A Lãw-mʋɔlɛ 2:18 - A SƐB-SÕW

¹⁸ A Zerizalɛm nɩbɛ lãw nɩ socir been cɩɩrɛ nɩ a Sore zie. Sɩyɔ̃ tẽw dacĩ-kpɛ̃ɛ ɛ, bɛr a fʋ mʋta-kʋ̃ɔ a gbɔlɛ mɛ̃ bà-fʋɔla kʋ̃ɔ a, mʋ̃tɔ̃w nɩ tɩ̃ɩsɔw. Taa yel kɛ́ fʋ pɩ̃ɛnɛ na ɩ, a mʋta-kʋ̃ɔ, a taa ŋmaarɛ towtow ɛ.

A Lãw-mʋɔlɛ 2:18 ပူးပေါင်းရင်းမြစ်များ

Sɛb-sõw yielu 119:136

A ɩ̃ mimie zɔrɛ nɩ mʋta-kʋ̃ɔ, bɛ na bɛ sàwr a fʋ wulu a ƴãw.

Sɛb-sõw yielu 119:145

Sore e, ɩ̃ bʋɔlɛ fʋ na nɩ ɩ̃ pʋɔ za, sɔw mɛ̃, ɩ̃ na maal'ɩ a lɛ fʋ na bɔbr a.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

A Lãw-mʋɔlɛ 1:16

Alɛ n'a so ɩ̃ kone. A ɩ̃ mimie ɩ n mʋta-kʋ̃ɔ cɔb! Bʋ̃ʋ n'ʋ vɛ̃, a sob nɛ nãá mɔwlɩ mɛ̃ ɛ́ lɛb kʋ̀ m fãw ɩ̃ vʋʋrɛ a zãá nɩ mɛ̃ na. A ɩ̃ bibiir bɔr'a, bʋ̃ʋ n'ʋ vɛ̃, a dɔ̃dɔmɛ tɩ tɛr'ɩ fãw zuo.

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

A Lãw-mʋɔlɛ 2:8

A Sore tɩ yel'a k'ʋʋ na ŋmɛr'ɩ a dacine na piw a Sɩyɔ̃ tẽw a bɛr. Ʋ dɔl'ɩ a miw-máná, ʋ bɛ bɛr a ŋmɛr-bɛrʋ ɛ, ɛ́ gù bom bɛ tɩ cãà be ɩ. Ʋ ŋmɛ n a dacine a za ayi, ɛ́ a za ayi lo.

A naaŋmɩn-ƴèr-manɛ Oze sɛbɛ 7:14

A bɛ pʋɔ za bɛ n'ʋ bɛ mɩ́ kone cɔwr'ɩ mɛ̃ ɩ. Ɛcɛ bɛ mɩ́ gã na kone, wɛrɛ nɩ a bɛ ƴã-gan, tɩɛr kɛ́ lɛ n'a bɛ na ɩ a bɛ ble nɩ a bɛ divɛ̃ tɩ-wɔmɛ maalɩ vla. À à ŋá bɛ na ɩrɛ a, mãa n'ʋ bɛ zawrɛ bɛrɛ.

Habakukɩ 2:11

A dacine kʋsɛbɛ tɛɛ za na cɩɩrɛ nɩ a nyɩ sãwna, ɛ́ a dĩo wɛwr sɔwr a.