A naaŋmɩn-ƴèr-manɛ Oze sɛbɛ 9:3 - A SƐB-SÕW

³ Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

A naaŋmɩn-ƴèr-manɛ Oze sɛbɛ 9:3 ပူးပေါင်းရင်းမြစ်များ

1 Na-mɩnɛ 9:7

ɩ̃ na ír nyɩ na nɩ fãw, a nyɩɩm Ɩsɩrayɛl nɩbɛ, a tẽw ɩ̃ na kʋ̀ nyɩ a pʋɔ. Ɩ̃ na jɛ n a Ŋmɩn-yir-kpɛ̃ɛ ŋa ɩ̃ na maalɩ a ɩ̃ yúor ƴãw a bɛr, ʋ zãá nɩ mɛ̃. Lɛ n'a a nɩ-bʋʋrɛ za na ɩrɛ a Ɩsɩrayɛl laar ɛ́ tʋʋr ʋ.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

A Lãw-mʋɔlɛ 5:6

A Eziptɩ tẽw nɩ a Asiiri tẽw lowr'a tɩ mɩ́ tur a tɩ nuru cɔw, kɛ́ tɩ tʋ̃ɔ́ páw a bʋ̃-dɩrɩ dɩ tɩw.

Ezekɩɛl 4:13

A Sore tɩ yel'a ƴãw pʋɔ: «À à ŋá n'a a Ɩsɩrayɛl nɩbɛ na dɩrɛ bʋ̃-dɩ-dɛgɛ a tẽ-yoru al pʋɔ ɩ na na diw bɛ cen nɩ a.»

A naaŋmɩn-ƴèr-manɛ Oze sɛbɛ 11:11

Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

A naaŋmɩn-ƴèr-manɛ Oze sɛbɛ 7:16

Bʋ̃-zawlɛ zie n'a bɛ lɛbr cere, bɛ ŋmɛ̃ na mɛ̃ tã-kaba a. Zɛbr-sɔ-kpɛ̃ɛ n'ʋ na kʋ a bɛ niw-dierbɛ a bɛ nyɔka-ƴɛ̀rʋ ƴãw, lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Levitɩ mɩnɛ 18:28

Nyɩ taa ɩrɛ ʋ lɛb tɛrɛ dɛwr, wa zawrɛ nyɩ bɛrɛ mɛ̃ a lɛ ʋ na zawrɩ a bɛl na de nyɩ niwn a bɛr a ɩ.

Levitɩ mɩnɛ 20:22

«Nyɩ maal tɛr a ɩ̃ nɛ́ɛ nɩ a ɩ̃ tub, ɛ́ sàwr a. Lɛ n'a a tẽw ʋl ɩ̃ na tɛr nyɩ cere nɩ na tɩ ƴãw nyɩ kpɩɛr a kʋ̃ zawrɩ nyɩ bɛr ɛ.

Levitɩ mɩnɛ 25:23

«Nyɩ bɛ kʋɔrɛ tẽsɔw a nʋɔr kʋrɛ ɩ, bʋ̃ʋ n'ʋ vɛ̃, mãa so a tẽsɔw, a mãa Sore, ɛ́ nyɩ na ɩ na mɛ̃ nʋʋrɩ nɩ sãanbɛ a, a ɩ̃ tẽw pʋɔ.

Amɔsɩ 7:17

À ŋá n'a ʋ yere: “A fʋ pɔw na lɩɛb'ɩ pɔw-yɛm a tẽw pʋɔ. Bɛ na kʋ n a fʋ bidɛbr nɩ a fʋ pɔwyaar. Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie. A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi, ɛ́ bɛ nyɔw a Ɩsɩrayɛl nɩbɛ za cen nɩ tẽ-yũo zãá nɩ a bɛ tẽw.''»

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Nɩ-toni 10:14

A Pɩɛr tɩ sɔw na: «Towtow Sore e, bʋ̃ʋ n'ʋ vɛ̃, ɩ̃ na cɔ̃ kɛ́ dɔw a, ɩ̃ bɛ dãw dɩ bʋ̃-dɩ-ciira ɩ, bɩɩ bʋ̃-dɩ-dɛwr ɛ.»

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Wulu-ayi-sob 28:68

A Sore na tɛr nyɩ nɩ gbee pʋɔ lɛb wa n a Eziptɩ. Ʋ na ɩ na nyɩ lɛb wa a tẽw ŋa pʋɔ, ɩ̃ na tɩ yel kʋ̀ nyɩ kɛ́ nyɩ kʋ̃ lɛb nyɛ̃ ʋ towtow a. A be a, nyɩ na tɩ bɔbr'a kɛ́ nyɩ kʋɔrɩ nyɩ tʋɔra ɩ gbãgbaar, ɛ́ daarɛ kʋ̃ ka be ɩ.

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.

Zozue 23:15

Ũw! Mɛ̃ a lɛ a ƴɛ̀r-vɩɛlɩ al za a Sore nyɩ Naaŋmɩn na tɩ ƴɛ̀r kʋ̀ nyɩ a, na tu a za a, lɛ mɩ̀ n'a a Sore na ɩ a ŋmɛ-ƴãw ƴɛ̀r-bie tu a nyɩ ƴãw, ɛ́ gù ʋ tɩ kʋ nyɩ pàw pɛr, a tẽ-vla ŋa ʋ na kʋ̀ nyɩ a zu.