A Zɔb sɛbɛ 4:11 - A SƐB-SÕW

¹¹ Lɛ n'a a gbẽw kpi, ʋ na bɛ tɛr bom za na dɩ a ƴãw, ɛ́ a gbẽw-nyãw bili zɔ yaarɩ.

A Zɔb sɛbɛ 4:11 ပူးပေါင်းရင်းမြစ်များ

Yele-za-pɛr-tib 49:9

Ɩ̃ bidɛb Zuda a, fʋ ɩ n gbẽw-pɔl na 'wɔb a dʋ̃w ʋ na nyɔw, ɛ́ lɛb cere a ʋ gaa-zie a. A gbẽw dɔm'a, ʋ gã na. Ãa n'ʋ na ɩ ʋ ìr?

A Zɔb sɛbɛ 1:19

wa bere sɛsɛb kpɛ̃ɛ kãw yi a wɛja-kpalɛ pùorí wa fu dam a yir lõbowe a za anaar, a yir lo pàw a pɔ́lɛ́ bɛ kpi. Mãa yõ n'ʋ tʋ̃ɔ́ cɩ̃ɛ, zɔ wa k'ɩ̃ɩ wa yel kʋ̀ b.»

A Zɔb sɛbɛ 20:10

A na fɛr'ɩ a ʋ bibiir kɛ́ bɛ ya a ʋ samɛ, ʋl mɩŋa nuru n'a na de a ʋ na-bome tɩr.

A Zɔb sɛbɛ 29:17

Ɩ̃ mɩ́ tɩ ŋmɛ n a nɩ-faar kõkamɛ kar, ɛ́ faa a bom bɛ na cab'ɩ a nyɩmɛ a.

A Zɔb sɛbɛ 38:39

Fʋ̃ʋ n'ʋ mɩ́ bawlɩ nyɔw a bom kʋ̀ a wɛ-nãà pɔw ɩ? Fʋ̃ʋ n'ʋ mɩ́ ɩ a wɛ-nãà bili a tɩw,

A Zɔb sɛbɛ 5:15

Ɛcɛ Naaŋmɩn mɩ́ faa nɩ a nɩr a kanyir na baar'a a bɛ nuru pʋɔ, ɛ́ ír a nã́w sob a fãw dem nuru pʋɔ.

A Zɔb sɛbɛ 5:4

«A ʋ bibiir, bɛ taa nyɛrɛ sõwfʋ kãw za ɩ, bɛ dɩ n bɛ ƴɛ̀rʋ, ƴãw bɛ kũu-dɔwrʋ ɛ́ nɩr taa ƴɛ̀rɛ sɔwr ɛ!

Sɛb-sõw yielu 34:10

Nyɩ zɔrɛ a Sore, nyɩɩm ʋ nɩ-son i, bɛlɩ dem na zɔrɛ ʋ a, bɛ bɛ bɔbr bom guur ɛ.

Sɛb-sõw yielu 34:11

A nũ-kpɛn dem bãw nɩ a nã́w nɩ a kɔ̃, ɛcɛ bom za tuo bɛ kpɩɛr a bɛlɩ dem na bɔbr a Sore a ɩ.

Sɛb-sõw yielu 7:2

Sore ɩ̃ Naaŋmɩn i, fʋ̃ʋ n'ɩ a ɩ̃ taw-lanʋ zie! Faa mɛ̃, ír mɛ̃ bɛr a nɩbɛ bɛl za na dɔwrɛ mɛ̃ a nuru pʋɔ.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

Sɔr-nɛ́ɛ 23:24

A nɩ-bʋʋrɛ bɛ ŋa ìre na mɛ̃ wɛ-dʋ̃-faa a, bɛ ìre na mɛ̃ gbẽw a. Ʋ bɛ lɛbr ganɛ ɩ, ʋlɛ bɛ wa 'wɔb a bom ʋ na nyɔw a nɛn baar'a ɩ, ʋlɛ bɛ wa nyũ a ʋ zɩ̃ɩ baar'a ɩ.»

Sɔr-nɛ́ɛ 24:9

Bɛ ũúne na mɛ̃ gben a, bɛ ganɛ na mɛ̃ wɛ-dʋ̃-faar a. Ãa n'ʋ na fɛr bɛ bɛ ìr? Ɩsɩrayɛl nɩbɛ ɛ, a maalʋ, a tuur sob nɛ na ƴɛ̀rɛ nɔ-vla kʋ̀rɛ nyɩ a, ɛ́ a ŋmɛ-ƴãw tuur sob nɛ na ŋmɩɛr ƴãwn nyɩ a!»

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.