A naaŋmɩn-ƴèr-manɛ Oze sɛbɛ 9:4 - A SƐB-SÕW

⁴ A lɛ pʋɔ a, a Efarayim nɩbɛ kʋ̃ mɩ́ lɛb cir divɛ̃ bɛr a Sore maalʋ ƴãw ɛ, a bɛ bagɛ kʋ̃ mɩ́ pɛlɩ a ʋ pʋɔ ɩ. A bɛ bʋ̃-dɩrɩ na ɩ na mɛ̃ wahala daar dipɛ̃ a: bɛlɩ dem za na 'wɔbr a a na tɛr'ɩ dɛwr. Bʋ̃ʋ n'ʋ vɛ̃, a bɛ dipɛ̃ na mɩ́ guoli bɛ na, ɛcɛ ʋ bɛ kpɩɛr a Sore Ŋmɩn-yir-kpɛ̃ɛ pʋɔ ɩ.

A naaŋmɩn-ƴèr-manɛ Oze sɛbɛ 9:4 ပူးပေါင်းရင်းမြစ်များ

Eziptɩ tẽw yib 29:40

Bɛ na lãwnɩ nɩ a biɓaara pele nɩ a zaanʋɔra pele wa n kilo ata zɔ̃ bɛ na naw nɩ litɩr been nɩ ŋmãa kãá na ɩ kãá a, nɩ litɩr been nɩ ŋmãa divɛ̃. A na ɩ n bagɛ a mãa Sore na nɔnɛ a zʋ̀ʋ́r nyũu a.

Eziptɩ tẽw yib 40:23

Bɛ tɩ pɩɛr'ɩ a dipɛ̃ bɛ na de kʋ̀ a Sore a, a ʋ zu, mɛ̃ a lɛ a Sore na tɩ yel kʋ̀ a Moyiir a.

Ɩzayi 57:6

A fʋɔla kʋsɛ-saalɩ a, fʋ̃ʋ so a, a fʋ dem'ɩ a al, Ɩsɩrayɛl i! A al ƴãw n'a fʋ mɩ́ cir divɛ̃ bɛr, a ɩ bàwr fʋ maalɩ, fʋ mɩ́ tɩr de-kʋ̀b bome. A Sore sowre na: «Ɩ̃ na tʋ̃ɔ́ na sàw à à ŋá a?»

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Zeremi 16:7

Nɩr za kʋ̃ ka be lãw dɩ nɩ a kuor yir dem, mɔwlɩ bɛ ɩ. Nɩr mɩ̀ kʋ̃ kʋ̀ bʋ̃-nyúuri a bɛlɩ dem sãà mɩnɛ bɩɩ mã mɩnɛ na kpi a, tʋ̃ɔ́ mɔwlɩ bɛ ɩ.»

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Ezekɩɛl 24:17

Taa wule a fʋ kpɩɛrʋ ɛ, taa tuur a ko-tuolu tub ɛ. Ɛcɛ, 'lẽ a fʋ zu-pɛn-vila, ƴãw a fʋ nafawrɩ. Taa pàwr a fʋ niwn, ɛ́ taa dɩrɛ a kuor bʋ̃-dɩrɩ ɛ.»

Ezekɩɛl 24:22

Lɛ n'a nyɩ na ɩ mɛ̃ a Ezekɩɛl a. Nyɩ kʋ̃ pàw a nyɩ niwn ɛ́ kʋ̃ dɩ a kuor bʋ̃-dɩrɩ ɛ.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

A naaŋmɩn-ƴèr-manɛ Oze sɛbɛ 7:16

Bʋ̃-zawlɛ zie n'a bɛ lɛbr cere, bɛ ŋmɛ̃ na mɛ̃ tã-kaba a. Zɛbr-sɔ-kpɛ̃ɛ n'ʋ na kʋ a bɛ niw-dierbɛ a bɛ nyɔka-ƴɛ̀rʋ ƴãw, lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Levitɩ mɩnɛ 17:11

Bʋ̃ʋ n'ʋ vɛ̃, a zɩ̃ɩ pʋɔ n'a a bʋ̃-íra nyɔ-vʋʋrʋ be. A Sore sàw na kɛ́ nyɩ mɩ́ de a zɩ̃ɩ tu n a yel-bebe suur-dɩ-kʋ̀b tub a nyɩ ƴãw a bàwr-maal-kuur zu. A zɩ̃ɩ mɩ́ sɩrɩ na ɩ a nɩr páw a yel-bebe suur-dɩ-kʋ̀b, a nyɔ-vʋʋrʋ na be a zɩ̃ɩ pʋɔ a ƴãw.

Levitɩ mɩnɛ 21:17

k'ʋʋ tɛr a wulu á ŋá a Aarɔ̃ zie: «A nɩbɛ nãà wa dɔwr lɩɛrɛ taa a pʋɔ a, a fʋ bʋʋrɛ nɩr kãw za wa tɛr ƴã-gan zi-sãwna a, ʋ kʋ̃ tɛr sɔ́r taw pɩɛlɩ a bàwr-maal-kuur k'ʋʋ de a ɩ̃ dɩb kʋ̀ m ɛ.

Levitɩ mɩnɛ 21:21

A fʋ bʋʋrɛ nɩr kãw za na tɛr ƴã-gan zi-sãwna a, ʋ bɛ tawr pɩɛlɛ a bàwr-maal-kuur dier a ɩ̃ dɩb kʋ̀rɛ mɛ̃ ɩ. A ʋ ƴã-gan zi-sãwna zũú a, ʋ bɛ tawr pɩɛlɛ a bàwr-maal-kuur ɛ.

Levitɩ mɩnɛ 21:6

Bɛ na be n a ɩ̃ tome tob ƴãw ɛ́ ta sãwnɛ a ɩ̃ yúor ɛ. Bɛlɛ nɛbɛ dier a bàwr-maal-bome na ɩ a ɩ̃ dɩb a kʋ̀rɛ mɛ̃, a mãa, a Sore bɛ Naaŋmɩn, alɛ so a fɛr kɛ́ bɛ ɩ son.»

Levitɩ mɩnɛ 21:8

Ɩsɩrayɛl nɩr za n'ʋ a fɛr k'ʋʋ ƴãwnɛ a bàwr-maalbɛ mɛ̃ nɩ-son a, bʋ̃ʋ n'ʋ vɛ̃, a dɩb nyɩ na kʋ̀rɛ mɛ̃ a, bɛlɛ nɛbɛ mɩ́ de a kʋ̀ m, a mãa nyɩ Naaŋmɩn. A bàwr-maalbɛ na ɩ n nɩ-son a nyɩ zie, a mãa Sore na ɩ sõw a ƴãw, ɩ̃ɩ kaa na ír a Ɩsɩrayɛl nɩbɛ kɛ́ bɛ ɩ nɩ-bʋʋr-son.»

Amɔsɩ 5:22

Ɩ̃ bɛ bɔbr a nyɩw-a-za-bagɛ nyɩ na maalɛ kʋ̀rɛ mɛ̃ a ɩ, a nyɩ de-kʋ̀b bome been kãw za bɛ pɛlɩ a ɩ̃ pʋɔ ɩ. Ɩ̃ ŋmɛlɩ nɩ kpaar cɔw a nyɩ dʋ̃-'wɔɛ bàwr.

Malasɩ 2:13

«À ŋá n'a nyɩ mɩ̀ cãà lɛb ɩrɛ: nyɩ mɩ́ kõ na cir mʋta-kʋ̃ɔ laarɩ a Sore bàwr-maal-kuur. Nyɩ mɩ́ kone na siwre nɩ, a Sore na bɛ cãà ŋmɛlɛ kaar a nyɩ de-kʋ̀b bome a ƴãw, ʋ na bɛ cãà sàwr dier a bome nyɩ na kʋ̀rɛ ʋ a.

Sɔr-nɛ́ɛ 19:11

A Sore tɩ cãà na lɛb yel à ŋá: «Nɩr za na tɔ kũu a, ʋ ɩ n dɛwr sob bibie ayopõi.

Sɔr-nɛ́ɛ 28:2

«Tɩ yel à ŋá kʋ̀ a Ɩsɩrayɛl nɩbɛ: A daar mɩ́ wa ta a, nyɩ na ƴãw nɩ fãw mɩ́ wa n a de-kʋ̀b bome ɩ̃ na so a wa kʋ̀ m, a pɛr lɛ k'aa bʋ̃-dɩrɩ bɛ na nyɩw a zʋ̀ʋ́r nyũu pɛlɩ a ɩ̃ pʋɔ a.

Sɔr-nɛ́ɛ 4:7

Bɛ na mɩ́ de nɩ a píir kɔblʋ pɛn-zɩɛ-mʋɔlɛ ƴen sob dɔl pàw a dipɛ̃ bɛ na mɩ́ de kʋ̀ m a tabal, ɛ́ de a bome bʋ̃-ƴãwnɩ dɔwlɩ: a labɛ, a koli-nyúuri, a lali nɩ a duwli a divɛ̃ de-kʋ̀b ƴãw. Bɛ mɩ̀ na mɩ́ dɔwl'ɩ a dipɛ̃ a na fɛr kɛ́ bɛ dier kʋ̀rɛ mɛ̃ kʋralɛ a.

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Wulu-ayi-sob 26:14

Ɩ̃ bɛ dɩ a tɛra ziir pie sob kãw za, a lɛ ɩ̃ na tɩ tɛr kuor a ɩ. Ɩ̃ bɛ ír bom za tɩr a lɛn daar ɩ̃ na tɩ ɩ dɛwr sob a ɩ, ɛ́ bɛ ír bom za tɩr kũu ƴãw ɛ. Sore ɩ̃ Naaŋmɩn i, ɩ̃ bɛr'a wõ a lɛ fʋ na yel a, ɩ̃ sàw nɩ a fʋ nɛ-ƴãwnɩ.