A Lãw-mʋɔlɛ 1:14 - A SƐB-SÕW

¹⁴ Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

A Lãw-mʋɔlɛ 1:14 ပူးပေါင်းရင်းမြစ်များ

Zʋkpaɩ 5:22

A nɩ-faa ɩ-faar tɛɛ za bɛra n'ʋ na nyɔw ʋ, ɛ́ a ʋ yel-bier mie lɩr ʋ tɛr.

Ɩzayi 14:25

Ɩ̃ na sãw nɩ a Asiiri tẽw dem kpɛnʋ bɛr a ɩ̃ tẽw pʋɔ, ɩ̃ na nɛb'ɩ bɛ nɩ gbɛ́ɛ a ɩ̃ tan zu. A bɛ kpɛnʋ dĩ nɩ a ɩ̃ nɩbɛ mɛ̃ ni-kʋ́ɔrɩ dàa a, ɩ̃ na ír ʋ na bɛr. Bɛ dɔwl'ɩ to-tɩbrʋ a bɛ bawŋmamɛ zu, ɩ̃ na tow ʋ na bɛr.»

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 27:12

A mãa, Zeremi, ɩ̃ mɩ̀ tɩ ƴɛ̀r'ɩ a lɛ kʋ̀ a Zuda tẽw nãà Sedesɩasɩ: «Fʋ̃ʋ nɩ a fʋ nɩbɛ a, a fɛr'a kɛ́ nyɩ sàw a Babɩlɔn tẽw nãà nɩ-kpɛ̃ɛnʋ dĩ nyɩ mɛ̃ na-kʋ́ɔra-dàa a. Nyɩ tone a ʋl nɩ a ʋ nɩbɛ tome, ɛ́ nyɩ na vʋʋrɛ na.

Zeremi 27:8

A Sore yere na: Tẽw kãw bɩɩ naalʋ-tẽw kãw wa zawrɩ na tone a Nabikodonozɔɔr a, tẽw kãw bɛ wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa a, ɩ̃ na ìr'ɩ a tẽw ŋa ƴãw nɩ zɛbr nɩ kɔ̃ nɩ jɛ̀lmɛ̃ bàalʋ. Ɩ̃ na tu n a Babɩlɔn tẽw nãà sãw a tẽw ŋa bɛr.

Zeremi 28:13

«Cen tɩ yel a Hananɩa: à ŋá n'a a Sore yere: “Fʋ na kar na-kʋ́ɔra-dàa na ɩ dàa bɛr a, a na fɛr'a fʋ lɩɛr'ʋ nɩ na-kʋ́ɔra-dàa na ɩ kure a.”»

Zeremi 28:14

Bʋ̃ʋ n'ʋ vɛ̃, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nĩi nyuru dàa na ɩ kure a n'ʋ ɩ̃ na dĩ nɩ a nɩ-bʋʋr-yoru bɛ ŋa za, kɛ́ bɛ tʋ̃ɔ́ tone a Babɩlɔn tẽw nãà, Nabikodonozɔɔr, tome. Bɛ na tone nɩ a ʋ tome. Ɩ̃ na de nɩ a wɛ-dʋn tɛɛ za ƴãw a ʋ nuru pʋɔ.”

Zeremi 32:3

A Sedesɩasɩ tɩ ƴãw na bɛ pàw ʋ a be, bʋ̃ʋ n'ʋ vɛ̃, ʋ tɩ yere na k'aa Zeremi sãw na, ʋ na yel a Sore ƴɛ̀rʋ ŋa a: «Ɩ̃ na de nɩ a Zerizalɛm ƴãw a Babɩlɔn tẽw nãà nuru pʋɔ, ʋ na zɛb'a de ʋ.

Zeremi 32:5

A Sore yere na: bɛ na tɛr'ɩ a Sedesɩasɩ cen nɩ a Babɩlɔn, ʋ tɩ be a be ɛ́ gù ɩ̃ wa kaa a ʋ zie. A Sore n'ʋ yel. Nyɩmɛ saa na cãà zɛbr'ɩ a Babɩlɔn tẽw dem a, ɛ́ nyɩ kʋ̃ tʋ̃ɔ́ towtow ɛ.»

Zeremi 37:17

Al pùorí, a nãà Sedesɩasɩ tɩ tõ na bɛ tɩ tɛr a Zeremi wa n. A ʋ yir pʋɔ a, a nãà tɩ sɔwl'a sowri ʋ à ŋá: «Fʋ tɛr'ɩ Sore ƴɛ̀rʋ na ƴɛ̀r kʋ̀ m bɩɩ?» A Zeremi sɔw: «Ʋ̃ʋ!», ɛ́ tɩ yel ƴãw pʋɔ: «Fʋ na lo n a Babɩlɔn tẽw nãà nuru pʋɔ.»

Ezekɩɛl 11:9

Ɩ̃ na diw nyɩ nɩ a Zerizalɛm, ɛ́ de nyɩ ƴãw sãanbɛ nuru pʋɔ. Ɩ̃ na ɩ n a ƴɛ̀rʋ ɩ̃ na dɩ n nyɩ ƴãw dɔwrʋ a, a tu.

Ezekɩɛl 21:31

À ŋá n'a a mãa Sore Naaŋmɩn yere: Fʋ kʋ̃ cãà tɛr a fʋ naalʋ bãwfʋ ɛ, bɛ na vɔw nɩ a fʋ naalʋ-kpawʋɔ. A yele lɩɛb'a! Bɛ na zɛw nɩ a nɩ-bɛ-tɛr-yée ɛ́ siwri a nɩ-yée.

Ezekɩɛl 23:28

A mãa Sore Naaŋmɩn yere na: Ɩ̃ na zawrɩ fʋ na bɛr ƴãw a bɛl fʋ na hɩ̃ɛn a, nuru pʋɔ, a bɛl fʋ na jewre a nuru pʋɔ.

Ezekɩɛl 25:4

À à ŋá ƴãw a, ɩ̃ na bɛr'ɩ a saa-pɛrɩ́ nɩ-yʋɔrɩ bɛ de a nyɩ tẽw. Bɛ na maal'ɩ a bɛ laɩ a nyɩ zie, bɛ na ba n a bɛ pɛnɛ-sɛwr a nyɩ zie. Bɛlɛ nɛbɛ na dɩrɛ a nyɩ tɩɩr wɔmɛ ɛ́ nyúur a nyɩ bʋ̀rʋ.

Ezekɩɛl 25:7

À à ŋá a, ɩ̃ na zɛw nɩ nũu a nyɩ ƴãw, ɩ̃ na bɛr nyɩ na kʋ̀ nɩ-bʋʋr-yoru bɛ fa nyɩ. Ɩ̃ na ɩ na a nyɩ nɩ-bʋʋrɛ bɛ cãà ɩ, ɩ̃ na ɩ na a nyɩ tẽw bɔr, ɩ̃ na sãw nyɩ na bɛr nɩr bɛ tɩ cɛ ɩ. Lɛ n'a nyɩ na bãw kɛ́ mãa n'ɩ a Sore.»

A naaŋmɩn-ƴèr-manɛ Oze sɛbɛ 5:14

Bʋ̃ʋ n'ʋ vɛ̃, a mãa Sore, ɩ̃ na ɩ na mɛ̃ gbẽw a, a Efarayim ƴãw, ɩ̃ na ɩ na mɛ̃ gbẽw-pɔl a, a Zuda yir nɩbɛ ƴãw, mãa n'ʋ, mãa n'ʋ na taw a ɩ̃ bʋ̃-nyɔwra cɩɛrɩ, ɛ́ cab ʋ nʋɔrɩ́ cere nɩ ɛ́ nɩr kʋ̃ tʋ̃ɔ́ faa ʋ ɛ.»

Mise 2:3

Alɛ n'a so a Sore yere: «Ɩ̃ cɔbrɛ nɩ kpɩɛrʋ a nyɩɩm bɛ ŋa taabɛ ƴãw, nyɩ bɛ cɩ̃ɛnɛ ɩ, nyɩ kʋ̃ cãà mɩ̀ lɛb dʋɔ zu cere nɩ ɛ. Bʋ̃ʋ n'ʋ vɛ̃, a nɩdaar na waar a na ɩ n kpɩɛrʋ daar.»

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.