A naaŋmɩn-ƴèr-manɛ Oze sɛbɛ 9:7 - A SƐB-SÕW

⁷ A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

A naaŋmɩn-ƴèr-manɛ Oze sɛbɛ 9:7 ပူးပေါင်းရင်းမြစ်များ

2 Na-mɩnɛ 9:11

A Yehu tɩ yi na lɛb cen a nãà sojarɩ nɩ-bɛrɛ bɛl zie, bɛ tɩ sowr'ʋ: «Ɓaarʋ n'a a? Bʋnʋ ƴãw n'a a zu-jɩɩra ŋa wa a fʋ zie?» A Yehu tɩ sɔw na: «Bom za ƴãw bɛ n'a ɩ. Nyɩ bãw nɩ a nɩbɛ bɛ ŋa, nɩ a ƴɛ̀rʋ bɛ na mɩ́ ƴɛ̀rɛ a.»

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Ɩzayi 34:8

Bʋ̃ʋ n'ʋ vɛ̃, a Sore zie a, a san yaafʋ bibir'ʋ, a yũon ʋl a Sɩyɔ̃ gùre na sowre a samɛ a n'ʋ.

Ɩzayi 44:25

Ƴɛrɛŋa a, ɩ̃ ɩrɛ na a bàwr-bʋwrbɛ ƴɛ̀rʋ bɛ cãà tɛr pɛr ɛ. Ɩ̃ ɩrɛ na a bɛlɩ dem na yere a nɩdaar yele a, bɛ bʋ̀nɛ ƴɛ̀rɛ. Ɩ̃ fɛrɛ nɩ a yã-bãwnbɛ bɛ lɛbr pùor, ɩ̃ mɩ́ wul'ɩ a lɛ a bɛ bãwfʋ na ɩ gẽgemi a.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 11:23

A ʋlɩ yũon nɛ ɩ̃ na na ìr a Anatɔtɩ tẽw dem ƴãw, ɩ a faa páw bɛ a, nɩr za bɛ cɩ̃ɛnɛ ɩ.»

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 23:13

«A ʋlɩ bom ɩ̃ na tɩ nyɛ̃ a Samaari tẽw dem naaŋmɩn-ƴɛ̀r-manbɛ zie a tɩ dam mɛ̃ nɩ yaga za, a Sore n'ʋ yel. Bɛ tɩ ƴɛ̀rɛ nɩ a Báàl yúor ƴãw, bɛ tɩ ɩrɛ nɩ a ɩ̃ nɩ-bʋʋrɛ, a Ɩsɩrayɛl, ʋ bɔrɛ.

Zeremi 25:14

Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»

Zeremi 29:26

«A Sore ɩ na fʋ ɩ bàwr-maalɛ lɩɛrɩ a bàwr-maalɛ Yehoyada. A fɛr'a kɛ́ fʋ mɩ́ piwre a Ŋmɩn-yir-kpɛ̃ɛ pʋɔ, a yãyaar dem bɛl za na yel kɛ́ bɛ ɩ n naaŋmɩn-ƴɛ̀r-manbɛ a. A fɛr'a kɛ́ fʋ mɩ́ ƴãw bɛ 'lẽ bɛ nɩ bãzɔlɛ nɩ kure kɔkɔrɩ-bãw.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

Zeremi 6:14

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel kɛ́ a yele za cere nɩ vla, a yele za cere nɩ vla! Ɛ́ bom za bɛ cere ɩ.

Zeremi 8:11

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel: “A yele za cere nɩ vla, a yele za cere nɩ vla!” Ɛcɛ bom za bɛ cere ɩ.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 13:10

A naaŋmɩn-ƴɛ̀r-manbɛ bɛ̀lɛ nɩ a ɩ̃ nɩ-bʋʋrɛ. Bɛ mɩ́ yere na: “A yele za cere nɩ vla”. Ɛcɛ bom za bɛ cere vla ɩ. A ɩ̃ nɩbɛ mɩɛr'ɩ dacin ɛ́ a bɛl fɔlɛ ʋ fɔlʋ tɛwr.

Ezekɩɛl 13:3

À ŋá n'a a mãa, a Sore Naaŋmɩn, ƴɛ̀rɛ: Baw-bio dem'ɩ a naaŋmɩn-ƴɛ̀r-man-gẽgemi dem bɛl na bɛ mɩ́ nyɛ̃ bom za ɛ́ tuur a bɛ tɩɛrʋ a.

Ezekɩɛl 25:17

Ɩ̃ na ɩ n san-yaafʋ na bɛ dɩ vuo a, nɩ dɔwrʋ na bɛ tɛr manʋ a, a lo a bɛ zu. Lɛ n'a bɛ na bãw kɛ́ mãa n'ɩ a Sore.»

Ezekɩɛl 38:23

À ŋá n'a ɩ̃ na wul a nɩ-bʋʋrɛ za k'ɩ̃ɩ sɩrɩ na ɩ Naaŋmɩn, ɛ́ bɛ na bãw na kɛ́ mãa n'ɩ a Sore.»

Ezekɩɛl 9:10

A na ɩ à ŋá a, mãa a, ɩ̃ kʋ̃ tɛr mimi-baalʋ a bɛ ƴãw ɛ, ɩ̃ kʋ̃ zɔ nɩbaalʋ ɛ. Ɩ̃ na ɩ n a faa bɛ na maalɩ a, a lɛb lo a bɛ zu.»

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 5:9

A dɔwrʋ bibir a, a Efarayim na lɩɛb'ɩ debuo. À à ŋá ɩ̃ na yere a Ɩsɩrayɛl yie dɔwlʋ ƴãw a na tu na, bʋnʋ bɛ ka be ɩ.

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

A naaŋmɩn-ƴèr-manɛ Oze sɛbɛ 9:8

A Sob nɛ na piwre a zie a Efarayim ƴãw a be n a Naaŋmɩn zie, a naaŋmɩn-ƴɛ̀r-manɛ n'ʋ. Ɛcɛ bɛ ƴãwnɛ nɩ bɛrɩ a ʋ sɛ́ɛ za zu, bɛ mɩ́ diw ʋ na tɩ sãá nɩ a ʋ Naaŋmɩn yir.

Amɔsɩ 8:2

Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Markɩ 3:21

A ʋ yir dem na wa wõ a a, bɛ cen na kɛ́ bɛ tɩ tɛr ʋ, bɛ tɩ yere na: «A ʋ zu dam'a!»

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

2 Korɛ̃tɩ 5:13

Tɩmɛ wa ɩ dãbol-ɩb a, Naaŋmɩn ƴãw n'a tɩ ɩ a dãbol-ɩb, ɛcɛ tɩmɛ wa ɩ yã-bãw-ɩb a, nyɩɩm ƴãw n'a.

Yel-wula 16:19

A tẽ-kpɛ̃ɛ tɩ ŋmɛr'ɩ ziir ata, ɛ́ a ten za tẽ-bɛrɛ lo. Naaŋmɩn tɩ lɛb'a tɩɛrɩ bãwnɩ a Babɩlɔn tẽ-kpɛ̃ɛ yele, kʋ̀ ʋ a ʋ divɛ̃ nɩ a kole ʋ nyũ, a ʋ su-tʋlʋ divɛ̃.