A Lãw-mʋɔlɛ 2:20 - A SƐB-SÕW

²⁰ Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

A Lãw-mʋɔlɛ 2:20 ပူးပေါင်းရင်းမြစ်များ

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Sɛb-sõw yielu 78:64

A zɛbr-sɔ-kpɛ̃ɛ tɩ kʋ n a bàwr-maalbɛ, ɛ́ a pɔw-kɔbɛ bɛ tɩ ŋmãa lãw-mʋɔlɛ ɩ.

Eziptɩ tẽw yib 32:11

Ɛcɛ a Moyiir tɩ zɛlɩ nɩ a Sore ʋ Naaŋmɩn yãayãa, k'ʋʋ ɓãá suur. Ʋ tɩ yel ʋ na: «Sore e, bʋ̃ʋ n'ʋ so fʋ na nyɛ̃ nɩ a fʋ nɩbɛ suur, bɛl a fʋ gãdaalʋ nɩ a fʋ kpãkpã-kpɛ̃w na ɩ bɛ yi a Eziptɩ a?

Ɩzayi 22:2

Bʋ̃ʋ n'ʋ so fʋ ɩ tẽ-kpɛ̃ɛ na ɩ gɔmɛ tɛwr a, tẽ-kpɛ̃ɛ na damnɛ a, tẽ-kpɛ̃ɛ na cɩlɛ ʋ za a? Zɛbr zie bɛ n'a a fʋ nɩbɛ kpi ɛ, zɛbr zie bɛ n'a bɛ kʋ bɛ ɩ.

Zeremi 19:9

Dɔ̃ dem na bɔbr a bɛ kũu a, na wa na wa ŋmãa jil a tẽ-kpɛ̃ɛ zɛb'ɩ ʋ. Kpɩɛrʋ nɩ wʋ̀ʋr na tɛr'ɩ a tẽw dem, ƴãw bɛ 'wɔbr a bɛ bibiir ƴã-gã-nɛnɛ, ɛ́ 'wɔbr taa.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 1:19

Ɩ̃ tɩ bʋɔl'ɩ a bɛlɩ dem na nɔnɛ mɛ̃ a, ɛcɛ, bɛ tɩ bɛ̀lɩ mɛ̃ na. A ɩ̃ bàwr-maalbɛ nɩ a ɩ̃ yã-wulbɛ tɩ kpi n a tẽ-kpɛ̃ɛ pʋɔ, a lɛn daar bɛ na tɩ bɔbr a bʋ̃-dɩrɩ, kɛ́ bɛ dɩ lɛb páw fãw a.

A Lãw-mʋɔlɛ 4:10

A lɛn daar a kpɩɛrʋ á ŋá na tɩ ta a ɩ̃ nɩbɛ a, mã mɩnɛ na paalɩ nɔ̃wfʋ yaga a, dʋw nɩ a bɛl tɛɛ za bibiir 'wɔb.

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

A Lãw-mʋɔlɛ 4:16

A Sore tɛɛ za n'ʋ diw bɛ yaarɩ, ʋ bɛ cãà bɔbr bɛ nyɛ b ɛ. A nɩbɛ bɛ cãà ƴãwnɛ a bàwr-maalbɛ ɩ, bɛ cãà zɔrɛ a nɩ-kore nɩbaalʋ ɛ.

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

Ezekɩɛl 9:7

A Sore tɩ tɩr'ɩ nʋɔr ŋa: «Nyɩ ɩ a Ŋmɩn-yir-kpɛ̃ɛ tɛr dɛwr, nyɩ ɩ a ʋ davʋrɩ paalɩ kũuni, ɛ́ nyɩ yi!» Bɛ tɩ cen na tɩ kʋ a tẽ-kpɛ̃ɛ nɩbɛ.

Levitɩ mɩnɛ 26:29

A na fɛr'a nyɩ 'wɔb a nyɩ bidɛbr nɩ a nyɩ pɔwyaar ƴã-gã-nɛnɛ.

Wulu-ayi-sob 9:26

Ɩ̃ tɩ puor'ʋ nɩ à ŋá: «Sore Naaŋmɩn i, ta kʋ a nɩ-bʋʋrɛ fʋ na so a pàw pɛr ɛ. A fʋ kpɛnʋ na ɩ kpɛ̃ɛ a zũú n'a fʋ faa bɛ, ɛ́ ɩ n a fʋ fãw na bɛ tɛr tʋ̃ɔ́fʋ a, bɛ yi a Eziptɩ tẽw.