A Lãw-mʋɔlɛ 2:21 - A SƐB-SÕW

²¹ A pɔlbili nɩ a dɛb-nyamɛ lo na gã gã a sɛ́ɛ zu. A zɛbr-sɔ-kpɛ̃ɛ kʋ n a ɩ̃ pɔwsɩrali nɩ a ɩ̃ pɔlbili. A fʋ suur bibir a, fʋ kʋ bɛ na, fʋ ŋmaarɩ bɛ nɩ a kɔkɛɛ bɛ zɔ n nɩbaalʋ ɛ.

A Lãw-mʋɔlɛ 2:21 ပူးပေါင်းရင်းမြစ်များ

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Zeremi 11:22

Nyɛ̃ a lɛ a Sore, a kpɛnʋ-za-sob, na yere a: «Ɩ̃ na dɔwr'ɩ a nɩbɛ bɛ ŋa faa faa: a bɛ pɔlbili na kpi n a zɛbr zie, ɛ́ kɔ̃ kʋ a bɛ bidɛbr nɩ a bɛ pɔwyaar.

Zeremi 13:14

Ɩ̃ na mɩ́ nyɔw nɩ ŋa va n ŋa, va bɛ kar kar, a sãà mɩnɛ lãwnɩ a bibiir, a Sore n'ʋ yel. Ɩ̃ bɛ cɩ́ɛr nɩr bɛrɛ ɩ. Nɩbaal-zɔba kãw za kʋ̃ piw mɛ̃ sɔ́r ɩ̃ bɛ sãw bɛ bɛr ɛ.»

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 51:22

Fʋ̃ʋ n'ʋ ɩ̃ pɔb'ɩ dɛbr nɩ pɔwbɛ tʋ̃ɔ́ pelẽpelẽ, dɛb-nyamɛ nɩ pɔlbili, dɛbli nɩ powli.

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

Zeremi 9:21

«A fʋ̃ʋ Zeremi a, cãà lɛb yel a lɛ a mãa, a Sore, na yere a: “A kũuni na gã gã nɩ a tẽsɔw mɛ̃ pʋɔrʋ na gã póru pʋɔ a, mɛ̃ ka-zuru na gã a ka-ŋmarɛ pùorí, ɛ́ nɩr za bɛ wobr a a.”»

A Lãw-mʋɔlɛ 1:15

A Sore jɛ n a soja-gãdaar za na tɩ be a ɩ̃ zie a bɛr. Ʋ ɓã n zɛbr-nɩbɛ taa a ɩ̃ ƴãw, k'ʋʋ tʋ̃ɔ́ nɩ a ɩ̃ pɔ́lɛ́ za pelẽpelẽ. Ʋ nɛb'ɩ mɛ̃ nɩ gbɛ́ɛ, a mãa, a Zuda tẽw Sɩyɔ̃, mɛ̃ divɛ̃ tɩ-wɔmɛ a nɛbrʋ zie a.

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

A Lãw-mʋɔlɛ 3:43

A fʋ suur na tɩ pili pàw fʋ a zũú a, fʋ ta na tu tɩ ɛ́ kʋ tɩ faa faa bɛ zɔ n nɩbaalʋ ɛ.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

Ezekɩɛl 7:4

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraalɛ. Lɛ n'a nyɩ na sàw k'ɩ̃ɩ ɩ n a Sore.

Ezekɩɛl 7:9

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraa lɛ. Lɛ n'a nyɩ na sàw k'ɩ̃ɩ ɩ n a Sore na dɔwrɛ nyɩ a.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Ezekɩɛl 9:10

A na ɩ à ŋá a, mãa a, ɩ̃ kʋ̃ tɛr mimi-baalʋ a bɛ ƴãw ɛ, ɩ̃ kʋ̃ zɔ nɩbaalʋ ɛ. Ɩ̃ na ɩ n a faa bɛ na maalɩ a, a lɛb lo a bɛ zu.»

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 8:13

A ʋlɩ bibir a, a pɔwsɩrali na pɔl pɔl a nɩ a pɔlbili na kpi n kʋ̃ɔ-nyúur.

Zakari 11:6

A mãa, a Sore, ɩ̃ yere na, ɩ̃ mɩ̀ kʋ̃ zɔrɛ a tẽ-daa nɩbɛ nɩbaalʋ ɛ. Ɩ̃ na mɩ́ ƴãw nɩ nɩsaal za a ʋ kpɛ-pɩɛl nɩ a ʋ nãà nũú. A na-mɩnɛ na sãw nɩ a tẽw bɛr ʋ za, ɩ̃ɩ bɛ faarɛ nɩr za a bɛ nuru pʋɔ ɩ.»

Wulu-ayi-sob 28:50

Bɛ na ɩ n nɩbɛ na ko niŋé a, bɛ kʋ̃ tɛr ƴãwfʋ dɛb-nyãw zie ɩ, bɛ kʋ̃ zɔ pɔlbile nɩbaalʋ ɛ.

Wulu-ayi-sob 32:25

A zɛbr-sɔ-kpɛ̃ɛ na kʋrɛ nɩ a yẽw, ɛ́ a pʋl-vʋ̃ɔ kʋrɛ a dĩó. A kũu na kʋrɛ nɩ bɛ za, a pɔlbili nɩ a pɔwsɩrali, a dɛb-nyamɛ nɩ a bibiir.”

Zozue 6:21

Bɛ tɩ sãw nɩ bom za na be a tẽw pʋɔ a bɛr, a dɛbr nɩ a pɔwbɛ, a pɔlbili nɩ a dɛb-nyamɛ, a nĩi, a píir nɩ a bòn, bɛ kʋ n a za.

1 Samɩɛl 15:3

Lɛ so, cen tɩ zɛb'ɩ a Amalɛkɩ a ƴɛrɛŋa. Bom nɛ za ʋ na so a, sãw ʋ bɛr pẽlẽpẽlẽ, taa bɛrɛ ʋ ɛ. Kʋ bɛ za pàw pɛr, a dɛbr, a pɔwbɛ, a bibiir nɩ a bi-pɩɩlɛ, a nĩi nɩ a píir, a nyɔ̃wmɩ nɩ a bòn.»