A Lãw-mʋɔlɛ 2:15 - A SƐB-SÕW

¹⁵ Zerizalɛm i, a bɛlɩ dem za na tɔlɛ pɩɛlɛ fʋ a puore nɩ nuru a fʋ loba ƴãw. Bɛ fuole na gɔwrɛ nɩ zuru kɛ́ bɛ tʋ̃ɔ́ ɩ b la: «A tẽ-kpɛ̃ɛ ŋa n'ʋ bɛ tɩ bʋɔlɛ a vɩɛl-bɛ-cɛ nɩ a tẽ-daa za nʋ̃ɔ̀ ʋ?»

A Lãw-mʋɔlɛ 2:15 ပူးပေါင်းရင်းမြစ်များ

2 Na-mɩnɛ 19:21

Wone a ƴɛ̀rʋ ɩ̃ na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl'a, kpɔwrɛ fʋ na, ŋmɩwrɛ nɩ ƴãwn.

2 Bibie za yel-manɩ 7:21

A nɩbɛ mɩ́ wa tɔlɛ pɩɛlɩ a Ŋmɩn-yir-kpɛ̃ɛ ŋa na tɩ dãw ɩ kpɛ̃ɛ a, bɛ na mɩ́ nyɔw nɩ nʋɔr ɛ́ pʋ̀lá vʋ̃ɔ bɛ bɛ yere: “Bʋ̃ʋ n'ʋ so a Sore ɩ a tẽw ŋa nɩ a Ŋmɩn-yir-kpɛ̃ɛ ŋa à à ŋá?”

Sɛb-sõw yielu 109:25

Mãa n'ɩ a bɛ nɩ-ɩ-laara, bɛlɛ wa nyɛ̃ m a, bɛ mɩ́ gɔwrɛ nɩ zu, ɩrɛ nɩ mɛ̃ laar.

Sɛb-sõw yielu 22:7

Mãa a, zãzul nɛ m, ɩ̃ bɛ cãà ɩ nɩr ɛ, a nɩbɛ tʋʋr mɛ̃ na, nɩbɛ za jewre mɛ̃ na.

Sɛb-sõw yielu 48:2

A Sore ɩ n kpɛ̃ɛ, a tɩ Naaŋmɩn sɛwnɩ nɩ danʋ yaga za a ʋ tẽ-kpɛ̃ɛ pʋɔ. A ʋ tãw-sõw

Sɛb-sõw yielu 48:3

ìr'a àr nɩ pɔ̀lʋ, ɛ́ ɩrɛ nʋ̃ɔ̀ a tẽw za. A Sɩyɔ̃ tãw n'ɩ a tẽ-daa tẽ-kpɛ̃ɛ kpɛ̃ɛ, a Na-kpɛ̃ɛ tẽ-kpɛ̃ɛ n'ʋ.

Sɛb-sõw yielu 50:2

Naaŋmɩn nyɩwrɛ nɩ a Sɩyɔ̃ tẽw na vɩɛl ʋ za a pʋɔ.

Sɛb-sõw yielu 64:8

Ɛcɛ Naaŋmɩn tɛ bɛ na, a pĩi n'ɩ ŋan ur nyɔw bɛ:

Ɩzayi 28:21

A Sore na ìr'a mɛ̃ a Perasim tãw zu a. Ʋ na nyɛ̃ nɩ suur màwr mɛ̃ a Gabaɔ̃ fʋɔla pʋɔ a, a ʋ ton tob daar, tõ-bɩɛ, a ʋ ɩb ɩb daar, ɩb-sãan.

Ɩzayi 37:22

Wone a ƴɛ̀rʋ a Sore na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl a kpɔwrɛ fʋ na, ŋmɩwrɛ nɩ ƴãwn.

Ɩzayi 64:11

Sore e, fʋ na tʋ̃ɔ́ na nyɛ̃ a kpɩɛrʋ á ŋá ɛ́ nyɔw fʋ tʋɔra a? Fʋ na tʋ̃ɔ́ na ɩ gbili ɛ́ ƴãw tɩ a vĩ tɩ dɔwlɩ ɩ?

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 19:8

Ɩ̃ na ɩ na a Zerizalɛm tẽ-kpɛ̃ɛ lɩɛbɩ zie bɛ nãà mɩ́ wa nyɛ̃ ŋmɩɛr pʋl-vʋ̃ɔ cɛlsɩ a. Nɔ-ɓãan na mɩ́ nyɔw nɩ a bɛlɩ dem za na tɔlɛ a be a, ɛ́ bɛ na mɩ́ ŋmɩɛr'ɩ pʋl-vʋ̃ɔ cɛlsɩ a yel-sãwnɩ á ŋá za bɛ na nyɛ̃ a zũú.

Zeremi 25:18

Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 26:6

Nyɩmɛ bɛ wa bɛrɛ wone a, ɩ̃ na ŋmɛr'ɩ a Ŋmɩn-yir-kpɛ̃ɛ ŋa bɛr mɛ̃ a lɛ ɩ̃ na ŋmɛr a Silo tẽw Ŋmɩn-yir-kpɛ̃ɛ bɛr a. Ɛ́ a tẽw zu nɩ-bʋʋrɛ za sɔgɔ a, ɩ̃ na ɩ na a Zerizalɛm ɩ a tẽw bɛ na na mɩ́ ŋmɛ ƴãw man nɩ a.”»

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 48:27

Mowab i, lɛb tɩɛrɩ a lɛ fʋ na tɩ ɩrɛ a Ɩsɩrayɛl laar a. Fʋ tɩ ɩ na mɛ̃ fʋ de ʋ na k'ʋ ɩ nyãnyuwe a. Bʋ̃ʋ n'ʋ vɛ̃, fʋ bɛ tʋ̃ɔ́ mɩ́ tɩ ƴɛ̀rɛ a ʋ ƴɛ̀rʋ, ɛ́ ɩrɛ ʋ laar gɔwrɛ nɩ zu ɛ?

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

A Lãw-mʋɔlɛ 1:8

A Zerizalɛm sãw nɩ faa faa, alɛ n'a so ʋ lɩɛbɩ sagɛ. A bɛlɩ dem za na tɩ ƴãwnɛ ʋ a, yàalɛ ʋ na, bʋ̃ʋ n'ʋ vɛ̃, bɛ nyɛ̃ nɩ a ʋ ƴã-gã-kpãkpol. Ʋl ƴãw a, ʋ lɩɛb'a kone cere nɩ.

A Lãw-mʋɔlɛ 2:16

A fʋ dɔ̃ dem za ƴɛ̀rɛ nɩ ƴɛ̀r-faar cáarɛ nɩ fʋ. Bɛ fuole na nyɩrɛ nɩ nyɩmɛ a fʋ ƴãw, Bɛ yere na: «Tɩ vɔl ʋ na. A bibir tɩ na gùre a n'ʋ pãa nanɩ ta. Ʋ vɩɛ na, tɩ nyɛ̃ ʋ na!»

A Lãw-mʋɔlɛ 2:6

Ʋ kpɛ n nɩ fãw a ʋ zie na ŋmãa pàw a pʋɔ. Ʋ sãw nɩ a zie ʋl ʋ na mɩ́ tɩ tuori tɩ a bɛr. A Sɩyɔ̃ tẽw a, a Sore ɩ na bɛ yiiri a cuwr bibie nɩ a pɩ̃ɛnʋ-bibie bɛr. A ʋ su-tʋlʋ pʋɔ a, ʋ jewr'ɩ a nãà nɩ a bàwr-maalbɛ.

Ezekɩɛl 16:13

A fʋ pɩ̃ɛmɛ tɩ ɩ n salm-zɩɛ nɩ salm-pla, a fʋ bʋ̃-suuri ɩ lɛ̃ nɩ pɛn-yée nɩ pɛn-mawrɩ. Zɔ̃-bàalʋ nɩ sɩwr nɩ kãá n'a fʋ tɩ dɩrɛ. Lɛ n'a fʋ tɩ pɔl bɛ cɛ ɩ, ɛ́ sɛwnɩ na ɩ a nãà-pɔw.

Ezekɩɛl 16:14

A fʋ na tɩ pɔ̀l a, Zerizalɛm i, bɛ tɩ ƴɛ̀rɛ nɩ a fʋ ƴɛ̀rʋ a tẽ-daa za zu. Bʋ̃ʋ n'ʋ vɛ̃, a fʋ vɩɛlʋ bɛ tɩ cɛ ɩ, ɩ̃ na tɩ su b yúor-vɩɛlʋ-danʋ a ƴãw. A mãa Sore Naaŋmɩn n'ʋ yel.»

Ezekɩɛl 23:32

À ŋá n'a a mãa Sore Naaŋmɩn yere: Fʋ na nyũ n a koli-nyúura been nɛ mɛ̃ a fʋ yɛb a, koli-nyúura na yɛlmɛ ɛ́ zulme a. A nɩbɛ na laar fʋ na ɛ́ kpɔwrɛ fʋ, bʋ̃ʋ n'ʋ vɛ̃, a koli-nyúura paal'a cire!

Ezekɩɛl 25:6

À ŋá n'a a mãa Sore Naaŋmɩn yere: Nyɩ ŋmɛ n nuru ɛ́ ƴaw nʋ̃ɔ̀ ƴawfʋ nyɩ na wõ a Ɩsɩrayɛl kpɩɛrʋ a. À à ŋá a, nyɩ wul'ɩ jewru na ɩ jewru a, a ɩ̃ nɩ-bʋʋrɛ.

Ezekɩɛl 5:15

Ɩ̃ na tu n a lɛ ɩ̃ na dɩ a ƴɛ̀rʋ bin a fʋ ƴãw nɩ su-tʋlʋ a, ɩ̃ɩ na yel fʋ nɩ yaga. Lɛ n'a a nɩ-bʋʋrɛ na be a kõkowe ƴãw a na de a tẽ-kpɛ̃ɛ ŋa ʋ ɩ bʋ̃-ɩ-laara nɩ zʋmɛ bom. Ɛcɛ a tẽ-kpɛ̃ɛ ŋa mɩ̀ na ɩ n kpaalʋ nɩ dɛ̃bɩ̃-kpɛ̃ɛ bom a bɛ zie. A mãa Sore n'ʋ ƴɛ̀rɛ a nyɩ zie.

Mise 6:16

Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Nahum 3:19

A fʋ yele sãw na bɛ lɛb tɛr maalʋ ɛ, a fʋ natɩɛ bɛ tɛr tɩ̃ɩ ɛ, bɛlɩ dem za na mɩ́ wone a fʋ yele a, bɛ mɩ́ ŋmɩɛr'ɩ kuryii a faa na ta b a ƴãw, bʋ̃ʋ n'ʋ vɛ̃, ãa zie n'a fʋ bɛ ɩ a fʋ po-to-ɩb kʋralɛ?

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Matie 27:39

A sɔr-tɔlbɛ tɩ tʋʋr ʋ na gɔwrɛ nɩ zu,

Markɩ 15:29

A sɔr-tɔlbɛ tɩ tʋʋr ʋ na gɔwrɛ nɩ zu yere: «Alɛ! Fʋ̃ʋ na darɛ a Ŋmɩn-yir-kpɛ̃ɛ lɔbr ɛ́ lɛb mɩɛr ʋ bibie ata ƴãw a,