Ɩzayi 7:3 - A SƐB-SÕW

³ Lɛ n'a a Sore tɩ yel a Ɩzayi: «Tɛr a fʋ bidɛb Seyaar-Yasuvʋ yi tuor'ɩ a Akaazɩ. Ʋ be n a kʋ̃ɔ-ƴãwfʋ-zie ʋl na be a saa-zu a, a bɔw-wɛra baarʋ zie, a sɔ́r na cere a fɔbr-pɛwrbɛ púo pʋɔ a zu.

Ɩzayi 7:3 ပူးပေါင်းရင်းမြစ်များ

2 Na-mɩnɛ 16:1

A Eremalyahu bidɛb, Peka, naalʋ-dɩb yome pie nɩ ayopõi sob'a a Yotam bidɛb, Akaazɩ, tɩ lɩɛbɩ a Zuda tẽw nãà.

2 Na-mɩnɛ 18:17

A Asiiri tẽw nãà tɩ be n a Lakisɩ, ɛ́ tõ a sojarɩ nɩ-kpɛ̃ɛ kpɛ̃ɛ za, a sojarɩ nɩ-bɛrɛ lãw nɩ-kpɛ̃ɛ, nɩ a sojarɩ nɩ-kpɛ̃ɛ ʋl na mɩ́ be a nãà zie a, a nãà Ezekɩasɩ zie a Zerizalɛm. Ʋ tɩ tõ bɛ na lãwnɩ zɛbr-nɩbɛ na yãwmɛ a. Bɛ na tɩ ta a Zerizalɛm a, bɛ àr'a pɩɛlɩ a bɔw-wɛra kʋ̃ɔ ƴãwfʋ zie ʋl na be a saa-zu a, a sɔ́r na cere a Fɔbr-pɛwrbɛ pu-pʋɔ a zu.

2 Na-mɩnɛ 20:20

A Ezekɩasɩ yele al na cɛ a, a ʋ gãda-tome za, a alɩ bome nɛ ʋ na ɩ a, a kʋ̃ɔ ƴãwfʋ zie ʋ na mɛ a, nɩ a bɔw ʋ na wɛr k'ʋʋ tʋ̃ɔ́ taw a kʋ̃ɔ wa n a tẽ-kpɛ̃ɛ pʋɔ a, a sɛb'ɩ a «Zuda tẽw na-mɩnɛ ɩ-ɩrɩ sɛbɛ» pʋɔ.

Neemi 3:16

A nidaa a, Azɩbukɩ bidɛb, Neemɩa, na ɩ Bɛtɩ-Suur zie na põ-zɛ̃-taa a nɩ-kpɛ̃ɛ a n'ʋ tɩ tone, tɩ ta n a Daviir yarʋ pɛr, tɩ ta n a gbãtar nɩsaalbɛ na tuw a, tɩ ta n a sojarɩ na gùre a nãà a yir.

Eziptɩ tẽw yib 7:15

A na ɩ lɛ a, cen tɩ páw ʋ biɓaar-pipi, a lɛn daar ʋ na siwr a man nʋɔr a. Àr gù ʋ a Nɩl nʋɔr. Tɛr a dabɔl ʋl na lɩɛbɩ waab a, a fʋ nũú.

Ɩzayi 10:21

Ŋmãa na cɛ a na lɛb'a wa. A Ɩsɩrayɛl nɩbɛ ŋmãa na cɛ a, na lɛb'a wa a Naaŋmɩn-Gãdaa zie.

Ɩzayi 22:10

Nyɩ sɔr'ɩ a Zerizalɛm yie, nyɩ ŋmɛr'ɩ a mɩnɛ bɛr, k'aa dacĩ-bɛrɛ gub tʋ̃ɔ́ ɩ mɔlɛ.

Ɩzayi 22:11

Nyɩ cɔbr'ɩ kʋ̃ɔ-ƴãwfʋ-zie a dacĩ-bɛrɛ ayi cara pʋɔ, a kʋ̃ɔ-ƴãwfʋ-zi-kʋra kʋ̃ɔnɩ ƴãw. Ɛcɛ nyɩ bɛ lɩɛbɩ niwn cɔw a sob nɛ na n'ʋ so a yele á ŋá za ɩrɛ a ɩ. Ʋ tɩ cɔbrɛ a nɩ koro kãw za, ɛ́ nyɩ bɛ nyɛ̃ ʋ ɛ.

Ɩzayi 36:2

A Asiiri tẽw nãà tɩ be n Lakisɩ, ɛ́ tõ a sojarɩ nɩ-kpɛ̃ɛ ʋl na mɩ́ be a ʋ zie a nɩ zɛbr-nɩbɛ na yãwmɛ a, a nãà Ezekɩasɩ zie a Zerizalɛm. A sojarɩ nɩ-kpɛ̃ɛ na mɩ́ be a nãà zie a tɩ àr'a pɩɛlɩ a bɔw-wɛra kʋ̃ɔ ƴãwfʋ zie ʋl na be a saa-zu a, a sɔ́r na cere a Fɔbr-pɛwrbɛ pu-pʋɔ a zu.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Zeremi 22:1

À ŋá n'a a Sore tɩ yel a Zeremi: «Siw a Zuda tẽw nãà yir. A be a, tɩ ƴɛ̀r a ƴɛ̀rʋ ŋa.

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.