A Lãw-mʋɔlɛ 2:22 - A SƐB-SÕW

²² Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

A Lãw-mʋɔlɛ 2:22 ပူးပေါင်းရင်းမြစ်များ

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Sɛb-sõw yielu 31:13

Bɛ bɛ cãà tɛr a ɩ̃ tɩɛrʋ ɛ, bɛ yiiri mɛ̃ na bɛr mɛ̃ nɩr na kpi a, mɛ̃ bʋ̃-zaw a.

Ɩzayi 28:19

Lɛn daar za ʋ na na mɩ́ tɔl a, ʋ na mɩ́ nyɔw nyɩ na. Bʋ̃ʋ n'ʋ vɛ̃, ʋ na mɩ́ tɔl'ɩ a biɓaarɛ za, a mʋ̃tɔ̃w nɩ a tɩ̃ɩsɔw, ɛ́ a na mɩ́ ɩ n pʋl-vʋ̃ɔ tɛwr fʋ̃ʋ wa bãw a yel fʋ na wõ a pɛr a.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 20:3

A dãw-bio daarɩ́, a Pasehuur tɩ ƴãw na bɛ cɛ̀r a Zeremi a dàa ƴãw. Lɛ n'a a Zeremi tɩ yel ʋ: «A Sore kʋ̃ cãà bʋɔlɛ fʋ Pasehuur ɛ, ʋ na bʋɔlɛ fʋ nɩ “Pʋl-vʋ̃ɔ-a-ziir-za”.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 44:7

A Zeremi tɩ cãà na yel: «Ƴɛrɛŋa a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Bʋ̃ʋ n'ʋ so nyɩ ɩrɛ a kpɩɛr nyɩ tʋɔra sɛw à ŋá? Nyɩ bɔbr'a k'aa Zuda nɩbɛ ta cãà tɛr dɛbr, pɔwbɛ, pɔ́lɛ́ nɩ bi-cãpili bɩɩ? Nyɩ bɔbr'a kɛ́ nyɩ ta cãà tɛr bom za bɩɩ?

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 6:25

Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

Wulu-ayi-sob 28:18

Ʋ kʋ̃ mɩ́ kʋ̀ nyɩ a dɔwfʋ ɛ, a nyɩ bʋ̃-kʋ́ɔrɩ kʋ̃ mɩ́ maalɩ vla ɩ, a nyɩ dʋn kʋ̃ mɩ́ yɛ̀r yãwmɛ ɩ: a nĩi, a píir nɩ a bʋʋr.