A Zɔb sɛbɛ 4:6 - A SƐB-SÕW

⁶ A fʋ tɛra tɛwr'a tɩ so fʋ zɔrɛ a Naaŋmɩn ɩ? A alɩ bome nɛ ƴãw fʋ na tɩ ƴãw a fʋ tɩɛrʋ a, al tɛwr'a tɩ so fʋ ɩrɛ a vla a?

A Zɔb sɛbɛ 4:6 ပူးပေါင်းရင်းမြစ်များ

2 Na-mɩnɛ 20:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a. Ɩ̃ tɩ ɩ n a lɛ na vɩɛl a fʋ zie a, kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

A Zɔb sɛbɛ 16:17

Ɛcɛ a ɩ̃ nuru bɛ tɩ tõ po-to-fãw tome ɩ ɛ́ a ɩ̃ puoru tɩ vɩɛl ʋ za.

A Zɔb sɛbɛ 17:15

Nyɩnɛ n'a a tɩɛrʋ ɩ̃ na tɩɛrɛ a cen? Ãa n'ʋ nyɛ̃ ʋ?

Sɛb-sõw yielu 26:1

Daviir so ʋ. Sore e, dɩ n mɛ̃ a ƴɛ̀rʋ wul a ɩ̃ yel-mɩŋa, bʋ̃ʋ n'ʋ vɛ̃, sãwna bɛ be a ɩ̃ cenu pʋɔ ɩ, ɛ́ a tɩɛrʋ ɩ̃ na ƴãw a fʋ ƴãw a, kʋ̃ bãw damnʋ ɛ.

Sɛb-sõw yielu 27:3

Zɛbr-nɩbɛ wa ŋmãa jil pàw mɛ̃ a, dɛ̃bɩ̃ɛ kãw za bɛ ɩrɛ mɛ̃ ɩ. Zɛbr mɩ̀ saa ír a ɩ̃ ƴãw a, ɩ̃ na bɛr'ɩ tɩɛrʋ.

Zʋkpaɩ 14:26

A Sore zɔba mɩ́ ɩ na fʋ bɛr tɩ̀ɛrʋ, bʋ̃ʋ n'ʋ vɛ̃, ʋ gùre nɩ a ʋ bibiir.

Zʋkpaɩ 3:26

Bʋ̃ʋ n'ʋ vɛ̃, a Sore na mɩ́ gù b'a, ɛ́ kʋ̃ sàw fʋ lo bɛra pʋɔ ɛ.

Ɩzayi 33:6

Ɛ́ nyɩɩm, Sore nɩ-bʋʋrɛ ɛ, nyɩ nãà wa tʋ̃ɔ́ na kpɩɛr ɛ́ bom bɛ damnɛ nyɩ ɛ. A yã-bãwfʋ nɩ a bãwfʋ ɩ n na-bome na faarɛ a. A Sore zɔba a, ʋlɛ n'ɩ a fʋ na-bom.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.