A Lãw-mʋɔlɛ 2:14 - A SƐB-SÕW

¹⁴ Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

A Lãw-mʋɔlɛ 2:14 ပူးပေါင်းရင်းမြစ်များ

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 20:6

Ɛ́ a fʋ̃ʋ, Pasehuur i, fʋ na cen nɩ gbãgbaalʋ pʋɔ, fʋ̃ʋ nɩ a bɛlɩ dem za na lãw kpɩɛr'ɩ fʋ a. Fʋ̃ʋ wa ta a Babɩlɔn a, fʋ na kpi na, ɛ́ a be n'a bɛ na ũù fʋ, fʋ̃ʋ nɩ a fʋ bárɩ bɛl za zie fʋ na tɩ ɩ naaŋmɩn-ƴɛ̀r-man-ziri sob a.”»

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Zeremi 23:36

Ɛcɛ nyɩ kʋ̃ lɛb ƴɛ̀r “tuor Sore na tuo nɩr a” ƴɛ̀rʋ towtow ɛ. Ŋa za ƴɛ̀rʋ n'ʋ na mɩ́ ɩ a tuor, bʋ̃ʋ n'ʋ vɛ̃, nyɩ mɩ́ sãw nɩ a Naaŋmɩn na vʋʋrɛ a, a Sore kpɛnʋ-za-sob, a tɩ Naaŋmɩn ƴɛ̀rʋ bɛr.

Zeremi 28:15

Lɛ n'a a naaŋmɩn-ƴɛ̀r-manɛ Zeremi tɩ cãà lɛb yel a naaŋmɩn-ƴɛ̀r-manɛ Hananɩa: «Wone, Hananɩa a: A Sore bɛ to b ɛ, fʋ̃ʋ n'ʋ ɩrɛ a nɩbɛ bɛ ŋa bɛ̀lɛ bɛ tʋɔra.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 37:19

A nyɩ naaŋmɩn-ƴɛ̀r-manbɛ bɛl na tɩ yel k'aa Babɩlɔn tẽw nãà kʋ̃ wa zɛb'ɩ a nyɩɩm nɩ a tẽw ŋa a, bɛ wa?»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Ezekɩɛl 22:25

A bɛ nɩ-bɛrɛ ŋmɛ̃ na mɛ̃ wɛ-baar na ùore ɛ́ tawr a dʋ̃w a na nyɔw a ɓɛlɛ a. Bɛ kʋrɛ nɩ nɩbɛ, zure a bɛ taabɛ na-bome nɩ a bɛ tɛra, ɩrɛ a pɔw-kɔbɛ nʋɔr dɔwlɛ.

Ezekɩɛl 22:28

A bɛ naaŋmɩn-ƴɛ̀r-manbɛ bʋl'ɩ à á ŋá za pàw. Bɛ mɩ́ tɩɛr'ɩ bʋ̃-nyɛrɩ yel, ɛ́ manɩ yele na bɛ ɩ sɩza a. Bɛ mɩ́ yel'a: “À ŋá n'a a Sore Naaŋmɩn yere”. Ɛcɛ ɩ̃ bɛ ƴɛ̀r bɛ zie ɩ.

Ezekɩɛl 23:36

A Sore tɩ yel mɛ̃ na: «A fʋ̃ʋ nɩsaal bie, fʋ na dɩ n nɩ ƴɛ̀rʋ a Ohola nɩ a Oholiba. Wul bɛ a ɩb na bɛ maal'ɩ wob al za bɛ na ɩ a.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Mise 3:8

Ɛcɛ mãa a, a Sore Vʋʋrʋ ʋ na kʋ̀ m a zũú, ɩ̃ tɛr'ɩ fãw yaga za. Mɩnʋ nɩ kanyir be n a ɩ̃ zie, ɩ̃ yere a Zakɔb bʋʋrɛ sãwna kʋ̀rɛ bɛ, ɛ́ yere a Ɩsɩrayɛl nɩbɛ yel-bier kʋ̀rɛ bɛ.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.