A Zɔb sɛbɛ 11:7 - A SƐB-SÕW

⁷ Fʋ tɩɛrɛ kɛ́ fʋ na tʋ̃ɔ́ na bãw a Naaŋmɩn tɩ tɔ ɔ? Fʋ tɩɛrɛ kɛ́ fʋ na tʋ̃ɔ́ na bãw a lɛ a Kpɛnʋ-za-sob vɩɛlʋ na ŋmɛ̃ a tɩ ɓɩɩlɩ ɩ?

A Zɔb sɛbɛ 11:7 ပူးပေါင်းရင်းမြစ်များ

A Zɔb sɛbɛ 22:12

A Naaŋmɩn bɛ be a salom saa-zu za ɩ? Nyɛ̃ lɛ a ŋmar-bie na do saa sɛw a!

A Zɔb sɛbɛ 26:14

À á ŋá za wa ɩ a ʋ ɩ-ɩrɩ wɔlmɛ̃ a, — a blã za zie tɩ na mɩ́ páw nyɛ̃ a — Ãa n'ʋ pãa na tʋ̃ɔ́ bãw a lɛ a ʋ gãda-tome na bɛrmɛ sɛw a?

A Zɔb sɛbɛ 27:11

Ɩ̃ na wul nyɩ nɩ a lɛ a Naaŋmɩn kpɛnʋ na sɛw a, ɩ̃ kʋ̃ sɔwlɩ a Kpɛnʋ-za-sob pʋ-tɩɛrʋ a nyɩ zie ɩ.

A Zɔb sɛbɛ 33:12

A ka a, Zɔb i, ɩ̃ yel kʋ̀ b, fʋ bɛ tɛr yel-mɩŋa ɩ, bʋ̃ʋ n'ʋ vɛ̃, a Naaŋmɩn ɩ n kpɛ̃ɛ zuo a nɩsaal.

A Zɔb sɛbɛ 33:13

Bʋnʋ ƴãw n'a fʋ bɔbr ʋ nɔhaarʋ ʋ na bɛ sɔwr a fʋ sowru a?

A Zɔb sɛbɛ 35:5

Jɩ́r a salom vla, bɛl a zũzuge kaa: a do na gãw fʋ pol pol!

A Zɔb sɛbɛ 36:26

Nyɛ̃, a Naaŋmɩn ɩ n kpɛ̃ɛ zuo, tɩ kʋ̃ tʋ̃ɔ́ bãw ʋ pɩɩrɩ ɛ, a ʋ yome nʋɔr bɛ tɛr sɔ́rʋ ɛ.

A Zɔb sɛbɛ 37:23

A Kpɛnʋ-za-sob tɩ na kʋ̃ tʋ̃ɔ́ ta a n'ʋ, ʋ ɩ n kpɛ̃ɛ a fãw nɩ a mɩnʋ lowr, ʋ bɛ dɔwrɛ sob nɛ na ɩ nɩ-mɩŋa mɩŋa a ɩ.

A Zɔb sɛbɛ 37:5

A Naaŋmɩn mɩ́ maal'ɩ nɔ-ɓãa-yele nɩ a ʋ kɔkɔr-kpɛ̃w, ʋ mɩ́ maal'ɩ yel-bɛrɛ a nɩsaal na kʋ̃ tʋ̃ɔ́ bãw a.

A Zɔb sɛbɛ 42:3

Fʋ sowr'a kɛ́ ãa n'ɩ a ʋlɛ nɛ fʋ na cɔbrɩ a yele bin a ɩ cãà, ʋʋ ƴɛ̀rɛ dãbol-ƴɛ̀rʋ sãwnɛ nɩ bɛrɛ a? Sɩza n'a, ɩ̃ ƴɛ̀r'ɩ yele na kpɛmɛ zuo mɛ̃ a ƴɛ̀rʋ, ɛ́ bɛ tɩ bãwnɩ a ɩ.

A Zɔb sɛbɛ 5:9

Ʋlɛ n'ʋ maalɛ yel-bɛrɛ na bɛ tɛr bãwfʋ a, nɩr kʋ̃ tʋ̃ɔ́ sɔ́r a ʋ nɔ-ɓãa-yele ɩ.

Sɛb-sõw yielu 139:6

Mãa zie a, a bãwfʋ ŋa tɔ fʋ na bãw mɛ̃ a, ʋ vɩɛl'a tɩ zuo, ɛ́ gãw bom za ɩ̃ na na tʋ̃ɔ́ bãw a.

Sɛb-sõw yielu 145:3

A Sore ɩ n kpɛ̃ɛ ɛ́ sɛwnɩ danʋ yaga za, nɩr kʋ̃ tʋ̃ɔ́ bãw a lɛ ʋ na ɩ kpɛ̃ɛ sɛw a ɩ.

Sɛb-sõw yielu 77:19

A fʋ saa na mɩ́ tɩ tanɛ wabapapa a, a saa-nyɩwrʋ mɩ́ tɩ caal'ɩ a tẽ-daa, a tẽw damnɛ ɛ́ màwr.

Zʋkpaɩ 30:4

Ãa n'ʋ do a salom zu ɛ́ lɛb siw wa? Ãa n'ʋ dãw ƴãw a sɛsɛb a ʋ nuru pʋɔ? Ãa n'ʋ na tʋ̃ɔ́ nyɔw a ʋ kpar-kpɛ̃ɛ pili ɛ́ ƴãw kʋ̃ɔ? Ãa n'ʋ tʋɔrɩ a tẽw ƴãw a tʋr-bɔwrɩ za? A yúor dɩ na kɛ́ bo? A ʋ bidɛb yúor dɩ na kɛ́ bo? Fʋ bãw ʋ na a?

Ekilezɩasɩ 3:11

Naaŋmɩn mɩ́ ɩ na kɛ̀ yel za maalɩ a daar ʋl na sɛw taa nɩ a. Ʋ mɩ̀ mɩ́ kʋ̀ n a nɩsaalbɛ kɛ́ bɛ bɔbr a yele na tɔl a, nɩ a yele na waar a bãwfʋ. Ɛcɛ bɛ kʋ̃ tʋ̃ɔ́ mɩ́ bãw a Naaŋmɩn ton ʋ za ɩ.

Ekilezɩasɩ 7:24

A zie na be a yɛlmɛ na ɛ́ zulme zulme! Ãa n'ʋ na tʋ̃ɔ́ bãw ʋ pɩɩrɩ?

Ɩzayi 40:28

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Ʋrɔm 11:33

Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!

1 Korɛ̃tɩ 2:10

Tɩmɛ nɛbɛ a Naaŋmɩn sɩrɩ ƴãw a Vʋʋrʋ Sõw wul a yel ŋa ʋ ɩ cãà. Bʋ̃ʋ n'ʋ vɛ̃, a Vʋʋrʋ n'ʋ jɛlɛ a yele za, mɩ́ tɩ lãwnɩ a Naaŋmɩn yel-sɔwlɩ za.

1 Korɛ̃tɩ 2:16

Bʋ̃ʋ n'ʋ vɛ̃, bɛ sɛb'a kɛ́: «Ãa n'ʋ bãw a Sore pʋ-tɩɛrʋ? Ãa n'ʋ na tʋ̃ɔ́ wul ʋ yã?» Ɛ́ tɩɩm a, tɩ tɛr'ɩ a Kɩrɩta pʋ-tɩɛrʋ.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,