A Lãw-mʋɔlɛ 2:19 - A SƐB-SÕW

¹⁹ Taa nyɔwr fʋ tʋɔra ɩ: kone a tɩ̃ɩsɔw, tɛm tɛm za. Wɛl a fʋ pʋɔ za a Sore niŋé. Zɛw a fʋ nuru cɔw ʋ, tʋ̃ɔ́ faa a fʋ bibiir na kpiir a kɔ̃ a sɛ́ɛ gõgone za pʋɔ a.

A Lãw-mʋɔlɛ 2:19 ပူးပေါင်းရင်းမြစ်များ

A Zɔb sɛbɛ 3:24

A kon ɩ̃ na kone siwre a n'ɩ a ɩ̃ dɩb, ɛ́ a ɩ̃ kpɩɛrʋ cɛlsɩ yire bɛ tɛr ŋmãafʋ daar ɛ.

Sɛb-sõw yielu 119:55

Sore e, a tɩ̃ɩsɔw a, ɩ̃ bɛ mɩ́ yiiri a fʋ yele ɩ, ɛ́ mɩ́ tuur a fʋ wulu.

Sɛb-sõw yielu 134:2

Nyɩ zɛw a nyɩ nuru cɔw a zi-sõw, ɛ́ puori a Sore yãanɩ.

Sɛb-sõw yielu 141:2

A ɩ̃ puoru, a do wa a fʋ zie, mɛ̃ a tɩ-suur-zɔ̃-na-nyùur-vla-vla-a zʋ̀ʋ́r a, ɛ́ a ɩ̃ zɛlʋ ɩ mɛ̃ a zaanʋɔra bàwr a.

Sɛb-sõw yielu 142:2

Ɩ̃ lɔbr'ɩ cɛlsɩ bʋɔlɛ nɩ a Sore, ɩ̃ lɔbr'ɩ cɛlsɩ zɛlɛ nɩ a Sore yãayãa.

Sɛb-sõw yielu 142:3

Ɩ̃ kone na kʋ̀rɛ ʋ, ɩ̃ manɛ nɩ a ɩ̃ kpɩɛrʋ kʋ̀rɛ ʋ.

Sɛb-sõw yielu 28:2

Mɩ́ bɛr wõ m a lɛn daar ɩ̃ na mɩ́ zɛlɛ fʋ yãayãa a, a lɛn daar ɩ̃ na mɩ́ kone bʋɔlɛ fʋ a, a lɛn daar ɩ̃ na mɩ́ zɛw a nuru cɔw a fʋ zi-sõw-za-zi-sõw a.

Sɛb-sõw yielu 42:3

A Naaŋmɩn kʋ̃ɔ-nyúur nyɔw mɛ̃ na, a Naaŋmɩn na vʋʋrɛ a kʋ̃ɔ-nyúur. Debor'a ɩ̃ na ta a ʋ yir, àr a ʋ niŋé?

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 42:8

Fʋ ɩ na a kʋ̃ɔ cuure, ɩrɛ gɔmɛ, a kʋ̃ɔ mie bʋɔlɛ taa, fʋ ɩ na a za darɛ taa waar a ɩ̃ zu, a paal'a pàw mɛ̃ ɩ̃ za.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 63:4

a fʋ nɔ̃wfʋ sɩrɩ na sa a nyɔ-vʋʋrʋ. Ɩ̃ na danɛ fʋ na.

Ɩzayi 26:9

A tɩ̃ɩsɔw a, ɩ̃ mɩ́ bɔbr'a kɛ́ fʋ nãà be a ɩ̃ zie, ɩ̃ mɩ́ bɔbr fʋ nɩ a ɩ̃ pʋ̃ɔmɩ pʋ̃ɔmɩ za. Fʋ̃ʋ mɩ́ wa tu a nɩsaalbɛ zie a lɛ fʋ na dɩ a ƴɛ̀rʋ bin a, a tẽ-daa nɩbɛ mɩ́ zanɩ nɩ a mɩnʋ.

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

Ezekɩɛl 5:16

Ɩ̃ na ƴãw na kɔ̃ kʋ nyɩ. Ʋ na ƴãw nyɩ nɩ bàalʋ mɛ̃ a lɛ tɔrza pime na mɩ́ tawr cɩɛrɛ a. Ɩ̃ na sãw nɩ a dipɛ̃ al nyɩ na maal bin a bɛr, ɛ́ bɛr nyɩ nyɩ kpi kɔ̃.

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Nahum 3:10

Ɛcɛ bɛ mɩ̀ tɩ diw nɩ a Tɛb tẽw dem cen nɩ gbãgbaalʋ pʋɔ, tẽ-yũo. Bɛ mɩ̀ tɩ kʋ n a ʋ bibiir a sɔ-carɩ za pʋɔ. Bɛ tɩ ƴãw nɩ a ʋ nɩ-bɛrɛ za bamɛ, bɛ tɩ ŋmɛ n gbãw põ a ʋ nɩ-yée.

Matie 14:25

A zie na wa wɛlɛ a, a Yeezu tɩ cen nɩ a kʋ̃ɔ-kpɛ̃ɛ zu wa a ʋ po-tuurbɛ zie.

Markɩ 1:35

A bio daarɩ́, a Yeezu tɩ ìr'ɩ zi-lige yi cen wɛja pʋɔ tɩ be a be puore.

Markɩ 13:35

A na ɩ lɛ a, nyɩ bɛr gʋ̃ɔ, nyɩ na bɛ bãw debor'a a yir sob nãà wa a ƴãw: zaanʋɔra n'a bɩɩ, zi-põ-zɛ̃-taa n'a bɩɩ, nʋrɩ kon daar'a bɩɩ, biɓaara n'a bɩɩ.

Luka 6:12

A alɩ bibie nɛ pʋɔ, a Yeezu tɩ tɔl'a do tãw zu k'ʋʋ tɩ puori. Ʋ tɩ puor'ɩ a Naaŋmɩn a tɩ̃ɩsɔw-ɓil za.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

Ƴɛ̀r-dɩrbɛ 7:19

A zie tɩ cɛ nɩ blã na bɩ põ-zɛ̃-taa, ɛ́ a Zedeɔ̃ nɩ a ʋ nɩbɛ kɔbr ata (300) pɩɛlɩ a laɩ. Bɛ tɩ lɩɛrɛ nɩ a laɩ-gùrbɛ wa báarɛ, ɛ́ bɛ ta. Bɛ tɩ pɛbl'ɩ a wɩ́ɛ, ɛ́ lɔb a duwli bɛ na ƴãw a nurú a ŋmɛr.

1 Samɩɛl 1:15

A Ana tɩ sɔw ʋ na: «Pɔw-zu-kpɛ̃w sob bɛ nɛ m ɛ, ɩ̃ bɛ nyũ divɛ̃ bɩɩ dã-kpɛ̃w kãw za na kuole a ɩ, a Sore n'ʋ ɩ̃ kone a ɩ̃ kpɩɛrʋ kʋ̀rɛ.

1 Samɩɛl 7:6

A Ɩsɩrayɛl nɩbɛ tɩ ɓã n taa a Misɩpa. Bɛ tɩ 'wɔ̃w nɩ kʋ̃ɔ cir bɛr a tẽw a Sore niŋé. A ʋlɩ bibir a, bɛ tɩ tɛr'ɩ mʋta-tuo a be ɛ́ yel à ŋá: «Tɩ maal'ɩ yel-bier sãw a Sore.» A Misɩpa be n'a a Samɩɛl tɩ ɩ a Ɩsɩrayɛl nɩbɛ ƴɛ̀r-dɩrɛ.