Ɩzayi 2:3 - A SƐB-SÕW

³ Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Ɩzayi 2:3 ပူးပေါင်းရင်းမြစ်များ

Sɛb-sõw yielu 102:23

a lɛn daar a nɩ-bʋʋrɛ za nãà wa ɓã taa a, a naalʋ-ten za nãà wa puore a Sore a.

Sɛb-sõw yielu 110:2

A Sore na ɩ na fʋ tĩ a Sɩyɔ̃ Ŋmɩn-yir, ɛ́ dɩ naalʋ tɩ sãá nɩ zi-zãána! Ɛ́ fʋ̃ʋ a, fʋ na tʋ̃ɔ́ nɩ a dɔ̃ dem na jil koli fʋ a.

Sɛb-sõw yielu 119:171

Ɩ̃ na yiele na danɛ nɩ fʋ, fʋ na wule mɛ̃ a fʋ pʋ-tɩɛrʋ a ƴãw.

Sɛb-sõw yielu 122:1

Zerizalɛm dob daar yielu. Daviir yielu. Nʋ̃ɔ̀ tɩ ɩrɛ mɛ̃ nɩ a lɛn daar bɛ na tɩ yel mɛ̃: «Nyɩ ɩ tɩ cen a Sore Ŋmɩn-yir-kpɛ̃ɛ́!»

Sɛb-sõw yielu 48:1

Yielu. Koore bibiir yielu. Sɛb-sõw yielu.

Ɩzayi 1:26

Ɩ̃ na ɩ n a fʋ ƴɛ̀r-dɩrbɛ bɛ lɛb ŋmɛ̃ mɛ̃ a dãwdãw a, ɛ́ a fʋ yã-wulbɛ ɩ mɛ̃ a koro za a. Ɛ́ a pùorí a, bɛ na tʋ̃ɔ́ na bʋɔlɛ fʋ “Mɩnʋ Tẽ-kpɛ̃ɛ” nɩ “Tẽ-kpɛ̃ɛ na bɛ lɛb pùor a”.»

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 19:23

Bibir kãw, sɔ́r na yi n a Eziptɩ tẽw ɛ́ cen a Asiiri tẽw. A Asiiri tẽw dem na mɩ́ cen nɩ a Eziptɩ tẽw, ɛ́ a Eziptɩ tẽw dem cen a Asiiri tẽw. Bɛ za na lãw na tone a Sore tome.

Ɩzayi 28:9

Bɛ yere na: «Ãa n'ʋ a Ɩzayi ŋa bɔbr k'ʋʋ wul? Ãa n'ʋ ʋ bɔbr k'ʋʋ manɩ a ʋ bʋ̃-nyɛrɩ kʋ̀? Bibiir bɛ na kpɩr bɛr paalʋ a nɛbɛ bɩɩ? Bibiir na bɛr a bɩr paalʋ a nɛbɛ bɩɩ?

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

Ɩzayi 56:5

ɩ̃ na kʋ̀ bɛ nɩ zie a ɩ̃ yir dacine zu a bɛ yée sɛbrʋ ƴãw. A na sa n bidɛbr nɩ pɔwyaar tɛrʋ. A yúor ɩ̃ na na kʋ̀ bɛ a na be n be kʋralɛ, bɛ bɛ sãwnɛ ʋ bɛrɛ towtow ɛ.»

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Ɩzayi 60:3

A nɩ-bʋʋr-yoru na cere na wɩɛr a fʋ cãà zie, ɛ́ a na-mɩnɛ wɩɛr a fʋ cãà na pùr caalɩ a zie.

Ɩzayi 65:11

Ɛcɛ a nyɩɩm a, nyɩ zawrɩ mɛ̃ na bɛr, nyɩ yiir'ɩ a ɩ̃ tãw-sõw bɛr, nyɩ kʋ̀rɛ nɩ bʋ̃-dɩrɩ a Gadɩ, a bawson ŋmɩn, nyɩ kʋ̀rɛ nɩ divɛ̃ na jɛr taa a a Meni, a lɛ a yele na na ɩ a baarʋ daar a ŋmɩn.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Zeremi 12:16

Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.

Zeremi 26:18

«A Zuda tẽw nãà Ezekɩasɩ daar a, naaŋmɩn-ƴɛ̀r-manɛ kãw tɩ be n be dɩ kɛ́ Mise ɛ́ yi Moresɛtɩ. Ʋ tɩ yel'a kʋ̀ a Zuda tẽw nɩbɛ: À ŋá n'a a Sore, a kpɛnʋ-za-sob, yere: “A Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw lɩɛbɩ kár.”

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Ezekɩɛl 40:2

Yel-nyɛra kãw daar a, a Naaŋmɩn tɩ ɓáw mɛ̃ na cen nɩ a Ɩsɩrayɛl tẽw. Ʋ tɩ bɛr mɛ̃ nɩ tãw na kɛrɩ bɛ dɩ vuo a zu. A tãw saa-pɛrɩ́-dʋrʋ-lowr a, yie na ɓã taa ŋmɛ̃ mɛ̃ tẽ-kpɛ̃ɛ yie a tɩ be n be.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Zã 4:22

A nyɩɩm n'a, nyɩ puore nɩ a Naaŋmɩn ɛ́ bɛ bãw ʋ ɛ, tɩɩm puore ʋ na ɛ́ bãw ʋ: Zifʋ mɩnɛ zie n'a a faafʋ yi.

Zã 7:17

Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ.

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 10:33

A pɛr nɛ pʋɔ, ɩ̃ tõ na kɛ́ bɛ wa tɛr fʋ wa n, ɛ́ fʋ sɩrɩ sàw a ɩ̃ bʋɔlʋ wa a tɩ zie ka. Ƴɛrɛŋa a, tɩ za n'ɩ bɛ ŋa a Naaŋmɩn niŋé, kɛ́ tɩ bɛr wõ bom nɛ a Sore na ƴãw kɛ́ fʋ yel kʋ̀ tɩ a.»

Ʋrɔm 10:18

Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»

Wulu-ayi-sob 33:19

Nyɩ na mɩ́ bʋɔl'ɩ a nyɩ sɩman dem tã-sõw kãw zu, kɛ́ nyɩ tɩ maalɩ bagɛ a be, mɛ̃ a lɛ a na tu sɔ́r a, a nyɩ naalʋ na yire a kʋ̃ɔ-kpɛ̃ɛ pʋɔ a ƴãw, nɩ na-bome na sɔwlɩ a biire pʋɔ a ƴãw.»

Wulu-ayi-sob 6:1

Nyɛ̃ a nɛ-ƴãwnɩ, a wulu nɩ a tub a Sore nyɩ Naaŋmɩn na yel k'ɩ̃ɩ wul nyɩ, kɛ̀ nyɩ tɩ tuur a tẽw nyɩ na kʋ̃ yaa kɛ́ de so a pʋɔ a.

Zakɩ 1:25

Ɛcɛ sob nɛ na mɩ́ ƴãw fãw jɛl a Naaŋmɩn wulu na vɩɛl ʋ za ɛ́ mɩ́ ɩ tɩ so tɩ tʋɔra, ɛ́ mɩ́ tu a wulu ŋa pùor vla a, ʋ bɛ mɩ́ bɛr wõ a bɛr-wob tɛwr ɛ́ lɛb yiiri bɛr a pùorí ɛ, ʋ mɩ́ tu n a pùor. A sob ŋa na nyɛ̃ nɩ nʋ̃ɔ̀ a ʋ yele za pʋɔ.