bàalʋ bibie za.

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

A Lãw-mʋɔlɛ 3:3

Sɩza, mãa yõ zu n'a a ʋ nũu siwr a bibie za.

A Lãw-mʋɔlɛ 4:1

'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son yàar'a pàw a ziir za!

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 13:13

A na ɩ à ŋá a, à ŋá n'a a mãa Sore Naaŋmɩn ƴɛ̀rɛ: A ɩ̃ su-yãyaar pʋɔ a, ɩ̃ na ɩ n a saa-sɛsɛb cɛ̀r, ɩ̃ɩ ɩ sa-bɛrɛ mĩ. A sa-bi-kube na lore nɩ nɩ fãw sãw bom za bɛr.

Ezekɩɛl 20:34

Ɩ̃ na ɩ na nyɩ yi a nɩ-bʋʋrɛ nɩ a ten sɔgɔ, a be nyɩ na tɩ yaarɩ be a. À à ŋá ƴãw a, ɩ̃ na wul nyɩ nɩ a ɩ̃ fãw za nɩ a ɩ̃ gãdaalʋ za, ɩ̃ɩ na nyɛ̃ nɩ nyɩ nɩ suur faa faa.

Ezekɩɛl 22:22

Nyɩ na ŋmɛ̃ na mɛ̃ a salm-pla na nyɩlɛ a vũu pʋɔ a. Lɛ n'a nyɩ na bãw kɛ́ mãa n'ɩ a Sore na bɛr a ɩ̃ su-tʋlʋ kpãkpã ìr a nyɩ ƴãw a.»

Ezekɩɛl 24:25

Ɛcɛ a fʋ̃ʋ nɩsaal bie, bɛrɛ wone: «bibir kãw, ɩ̃ na de nɩ a zi-sõw na ɩ a bɛ sɔwlʋ zie, a bɛ mimie nʋ̃ɔ̀, a bɛ dɛpaalʋ bom nɩ a bɛ tɩɛrʋ a, ɛ́ bɛr bɛ. Ɩ̃ mɩ̀ na de nɩ a bɛ bidɛbr nɩ a bɛ pɔwyaar.

Ezekɩɛl 36:18

Bɛ ɩ n a tẽw ʋ dɛw, a zɩ̃ɩ bɛ na ɩ a cir a be a ƴãw, nɩ a bɛ ŋmɩn-bɛlɛbɛlɛ ƴãw. Alɛ n'a so ɩ̃ ɩ a ɩ̃ su-tʋlʋ kpãkpã ìr a bɛ ƴãw.

Ezekɩɛl 5:13

Ɩ̃ na bɛr'ɩ a ɩ̃ su-tʋlʋ ʋ ìr, ɩ̃ na bɛr ʋ na ʋ ìr tɩ ɓɩɩlɩ, ɩ̃ɩ na yáa nɩ a san a nyɩ zu. Lɛ n'a nyɩ na sàw de k'aa mãa Sore n'ʋ tɩ ƴɛ̀r a nyɩ zie, ɩ̃ na bɛ cãà tʋ́ɔr a nyɩ na-bɛ-tu-m'a ƴãw.

Ezekɩɛl 6:12

A bɛl na zãá a na kpi n a jɛ̀lmɛ̃ bàalʋ kũu, a bɛl na pɩɛl'a na kpi n a zɛbr zie, ɛ́ a bɛl na cɛ bɛ piw a na kpi n kɔ̃. Ɩ̃ na bɛr'ɩ a ɩ̃ suur ʋ ìr a bɛ zu.

Ezekɩɛl 7:14

Bɛlɛ saa pɛblɩ wɩ́ɛ ɛ́ cɔbrɩ bom za a, nɩr za kʋ̃ cen a zɛbr zie ɩ. Bʋ̃ʋ n'ʋ vɛ̃, ɩ̃ nyɛ̃ nɩ nɩ a nɩ-bʋʋrɛ za kpɛ̃lɛ̃kpɛ̃lɛ̃ suur.»

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.

1 Samɩɛl 28:16

A Samɩɛl tɩ yel ʋ a: «A Sore wa zawrɩ fʋ bɛr, ɛ́ lɩɛbɩ a fʋ dɔ̃ sob a, bʋ̃ʋ n'ʋ so fʋ sowre mãa?