Ƴɛrɛŋa a, a Naaŋmɩn mɩŋa n'ʋ de tɩ niwn. A ʋ bàwr-maalbɛ be n ka cɔbrɩ gù a wɩ́ɛ pɛblʋ kɛ́ bɛ lɔb a zɛbr cɛl a nyɩ ƴãw. A na ɩ à ŋá a, Ɩsɩrayɛl nɩbɛ ɛ, nyɩ ta ŋmãa nɩ a Sore, a nyɩ sãà mɩnɛ Naaŋmɩn, a zɛbr ɛ, nyɩ kʋ̃ zɛb tʋ̃ɔ́ ɩ.»
ɛ́ puori à ŋá: «Sore tɩ sãà mɩnɛ Naaŋmɩn i, fʋ̃ʋ bɛ n'ʋ be a salom zu ɛ́ fʋ̃ʋ bɛ n'ʋ dɩrɛ naalʋ a tẽ-daa naalʋ-ten za zu ɛ? Fʋ̃ʋ so fãw nɩ kpɛnʋ, ɛ́ nɩr kʋ̃ tʋ̃ɔ́ bà gbɛ́r a fʋ niŋé ɩ.
Baw-bio n'a, a nɩr fʋ na nyɛ̃ ʋ zɛbr'ɩ a sob nɛ na maalɩ ʋ a. A nɩsaal ɩ na mɛ̃ tanɛ laa a la-taabɛ pʋɔ a. A yawra na sowre nɩ a sob na mɩɛr'ɩ ʋ a: «Bʋ̃ʋ n'ʋ fʋ ɩrɛ ɛ? A fʋ laa bɛ tɛr pɛr ɛ.»
A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.
Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!
Ʋ ɩ nyɩ bãw a ʋ kpɛnʋ ʋl na ɩ kpɛ̃ɛ bɛ tɛr manʋ, ʋ na wul ʋ sãá a tɩɩm na sàw de a ƴãw a. A ʋ fãw tome a, a ʋ kpɛnʋ na bɛ dɩ vuo a, ʋ ɩ na a sãá a Kɩrɩta zie,