Ɩzayi 7:2 - A SƐB-SÕW

² Bɛ tɩ yel'ɩ a Daviir bʋʋrɛ nɩr Akaazɩ nɩ a ʋ tõ-tõ-bi-bɛrɛ à ŋá: «A Siiri tẽw dem maal'ɩ a bɛ zɛbr laɩ a Efarayim tẽw pʋɔ.» A yel ŋa tɩ dam'ɩ a nãà nɩ a ʋ nɩbɛ mɛ̃ sɛsɛb na mɩ́ fu dam tuw tɩɩr a.

Ɩzayi 7:2 ပူးပေါင်းရင်းမြစ်များ

2 Samɩɛl 7:16

A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”»

1 Na-mɩnɛ 11:32

Ɩ̃ na bɛr ʋ nɩ dɔwlʋ been yõ, a ɩ̃ tõ-tõ-bie Daviir zũú, nɩ a Zerizalɛm, a tẽ-kpɛ̃ɛ, ɩ̃ na kaa ír a Ɩsɩrayɛl tẽw za pʋɔ a zũú.

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

1 Na-mɩnɛ 13:2

A Sore ƴɛ̀rʋ zũú, ʋ tɩ cɩɩr'a yel a bàwr-maal-kuur: «Bàwr-maal-kuur i! Bàwr-maal-kuur i! Bɛrɛ wone a lɛ a Sore na yere a! Dɛble na dɔw nɩ a Daviir yir pʋɔ. Ʋ na dɩ na kɛ́ Zozɩasɩ. Bàwr-maal-kuur i, ʋ na kʋ n a maalʋ-ziir bàwr-maalbɛ maal'ɩ a bàwr a fʋ zu, a be bɛ na tɩ nyɩwr a bàwr-maal-bome a koro za a. Bɛ na nyɩw nɩ nɩsaalbɛ kɔbɛ tɛɛ za a fʋ zu!»

2 Bibie za yel-manɩ 25:10

Lɛ n'a a Amazɩasɩ tɩ lɛb bɛr a sojarɩ na tɩ yi a saa-pɛrɩ́-gʋba-lowr naalʋ-tẽw a bɛ lɛb kule. Bɛ tɩ lɛb'a kule ɛ́ tɩ nyɛ̃ nɩ a Zuda naalʋ-tẽw suur yaga yaga.

2 Bibie za yel-manɩ 28:12

Lɛ n'a a Efarayim dɔwlʋ nɩ-bɛrɛ bɛ mɩnɛ tɩ ìr lo a bɛl na yi a zɛbr zie lɛb waar a zu: Yehohanan bidɛb, Azarɩahu, nɩ Mesilemɔtɩ bidɛb, Berekɩahu, nɩ Salum bidɛb, Yehizikiyahu, nɩ Hadɩlaɩ, bidɛb Amasa tɩ nɛbɛ.

Sɛb-sõw yielu 11:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ. — A Sore n'ɩ a ɩ̃ taw-lanʋ zie, ŋmɩŋmɩn n'a nyɩ na tʋ̃ɔ́ yere a ɩ̃ zie: «Zɔ kpɛ a tan pʋɔ mɛ̃ lile a»?

Zʋkpaɩ 28:1

A nɩ-faa mɩ́ zɔrɛ na, nɩr za saa bɛ diwr ʋ a, ɛcɛ a nɩ-mɩŋa mɩ́ bɛr'ɩ tɩ́ɛrʋ mɛ̃ gbẽw-pɔl a.

Ɩzayi 11:13

Lɛ n'a a Efarayim kʋ̃ cãà nyuur'ɩ a Zuda ɩ. Bɛ na kʋ n a Zuda dɔ̃ dem pàw pɛr, ɛ́ a Zuda kʋ̃ cãà tɛr'ɩ a Ɩsɩrayɛl dɔ̃ ɩ.

Ɩzayi 22:22

Ɩ̃ na de nɩ a Daviir yir pĩi kʋ̀ ʋ. Ʋlɛ wa yuo a pan a, nɩr bɛ pàwr ʋ ɛ, ʋlɛ wa pàw ʋ a, nɩr bɛ yuore ʋ ɛ.

Ɩzayi 37:27

A ten á ŋá nɩbɛ kpãkpamɛ kpi na, dɛ̃bɩ̃ɛ ɩrɛ bɛ na, vĩ nyɔw bɛ na. Bɛ ŋmɛ̃ na mɛ̃ a póru pʋɔ mʋ̃ɔ a, mɛ̃ a mɔ̃-ɓaar a, mɛ̃ a garɛ zu mʋ̃ɔ a saa-pɛrɩ́ sɛsɛb na mɩ́ ŋmɛ a ko a.

Ɩzayi 37:35

Ɩ̃ na gù n a Zerizalɛm ɛ́ faa ʋ, ɩ̃ na ɩ Naaŋmɩn a ƴãw, nɩ a Daviir ɩ̃ na tu a ƴãw.”»

Ɩzayi 6:13

Ɛ́ a nɩbɛ ziir pie sob wa cãà cɛ be a tẽw pʋɔ a, vũu na dɩ bɛ na mɛ̃ a lɛ bɛ na mɩ́ nyɩw sɛn tɩɛ nɩ terebɛ̃tɩ tɩɛ bɛ na cɛ lɔb a. A tɩ-pɛ-kpur'ʋ na cɛ́. Ɛcɛ a tɩ-pɛ-kpur ŋa ɩ n bʋ̃-bʋʋr-sõw.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Ɩzayi 7:17

A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»

Ɩzayi 7:5

Yel-mɩŋa n'a, a Siiri tẽw dem, de nɩ a Peka nɩ a Efarayim zɛbr-nɩbɛ yel'a kɛ́ bɛ na maalɩ fʋ nɩ faa. Bɛ yel'a:

Ɩzayi 8:12

«Nyɩ kʋ̃ bʋɔlɛ “bʋ-taa” ʋlɩ bom nɛ za a nɩbɛ bɛ ŋa na bʋɔlɛ “bʋ-taa” a ɩ. Nyɩ kʋ̃ zɔrɛ a ʋlɩ bom nɛ bɛ na zɔrɛ a ɩ, nyɩ taa zɔrɛ ʋ ɛ.»

Ɩzayi 9:9

«A birkiri dacine lo na, tɩ na lɛb'a mɛ a nɩ kʋsɛ-pɛnɩ! A Sɩkomɔɔr tɩɩr wɛwr kar'a, tɩ na lɩɛr'a na nɩ sɛɛdɩr tɩɩr wɛwr!»

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

Matie 2:3

A nãà Erɔdɩ na tɩ wõ a yel ŋa a, pʋ̀lá vʋ̃ɔ nɩ ʋlɛ nɩ a Zerizalɛm tẽw dem za.