A naaŋmɩn-ƴèr-manɛ Oze sɛbɛ 9:12 - A SƐB-SÕW

¹² Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

A naaŋmɩn-ƴèr-manɛ Oze sɛbɛ 9:12 ပူးပေါင်းရင်းမြစ်များ

2 Na-mɩnɛ 17:18

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur yaga za, ɩ bɛ cen zãá nɩ ʋ. A Zuda dɔwlʋ yõ n'ʋ tɩ cãà be.

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

A Zɔb sɛbɛ 27:14

ʋlɛ wa tɛr bibiir yaga a, zɛbr-sɔ-kpɛ̃ɛ so bɛ, a ʋ bʋ̃-dɔwrɩ na bɔ n bʋ̃-dɩrɩ gù.

Zeremi 15:7

A tẽw tẽ-kpɛ̃ɛ za pʋɔ a, ɩ̃ zɛw nɩ a ɩ̃ bʋ̃-yɛla k'ɩ̃ɩ yɛ́lɩ nɩ a nɩbɛ bɛr a ziir za. Ɩ̃ ɩ na bɛ bɛ cãà tɛr bibiir ɛ, baarɩ bɛ za, ɛcɛ bɛ bɛ lɩɛbɩ a bɛ ɩb ɛ.

Zeremi 6:8

«Zerizalɛm i, sàw de a wulu! Alɛ bɛ ɩ lɛ, ɩ̃ kʋ̃ cãà lãw nɩ fʋ ɛ, ɩ̃ɩ na ɩ na fʋ lɩɛbɩ tẽ-kpalɛ, tẽw nɩr na bɛ kpɩɛr a.»

A Lãw-mʋɔlɛ 2:20

Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

A naaŋmɩn-ƴèr-manɛ Oze sɛbɛ 9:13

A Efarayim ɩ̃ na nyɛ̃ a, ʋ ɩ na a ʋ bibiir ɩ wɛ-dʋn, ʋ bɛr bɛ na bɛ tuore a bɛ kʋrɛ.

A naaŋmɩn-ƴèr-manɛ Oze sɛbɛ 9:16

Bɛ ŋmɛ n a Efarayim páw, a ʋ nyɩgɛ ko na, ʋ kʋ̃ lɛb wɔ̃ wɔmɛ ɩ. Bɛlɛ saa wa dɔwr a, ɩ̃ na ɩ n a bɛ bi-nɔnɩ bɛ ŋa kpi.»

Malasɩ 2:12

Nɩr wa ɩrɛ à à ŋá a, a Sore, ʋ ír a ʋ yir dem za bɛr a Ɩsɩrayɛl nɩ-bʋʋrɛ pʋɔ! Nɩr ta cãà be, mɩ́ wa n de-kʋ̀b bome wa kʋ̀ a Sore kpɛnʋ-za-sob, a ʋ yúor ƴãw ɛ!»

Sɔr-nɛ́ɛ 14:34

Bibie lɩz'a ayi n'a nyɩ cɔlɩ jɩ́r a Kanãa tẽw. A na ɩ à ŋá a, yome lɩz'a ayi n'a nyɩ na wõ tuo a nyɩ sãwna ƴãw. Bibi-been za na mɩ́ ɩ n yũon. À ŋá n'a nyɩ na bãw a lɛ a ɩ̃ zawr-bɛrʋ na buore a.

Sɔr-nɛ́ɛ 26:65

Bʋ̃ʋ n'ʋ vɛ̃, a Sore tɩ yel'a kʋ̀ bɛ kɛ́ bɛ na kpi n a wɛja-kpalɛ pʋɔ. A lɛ n'a bɛ been kãw za bɛ tɩ cɛ, alɛ bɛ ɩ Yefune bidɛb Kalɛb, nɩ Nun bidɛb Zozue ɩ.

Wulu-ayi-sob 28:18

Ʋ kʋ̃ mɩ́ kʋ̀ nyɩ a dɔwfʋ ɛ, a nyɩ bʋ̃-kʋ́ɔrɩ kʋ̃ mɩ́ maalɩ vla ɩ, a nyɩ dʋn kʋ̃ mɩ́ yɛ̀r yãwmɛ ɩ: a nĩi, a píir nɩ a bʋʋr.

Wulu-ayi-sob 28:32

A nyɩ bidɛbr nɩ a nyɩ pɔwyaar na kpɛ n nɩ-bʋʋr-yoru nuru pʋɔ ɩ gbãgbaar. Nyɩ na mɩ́ úor'ɩ a bɛ lɛb-waa a bibi-ɓil za, ɛ́ kʋ̃ tʋ̃ɔ́ ɩ bom ɛ.

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Wulu-ayi-sob 32:25

A zɛbr-sɔ-kpɛ̃ɛ na kʋrɛ nɩ a yẽw, ɛ́ a pʋl-vʋ̃ɔ kʋrɛ a dĩó. A kũu na kʋrɛ nɩ bɛ za, a pɔlbili nɩ a pɔwsɩrali, a dɛb-nyamɛ nɩ a bibiir.”

Ƴɛ̀r-dɩrbɛ 4:16

A Barakɩ tɩ diw nɩ a Sɩsera zɛbr-torkori nɩ a ʋ zɛbr-nɩbɛ tɩ sãá nɩ a Harɔsɛtɩ-Goyim. Ʋ tɩ kʋ n a Sɩsera zɛbr-nɩbɛ za pàw pɛr, nɩ-been bɛ tɩ cɛ ɩ.

1 Samɩɛl 16:14

A Sore vʋʋrʋ tɩ yi na ɛ́ bɛr a Sawul, ɛ́ vʋʋr-faa kãw yi a Sore zie wa damnɛ ʋ.