A naaŋmɩn-ƴèr-manɛ Oze sɛbɛ 9:8 - A SƐB-SÕW

⁸ A Sob nɛ na piwre a zie a Efarayim ƴãw a be n a Naaŋmɩn zie, a naaŋmɩn-ƴɛ̀r-manɛ n'ʋ. Ɛcɛ bɛ ƴãwnɛ nɩ bɛrɩ a ʋ sɛ́ɛ za zu, bɛ mɩ́ diw ʋ na tɩ sãá nɩ a ʋ Naaŋmɩn yir.

A naaŋmɩn-ƴèr-manɛ Oze sɛbɛ 9:8 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 18:1

A tɩ cɛlɩ na, ɛ́ a Sore wa ƴɛ̀r a Eli zie, a wɛr na nyɔw a yome ata sob daar. Ʋ tɩ yel ʋ na: «Cen a nãà Akab tɩ nyɛ̃ b, bʋ̃ʋ n'ʋ vɛ̃, ɩ̃ na ɩ na a saa wa a tẽw zu.»

1 Na-mɩnɛ 18:19

Ɛcɛ ƴɛrɛŋa a, ƴãw bɛ bʋɔlɩ a Ɩsɩrayɛl nɩbɛ za ɓã taa a ɩ̃ zie a Karmɛl tãw zu, bɛlɛ nɩ a Báàl ƴɛ̀r-manbɛ kɔbr anaar dɔwlɩ lɩz'a ayi nɩ pie (450), nɩ a ŋmɩn-pɔw Asera ƴɛ̀r-manbɛ kɔbr anaar (400), a Zezabɛl na bɛ sàwr a bɛ ƴãw a.»

1 Na-mɩnɛ 22:11

Kenaana bidɛb, Sidikiyahu, na tɩ maalɩ kure ɩ́lɛ́ a, tɩ yere nɩ a Akab zie: «À ŋá n'a a Sore yere: “A fãw fʋ na na tʋ̃ɔ́ nɩ a Siiri zɛbr-nɩbɛ pẽlẽpẽlẽ a, bãwfʋ n'ɩ a ɩ́lɛ́ á ŋá.”»

1 Na-mɩnɛ 22:22

Ʋ sɔw: “Ɩ̃ na cen na tɩ ɩ ziri vʋʋrʋ ƴãw a nãà naaŋmɩn-ƴɛ̀r-manbɛ za nɛ̃ɛ́.” A Sore yel ʋ: “Tub na vɩɛl a ʋ bɛlʋ ƴãw a n'ʋ. Cen tɩ ɩ a lɛ.”

1 Na-mɩnɛ 22:28

A Mise sɔw ʋ: «Fʋ̃ʋ wa lɛb wa n ƴã-ɓaarʋ a, a wul'a k'aa Sore bɛ n'ʋ ƴɛ̀r'ɩ a ɩ̃ nʋɔr ɛ.»

1 Na-mɩnɛ 22:6

A Ɩsɩrayɛl nãà tɩ bʋɔl'ɩ a ʋ naaŋmɩn-ƴɛ̀r-manbɛ ɓã taa, ta nɩbɛ kɔbr anaar (400), ɛ́ sowri bɛ: «Ɩ̃ cen tɩ zɛb'ɩ a Aramɔtɩ tẽw na be a Galaadɩ a, bɩɩ ɩ̃ ta cen?» Bɛ sɔw: «Cen, a Sore na tɩ ƴãw ʋ nɩ a fʋ nuru pʋɔ.»

2 Na-mɩnɛ 13:21

Bibir kãw, nɩbɛ na tɩ cere nɩ kũu kɛ́ bɛ tɩ ũù a, tɩ nyɛ̃ nɩ a nɩ-farbɛ bɛ ŋa. Bɛ tɩ lɔb'ɩ a kũu ƴãw a Elize bɔw pʋɔ ɛ́ zɔ. A kũu tɩ tɔ n a Elize kɔbɛ lɛb vʋʋrɛ, ɛ́ ìr àr.

2 Na-mɩnɛ 2:14

Ʋ tɩ ŋmɛ n a man kʋ̃ɔ nɩ a Eli kpar-kpɛ̃ɛ, ɛ́ yel: «Nyɩnɛ n'a a Sore be, a Eli Naaŋmɩn?» Ɛ́ lɛb ŋmɛ a kʋ̃ɔ. Lɛ n'a a kʋ̃ɔ tɩ bʋ́r, be dʋrʋ nɩ gʋba, ʋ gãw.

2 Na-mɩnɛ 2:21

A Elize tɩ cen nɩ a bul-nʋɔr pɛr, tɩ ɩ a nyaarʋ lɔb ƴãw a kʋ̃ɔ pʋɔ ɛ́ yel: «À ŋá n'a a Sore yere: “Ɩ̃ ɩ na a kʋ̃ɔ á ŋá a vɩɛl, a bɛ lɛb ɩrɛ a bʋ̃-vʋʋrɩ a kpiir ɛ, ɛ́ a bʋ̃-bule na tʋ̃ɔ́ na lɛb bere be.”»

2 Na-mɩnɛ 4:41

A Elize tɩ yel'a: «Nyɩ wa n zɔ̃.» Ʋ tɩ ɩ n a zɔ̃ ƴãw a ziduwle pʋɔ, ɛ́ yel a ʋ tõ-tõ-bie: «Pãa ɩ a zɛ-kʋ̃ɔ kʋ̀ a nɩbɛ bɛ dɩ!» Zɩ̃ k'aa zɛ-kʋ̃ɔ tɩ lɛb'a tɛr dɩb.

2 Na-mɩnɛ 4:43

Ɛcɛ a tõ-tõ-bie tɩ sɔw na: «Ŋmɩŋmɩn n'a ɩ̃ na tʋ̃ɔ́ kʋ̀ à à ŋá nɩbɛ kʋba (100) za?» A Elize tɩ sɔw na: «Põ a kʋ̀ bɛ za. Bʋ̃ʋ n'ʋ vɛ̃, à ŋá n'a a Sore yere: “Ŋa za na mɩ́ dɩ na tɩw, ɛ́ a cãà guu.”»

2 Na-mɩnɛ 5:14

A lɛ n'a a Naaman tɩ siw a Zurdɛ̃ manɩ́, tɩ kpɛ mʋr a kʋ̃ɔmɩ́ gb'a ayopõi, mɛ̃ a lɛ a Elize na yel a. A ʋ ƴã-gan tɩ lɛb'a ɩ mɛ̃ bibi-cãpile ƴã-gan a, ʋʋ lɛb vɩɛl.

2 Na-mɩnɛ 5:27

Bʋ̃ʋ n'ʋ vɛ̃, a Naaman kɔnʋ na páw fʋ na, fʋ̃ʋ nɩ a fʋ bʋʋrɛ, kʋralɛ!» A Gehazi na tɩ yi a Elize zie a, ʋ tɩ kɔ̃w na, ɛ́ a ƴã-gan pɛlɩ parpar.

2 Na-mɩnɛ 7:19

A nãà sojarɩ nɩ-kpɛ̃ɛ tɩ sowr'ɩ a lɛn daar: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize tɩ sɔw na: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

Sɛb-sõw yielu 124:7

Tɩ faa na yi, mɛ̃ lile a, a lili-nyɔwrɛ bɛra pʋɔ: a bɛra ŋmãa na tɩ faa yi.

Ekilezɩasɩ 9:12

A nɩsaal bɛ mɩ́ bãw debor'a a kpɩɛrʋ na ta ɩ. Mɛ̃ a lɛ a zʋ́mɛ́ na mɩ́ lo a mɩ̃ɛ pʋɔ, a ɩ a zu-faa a, mɛ̃ a lɛ a bɛra na mɩ́ nyɔw a lili a, lɛ mɩ̀ n'a a nɩsaal mɩ́ nyɛ̃ a kpɩɛrʋ a ùr lo a ʋ zu.

A Yielu za pʋɔ yiel-vla vla 3:3

Ɩ̃ tuor'ɩ a zi-gùrbɛ na cɔlɛ a tẽ-kpɛ̃ɛ a. Ɩ̃ sowri bɛ na: «Nyɩ nyɛ̃ nɩ a sob nɛ ɩ̃ na nɔnɛ a?»

Ɩzayi 62:6

Zerizalɛm i, a fʋ dacĩ-bɛrɛ zu a, ɩ̃ ƴãw nɩ zi-gùrbɛ. Bɛ bɛ be za na ɩ gbili a mʋ̃tɔ̃w nɩ a tɩ̃ɩsɔw ɛ. «Nyɩɩm na lɛb sɩ̃wnɛ a Sore tɩɛrʋ a Zerizalɛm ƴãw a, pɩ̃ɛnʋ bɛ ka a nyɩ zie ɩ!

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 14:13

Ɩ̃ tɩ sɔw na: «'Woi, Sore Naaŋmɩn i, a ƴɛ̀r-manbɛ yere na kʋ̀rɛ a nɩbɛ à ŋá: “Nyɩ kʋ̃ bãw zɛbr ɛ, nyɩ kʋ̃ bãw kɔ̃ ɩ, ɛcɛ Naaŋmɩn na kʋ̀ nyɩ nɩ ƴã-ɓaarʋ mɩŋa a zie ŋa pʋɔ.”»

Zeremi 23:13

«A ʋlɩ bom ɩ̃ na tɩ nyɛ̃ a Samaari tẽw dem naaŋmɩn-ƴɛ̀r-manbɛ zie a tɩ dam mɛ̃ nɩ yaga za, a Sore n'ʋ yel. Bɛ tɩ ƴɛ̀rɛ nɩ a Báàl yúor ƴãw, bɛ tɩ ɩrɛ nɩ a ɩ̃ nɩ-bʋʋrɛ, a Ɩsɩrayɛl, ʋ bɔrɛ.

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 6:14

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel kɛ́ a yele za cere nɩ vla, a yele za cere nɩ vla! Ɛ́ bom za bɛ cere ɩ.

Zeremi 6:17

Ɩ̃ ƴãw nɩ zi-gùrbɛ kɛ́ bɛ tʋ̃ɔ́ mɩ́ yel à ŋá kʋ̀ bɛ: Nyɩmɛ wa wõ a ɩɩl a, nyɩɩm cɛlɛ be! Ɛcɛ bɛ yel'a: “Tɩ kʋ̃ cɛlɛ be ɩ.”

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Ezekɩɛl 33:7

Ɛcɛ a fʋ̃ʋ nɩsaal bie, fʋ̃ʋ n'ʋ ɩ̃ ƴãw fʋ ɩ a Ɩsɩrayɛl nɩ-bʋʋrɛ zi-piwre. Fʋ na bɛrɛ na wone a ɩ̃ ƴɛ̀rʋ, ɛ́ fʋ na kpaalɛ nɩ a Ɩsɩrayɛl nɩbɛ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 5:1

«A Nyɩɩm bàwr-maalbɛ, nyɩ bɛr wõ a yel ŋa! Ɩsɩrayɛl yir niw-dierbɛ ɛ, nyɩ cɛlɛ be! Nãà yir nɩbɛ ɛ, nyɩ ƴãw tobr! Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ. Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa tẽw, nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw, a Tabɔɔr tãw zu a.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

A naaŋmɩn-ƴèr-manɛ Oze sɛbɛ 9:9

Nyɩ maal'ɩ a faa tɩ tɔ, mɛ̃ a lɛ nyɩ na tɩ ɩ a Givea tẽw a. Naaŋmɩn na lɛb'a bãwnɩ a nyɩ ɩ-faar, ʋ na dɔwrɩ nyɩ nɩ a nyɩ yel-bebe ƴãw.

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Zã 15:24

Ɩ̃ tõ n tome a bɛ sɔgɔ nɩsaalɛ za na bɛ tõ a. Mãa bɛ tɩ tõ a tome á ŋá a, bɛ kʋ̃ʋ tɩ tɛr yel-bier ɛ, ɛcɛ ƴɛrɛŋa bɛ na nyɛ̃ a a, bɛ cãà na hɩ̃ɛn mãa nɩ a ɩ̃ Sãà.

Ʋrɔm 3:7

Ɛcɛ, a ɩ̃ ziri mɩ́ wa ɩ a Naaŋmɩn yel-mɩŋa ʋ sãá cãàmɩ́, a ʋ yúor-vɩɛlʋ-danʋ ƴãw a, bʋnʋ ƴãw n'a bɛ cãà dɔwrɛ mɛ̃, mɛ̃ yel-bier sob a?

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.