A Lãw-mʋɔlɛ 2:11 - A SƐB-SÕW

¹¹ A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

A Lãw-mʋɔlɛ 2:11 ပူးပေါင်းရင်းမြစ်များ

A Zɔb sɛbɛ 16:13

a ʋ pime jil'a pàw mɛ̃ a ziir za. Ʋ cɔ̀rɛ nɩ a ɩ̃ sabr cɩɛrɛ ɛ́ bɛ zɔrɛ nɩbaalʋ ɛ, a ɩ̃ kalɩ̃kaar ŋmɛr a cire tẽw.

A Zɔb sɛbɛ 30:27

A socir mɩ́ tʋɔr mɛ̃ nɩ gerger, a ɩ̃ kpɩɛrʋ bibie á ŋá ƴãw.

Sɛb-sõw yielu 119:82

A ɩ̃ mimie gù n a lɛ fʋ na ƴãw a nʋɔr a tɩ bàl, ɩ̃ sowre: «Debor'a fʋ na mɔwlɩ mɛ̃?»

Sɛb-sõw yielu 22:14

Bɛ ɩ na mɛ̃ gben na háa a nɛ́ɛ a ɩ̃ ƴãw a, gben na ùore ɛ́ tawr cɩɛrɛ a.

Sɛb-sõw yielu 31:9

Fʋ bɛ ƴãw mɛ̃ a dɔ̃ sob nuru pʋɔ ɩ, fʋ ɩ na ɩ̃ ɓãá ƴãw cere.

Sɛb-sõw yielu 38:8

A ɩ̃ sɩ́ɛ ɩ na mɛ̃ ʋ 'lere nɩ vũu a, a ɩ̃ ƴã-gan zie bɛ cɛ bɛ 'wɔbr ɛ.

Sɛb-sõw yielu 6:7

Ɩ̃ kõ na bɛ tɩ cãà laar ɛ, tɩ̃ɩsɔw za, a ɩ̃ mʋta-kʋ̃ɔ mɩ́ bur'ɩ a ɩ̃ gado, a ɩ̃ bʋ̃-gana mɩ́ ɩ n mʋta-kʋ̃ɔ tɛwr.

Sɛb-sõw yielu 69:3

Mɛ̃mɛrɛ bɔw-zulu pʋɔ n'a ɩ̃ siwr, ɛ́ a gbɛ́ɛ bɛ be na tɔ zi-kpɛ̃w ɛ. Ɩ̃ tɔlɛ na siwr a kʋ̃ɔ-zulu pʋɔ, ɛ́ a kʋ̃ɔ-miwr ɓáw mɛ̃ cere nɩ.

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Ɩzayi 38:14

A ɩ̃ kon ŋmɛ̃ na taa nɩ bɛlaarɛkule kon, ɩ̃ kone na mɛ̃ ŋmam na kone a. A ɩ̃ mimie bàl a nɩ a salom úorú. — Sore e, ɩ̃ bɛ cãà laar ɛ, ɩ ɩb kãw a ɩ̃ ƴãw.—

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Zeremi 44:7

A Zeremi tɩ cãà na yel: «Ƴɛrɛŋa a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Bʋ̃ʋ n'ʋ so nyɩ ɩrɛ a kpɩɛr nyɩ tʋɔra sɛw à ŋá? Nyɩ bɔbr'a k'aa Zuda nɩbɛ ta cãà tɛr dɛbr, pɔwbɛ, pɔ́lɛ́ nɩ bi-cãpili bɩɩ? Nyɩ bɔbr'a kɛ́ nyɩ ta cãà tɛr bom za bɩɩ?

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

A Lãw-mʋɔlɛ 1:11

A ʋ nɩbɛ za kone na, bɛ bɔbr'ɩ bʋ̃-dɩrɩ. Bɛ de nɩ a bɛ bʋ̃-vɩɛlɩ bɛ na tɩ tɛr a tɛw nɩ bʋ̃-dɩrɩ, kɛ́ bɛ tʋ̃ɔ́ dɩ lɛb páw fãw. A Zerizalɛm yere na: «Sore e, nyɛ̃ a lɛ bɛ na yàalɛ mɛ̃ a.»

A Lãw-mʋɔlɛ 1:16

Alɛ n'a so ɩ̃ kone. A ɩ̃ mimie ɩ n mʋta-kʋ̃ɔ cɔb! Bʋ̃ʋ n'ʋ vɛ̃, a sob nɛ nãá mɔwlɩ mɛ̃ ɛ́ lɛb kʋ̀ m fãw ɩ̃ vʋʋrɛ a zãá nɩ mɛ̃ na. A ɩ̃ bibiir bɔr'a, bʋ̃ʋ n'ʋ vɛ̃, a dɔ̃dɔmɛ tɩ tɛr'ɩ fãw zuo.

A Lãw-mʋɔlɛ 1:20

Sore e, nyɛ̃ a ɩ̃ kpɩɛrʋ a! A ɩ̃ pʋɔ 'lere mɛ̃ na! A ɩ̃ tɩɛrʋ za dam'a, bʋ̃ʋ n'ʋ vɛ̃, ɩ̃ sɩrɩ na ɩ nɩsaal-gaara! A sɛ́ɛ pʋɔ a, a zɛbr-sɔ-kpɛ̃ɛ kʋ n a ɩ̃ bibiir. A yir a, fʋ mɩ́ manɛ kɛ́ a kũuni tẽw n'a.

A Lãw-mʋɔlɛ 5:17

Alɛ n'a so a tɩ socie be kpɩɛrʋ pʋɔ, alɛ n'a so a tɩ mimie bɛ lɛb cãà nyɛrɛ ɩ.

Luka 23:29

Bibie waar'a na vɩɛ bɛ na yere: “Zu-nʋ̃ɔ̀ dem'ɩ a pɔw-ãanbɛ nɩ a bɛl na bɛ ƴɛnɩ bibiir a, nɩ a pɔwbɛ bɛl na bɛ dɔw a!”

1 Samɩɛl 30:4

A Daviir nɩ a ʋ nɩbɛ za tɩ vaa nɩ kɔkɔr kone, kõ lɛɛɛ bɛ tɩ cãà tɛr fãw na kõ ɛ.