A Zɔb sɛbɛ 26:7 - A SƐB-SÕW

⁷ Ʋlɛ n'ʋ dɔl a saa-pɛrɩ́-gʋba-lowr salom bɛr a vuo pʋɔ ɛ́ 'lẽ a tẽw yawlɩ a zi-vuo pʋɔ.

A Zɔb sɛbɛ 26:7 ပူးပေါင်းရင်းမြစ်များ

A Zɔb sɛbɛ 38:6

Bʋnʋ pʋɔ n'a a ʋ kpule siw kpɛ? ãa n'ʋ bin a ʋ pɛr kʋsɩɛr

A Zɔb sɛbɛ 9:8

Ʋ mɩ́ dɔl'ɩ a salom ʋ yõ, ɛ́ cere a kʋ̃ɔ-kpɛ̃ɛ kʋ̃ɔ-mie zu.

Sɛb-sõw yielu 24:2

Ʋlɛ n'ʋ sʋ̃ɔ́ a ʋ pɛr a kʋ̃ɔ-bɛrɛ zu, ɛ́ ɩ k'ʋ kpɛmɛ àr a kʋ̃ɔnɩ zu.

Sɛb-sõw yielu 89:12

Fʋ̃ʋ só a salom, ɛ́ mɩ̀ só a tẽw, fʋ̃ʋ n'ʋ maalɩ a tẽ-daa nɩ a bome na paalɩ ʋ a.

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.

Ɩzayi 40:21

Nyɩ bɛ bãw ɛ? Nyɩ bɛ wõ a ɩ? Bɛ bɛ yel yel kʋ̀ nyɩ a pɛr-tib daar za ɩ? Nyɩ bɛ wõ a alɩ bome nɛ na n'ɩ a tẽ-daa pɛr a ɩ?

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a: