A naaŋmɩn-ƴèr-manɛ Oze sɛbɛ 9:15 - A SƐB-SÕW

¹⁵ A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

A naaŋmɩn-ƴèr-manɛ Oze sɛbɛ 9:15 ပူးပေါင်းရင်းမြစ်များ

Sɛb-sõw yielu 78:60

Ʋ tɩ yi na kɛ́ bɛr a ʋ yir a Silo tẽw, a pɛn-sɛw ʋ na tɩ maalɩ a nɩsaalbɛ sɔgɔ a.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zeremi 11:15

«A nɩ-bʋʋrɛ, a mãa, a Sore, na nɔnɛ a maalɛ nɩ a bɛ pʋ-tɩɛr-faar. Bʋ̃ʋ n'ʋ bɛ wa ɩrɛ a ɩ̃ yir pʋɔ? A nɛ́ɛ bɛ na kone kʋ̀rɛ mɛ̃ a nɩ a bàwr-maal-nɛnɛ a, a na tʋ̃ɔ́ na ɩ a kpɩɛrʋ zãá nɩ bɛ bɩɩ? À ŋá n'a bɛ na tʋ̃ɔ́ nɩɩrɩ ʋ bɛr bɩɩ?

Zeremi 12:8

A bɛlɩ dem ɩ̃ na so a, ɩ n a ɩ̃ zie mɛ̃ gben na be mʋ̃ɔ pʋɔ a. Bɛ ùore nɩ a ɩ̃ ƴãw, alɛ so ɩ̃ bɛ cãà nɔnɛ bɛ ɩ.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Zeremi 5:5

A na ɩ lɛ a, ɩ̃ na cen nɩ a nɩ-bɛrɛ zie tɩ ƴɛ̀r'ɩ bɛ. Bɛl a, bɛ bãw nɩ a Sore pʋ-tɩɛrʋ, nɩ a ʋlɩ bom nɛ a bɛ Naaŋmɩn na bɔbr a.» Ɛcɛ bɛ za ɩ n been: bɛ gaarɩ na, ɛ́ ŋma a lãw-taa mie na tɩ 'lẽ bɛlɛ nɩ a bɛ Naaŋmɩn a bɛr.

Ezekɩɛl 22:27

A nɩbɛ nɩ-bɛrɛ ɩ na mɛ̃ wɛ-baar na tawr a dʋ̃w a na nyɔw a ɓɛlɛ a. Bɛ kʋrɛ nɩ a nɩbɛ a bɛ tɛra zub ƴãw.

Ezekɩɛl 23:18

Ʋ tõ n pɔw-yɛm tome a nɩbɛ za niŋé, ʋ wul'ɩ a ʋ ƴã-gã-kpãkpol. Lɛ n'a ɩ̃ tĩ jewre ʋ mɛ̃ ɩ̃ na tɩ jewri a ʋ yɛb a.

A naaŋmɩn-ƴèr-manɛ Oze sɛbɛ 1:6

A Gomɛɛr tɩ lɛb'a tɛr pʋɔ dɔw powle, ɛ́ a Sore tɩ yel a Oze: «Por ʋ a yúor kɛ́ Lo-Uruhama, a pɛr lɛ kɛ́: Ɩ̃ bɛ nɔ̃w ʋ ɛ. Bʋ̃ʋ n'ʋ vɛ̃, ɩ̃ kʋ̃ lɛb wul a ɩ̃ nɔ̃wfʋ a Ɩsɩrayɛl yir nɩbɛ ɩ. Ɩ̃ kʋ̃ lɛb nɔ̃w bɛ towtow ɛ.

A naaŋmɩn-ƴèr-manɛ Oze sɛbɛ 1:9

Ɛ́ a Sore tɩ yel a Oze: «Por ʋ a yúor kɛ́ Lo-Ami, a pɛr lɛ kɛ́: Bɛ-bɛ-ɩ-ɩ̃-nɩ-bʋʋrɛ-ɩ. Bʋ̃ʋ n'ʋ vɛ̃, a nyɩɩm Ɩsɩrayɛl nɩbɛ, nyɩ bɛ ɩ ɩ̃ nɩ-bʋʋrɛ ɩ, ɛ́ a nyɩ zie a, ɩ̃ bɛ be ɩ.»

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 12:2

Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 4:9

A bom nɛ na na ɩ a ɩ̃ nɩ-bʋʋrɛ a, ʋl tɔr za n'ʋ na ɩ a bàwr-maalbɛ. Ɩ̃ na dɔwrɩ bɛ na a bɛ cenu na bɛ vɩɛl a ƴãw, ɩ̃ na yáa nɩ a bɛ ɩ-faar san.

A naaŋmɩn-ƴèr-manɛ Oze sɛbɛ 7:2

Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire a bɛ ɩ-faar kãw za bɛrɛ a ɩ. Ƴɛrɛŋa a, a bɛ ɩ-faar pili na pàw bɛ. Alɛ n'ɩ a ŋan gã a ɩ̃ niŋé.

A naaŋmɩn-ƴèr-manɛ Oze sɛbɛ 9:17

A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.

A naaŋmɩn-ƴèr-manɛ Oze sɛbɛ 9:3

Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

Levitɩ mɩnɛ 26:30

Ɩ̃ na sãw nɩ a nyɩ maalʋ-ziir bɛr, ɩ̃ na ŋmɛr'ɩ a nyɩ bàwr-maal-kube al zu nyɩ na mɩ́ nyɩw a parfɛ̃ a bɛr, ɩ̃ na gbõ n a nyɩ kũuni taa a tɩbɛ na ŋmɛr ŋmɛr ɛ́ kar kar a zu. A ɩ̃ pʋɔ kʋ̃ nɔ̃w nyɩ towtow ɛ.

Amɔsɩ 4:4

«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

Amɔsɩ 5:27

Alɛ so ɩ̃ na ír nyɩ a nyɩ tẽw pʋɔ tɩ zuo nɩ a Damasɩ bɛr.» A Sore n'ʋ yel, a Naaŋmɩn kpɛnʋ-za-sob, a ʋ yúor'ɩ a lɛ.

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 6:5

Ɩ̃ nɩbɛ ɛ, nyɩ lɛb tɩɛrɩ a lɛ a Mowab tẽw nãà Balakɩ na tɩ bɔbr k'ʋʋ ɩ nyɩ faa a. Nyɩ lɛb tɩɛrɩ a lɛ a Bewɔɔr bidɛb Balaam na tɩ sɔw ʋ a. Al pùorí, ɩ̃ bɩɛlɩ nyɩ nɩ a Sitim tẽw tɩ sãá nɩ a Gilgal tẽw. Lɛ n'a nyɩ tʋ̃ɔ́ nyɛ̃ a gãda-tome a mãa Sore na tõ a nyɩ ƴãw a.»

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Zakari 11:8

Cuw-been pʋɔ a, ɩ̃ diw nɩ cɩ̃ɩnbɛ ata bɛr. Al pùorí, ɩ̃ tɩ bàl'ɩ a ɩ̃ píir ƴãw, ɛ́ a ɩ̃ píir mɩ̀ bàl a ɩ̃ ƴãw.

Nɩ-toni 4:27

Sɩza, bɛ sɩrɩ na ɓã taa a tẽ-kpɛ̃ɛ ŋa pʋɔ: Erɔdɩ nɩ Pɔ̃sɩ-Pɩlatɩ, lãwnɩ a nɩ-bʋʋr-yoru nɩ a Ɩsɩrayɛl bʋʋrɛ nɩbɛ wõ n taa a fʋ tõ-tõ-bi-sõw Yeezu ƴãw, a ʋl fʋ na ka nũu ƴãw a.

Nɩ-toni 5:21

Bɛ tɩ sàw na de a malkɩ ƴɛ̀rʋ, ɛ́ a zie na wa vɩɛrɛ wa báarɛ a, bɛ cen nɩ a Ŋmɩn-yir-kpɛ̃ɛ pʋɔ tɩ be a be kanɛ nɩ a nɩbɛ. A bàwr-maal-kara tɩ ta na. Ʋlɛ nɩ a ʋ nɩbɛ tɩ bʋɔl'ɩ a Zifʋ mɩnɛ ƴɛ̀rʋ-dɩb-lãw nɩbɛ ɓã taa, ɛ́ pãa tõ kɛ́ bɛ cen a gaso pʋɔ tɩ tɛr a nɩ-toni wa n.

Zozue 10:43

Al pùorí, a Zozue nɩ a Ɩsɩrayɛl nɩbɛ za tɩ lɛb'a cen a laɩ pʋɔ a Gilgal.

1 Samɩɛl 7:16

Yome za, ʋ mɩ́ tɩ cɔlɩ nɩ a Betɛl, a Gilgal nɩ a Misɩpa, dɩ a ƴɛ̀rʋ a ziir á ŋá za pʋɔ.