Ɩzayi 38:1 - A SƐB-SÕW

¹ A ʋlɩ daar nɛ, a nãà Ezekɩasɩ tɩ lo n a ʋ kũu-kʋra bàalʋ. A naaŋmɩn-ƴɛ̀r-manɛ Ɩzayi na ɩ Amɔtɩsɩ bidɛb a tɩ wa na wa nyɛ̃ ʋ yel ʋ: «À ŋá n'a a Sore yere: Cɔbrɩ a fʋ yele ƴãw. Bʋ̃ʋ n'ʋ vɛ̃, fʋ na kpi na, fʋ bɛ lɛbr ìre a fʋ bàalʋ ŋa pʋɔ ɛ.»

Ɩzayi 38:1 ပူးပေါင်းရင်းမြစ်များ

2 Samɩɛl 12:22

Ʋ tɩ sɔw bɛ na: «A bie na tɩ cãà vʋʋrɛ a, ɩ̃ tɩ tɛr'ɩ a mʋta-tuo, ɛ́ kone tɩɛrɛ nɩ ɩ̃ pʋɔ à ŋá: “Ãa bãw? Kapaw, a Sore na zɔ n a ɩ̃ nɩbaalʋ, ɛ́ bɛr a bie ʋ vʋʋrɛ.”

2 Samɩɛl 17:23

A Ahitofɛl na wa nyɛ̃ bɛ bɛ tu a ʋ yã ʋ na wul a, ʋ tɩ ƴãw nɩ a ʋ bõw a kɔw, yi lo n a sɔ́r kul'ɩ a ʋ tẽw. Ʋ tɩ tɩr'ɩ nɛ́ɛ kʋ̀ a ʋ yir, ɛ́ cen tɩ yawlɩ ʋ tʋɔra kpi. Bɛ tɩ de ʋ na tɩ ũù a ʋ sãà yaa pʋɔ.

2 Bibie za yel-manɩ 32:24

A alɩ bibie nɛ pʋɔ, bàalʋ kãw na kʋrɛ a tɩ nyɔw nɩ a Ezekɩasɩ. Ʋ tɩ puor'ɩ a Naaŋmɩn, ʋ sɔw nɩ bãwfʋ na wul k'ʋʋ na sanɩ na a.

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Ɩzayi 1:1

Amɔtɩsɩ bidɛb, Ɩzayi, yel-nyɛra ʋ na nyɛ̃ càar'ɩ Zuda naalʋ-tẽw nɩ Zerizalɛm tẽ-kpɛ̃ɛ, a Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar a.

Ɩzayi 37:2

Ʋ mɩ̀ tɩ tõ n a nãà yir nɩ-kpɛ̃ɛ Elɩakɩm, a sɛ-sɛbrɛ Sevina nɩ a bàwr-maalbɛ na kòr zuo a bɛ taabɛ a, a naaŋmɩn-ƴɛ̀r-manɛ Amɔtɩsɩ bidɛb, Ɩzayi, zie. A nɩbɛ bɛ ŋa mɩ̀ tɩ su n vʋɔrɩ kparɩ.

Ɩzayi 37:21

Lɛ n'a a Amɔtɩsɩ bidɛb, Ɩzayi, tɩ tõ bɛ tɩ yel a Ezekɩasɩ: «À ŋá n'a a Sore, a Ɩsɩrayɛl Naaŋmɩn, yere: Ɩ̃ wõ n a puoru fʋ na puori mɛ̃ a Asiiri tẽw nãà Senakerib ƴãw a.

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Zonasɩ 3:4

A Zonasɩ tɩ tĩ na cen bibi-ɓil a tẽw pʋɔ hiere yere: «Ka nɩ bibie lɩz'a ayi a, a Nɩnɩɩvʋ tẽw na sãw nɩ ʋ za.»

Nɩ-toni 9:37

Ʋ wa tɩ lo n bàalʋ a alɩ bibie nɛ pʋɔ kpi. Bɛ tɩ so ʋ nɩ a kʋ̃ɔ, ɓáw do n tɩ bin a bɔwpɩɛ pʋɔ.