A naaŋmɩn-ƴèr-manɛ Oze sɛbɛ 9:10 - A SƐB-SÕW

¹⁰ À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

A naaŋmɩn-ƴèr-manɛ Oze sɛbɛ 9:10 ပူးပေါင်းရင်းမြစ်များ

1 Na-mɩnɛ 16:31

Ʋ cɔwr'ɩ a Nevatɩ bidɛb Zerobowam yel-bebe, a bɛ saal'ʋ ɛ, ʋ kul Zezabɛl, Sɩdɔ̃ tẽw dem nãà, Ɛtɩbaal, pɔwyaa, ɛ́ puori a ŋmɩn Báàl, gbĩ dume a ʋ niŋé.

2 Na-mɩnɛ 17:11

Bɛ tɩ maal'ɩ bagɛ a maalʋ-ziir za, mɛ̃ a nɩ-bʋʋr-yoru bɛl a Sore na tɩ ír a bɛ niŋé cen nɩ zi-yoru ɛ́ kʋ̀ bɛ a zie a. Bɛ tɩ ɩ n a ɩ-faar ɩ a Sore suur ìr.

Sɛb-sõw yielu 115:8

A bɛlɩ dem na maalɩ a a, bɛ ŋmɛ̃ taa nɩ a, nɩ a bɛlɩ dem za na ƴãw a bɛ tɩɛrʋ a ƴãw a.

Sɛb-sõw yielu 81:12

Ɛcɛ a ɩ̃ nɩbɛ bɛ bɛr wõ a ɩ̃ ƴɛ̀rʋ ɛ, a Ɩsɩrayɛl bɛ bɔbr mɛ̃ ɩ.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

Ɩzayi 28:4

A tɩ-puur-varsɩ ʋ na pɩ̃ɛ nɩ ʋ tʋɔra vla za a tãw na jɩ́rɛ a fʋɔla na pʋ̃ɔ ʋ za a zu a, bɛ na ƴɛ́r a na ŋmɛr. A Samaari tẽw ɩ na mɛ̃ kãkãw wɔ̃-dãw na mʋ̃ɔ ɛ́ a daar bɛ ta sɛr a. Nɩr wa nyɛrɛ ʋ wa báarɛ a, ʋ pɔr ʋ na, ɛ́ daadaalɛ ʋ vɔl.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 24:2

A pèlé kãw kãkamɛ tɩ vɩɛl'ɩ yaga yaga, vɩɛl mɛ̃ a kãkamɛ bɛ na mɩ́ de niwn pɔr a. A pèlé ƴen sob kãkamɛ tɩ sãw nɩ a za bɛ tɛr dɩb ɛ.

Zeremi 3:24

Ɛcɛ, a tɩ pɔ̀lʋ daarɩ́ za a, a Báàl maalʋ na ɩrɛ vĩ a baar'ɩ a alɩ bome nɛ za a tɩ sãà mɩnɛ na tɩ bàl bɛ tʋɔra páw a, a bɛ píir, a bɛ bʋʋr, a bɛ nĩi, a bɛ bidɛbr nɩ a bɛ pɔwyaar.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 31:2

À ŋá n'a a Sore yere: «A wɛja-kpalɛ pʋɔ a, ɩ̃ wul'ɩ a ɩ̃ nɔ̃wfʋ a nɩbɛ na bɛ tʋ̃ɔ́ kpi a. A na ɩ lɛ a, a Ɩsɩrayɛl na tʋ̃ɔ́ na nyɛ̃ a pɩ̃ɛnʋ.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ezekɩɛl 20:8

Ɛcɛ a nyɩ sãàkʋm-kore tɩ ìr'ɩ a ɩ̃ ƴãw, ɛ́ bɛ tɩ bɔbr kɛ́ bɛ bɛr wõ m ɛ. Kãw za bɛ tɩ bɛr a ŋmɩn-faar faar jɩ́rʋ ɛ, ɛ́ kãw za bɛ tɩ jɛ a Eziptɩ tẽw dem tɩbɛ bɛr ɛ. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a Eziptɩ tẽw tɔr za pʋɔ.

A naaŋmɩn-ƴèr-manɛ Oze sɛbɛ 11:1

À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a.»

A naaŋmɩn-ƴèr-manɛ Oze sɛbɛ 13:5

Mãa n'ʋ tɩ cɩ̃ɩnɛ fʋ a wɛja-kpalɛ pʋɔ, a wɛr tẽw pʋɔ fʋ na tɩ be a.

A naaŋmɩn-ƴèr-manɛ Oze sɛbɛ 2:15

A bibie al ʋ na zɔ tu a Báàl mɩnɛ pùor a, ɩ̃ na ɩ na ʋ ya a za. Ʋ mɩ́ tɩ maal'ɩ bàwr kʋ̀ a. Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ zɔrɛ tuur'ɩ a ʋ sɛnbɛ, ɛ́ mɩ́ tɩ yiiri mɛ̃ bɛr, a Sore n'ʋ yere.

A naaŋmɩn-ƴèr-manɛ Oze sɛbɛ 4:14

Ɛcɛ ɩ̃ kʋ̃ dɔwrɩ a nyɩ pɔwyaar nɩ a nyɩ biir-pɔwbɛ a bɛ ɩ-ɩrɩ ƴãw ɛ. Bʋ̃ʋ n'ʋ vɛ̃, a bàwr-maalbɛ tɛɛ za mɩ́ tɛr'ɩ pɔw-yɛmɛ taw yi n pùor, bɛlɛ nɩ ŋmɩmɛ yir pɔw-yɛmɛ nɛbɛ lãwnɛ a bàwr bʋ̃-dɩrɩ. Mɛ̃ a lɛ a zʋkpar na yel a: “Nɩ-bʋʋrɛ na bɛ bãw yã a wɩɛrɩ bɛ loba zie.''

A naaŋmɩn-ƴèr-manɛ Oze sɛbɛ 4:18

Bɛlɛ wa nyũ tɩ kuoli a, nɩ-fa-ɩb'a cɛ, a bɛ nɩ-bɛrɛ nɔnɛ nɩ a vĩ yele.

Amɔsɩ 4:5

Nyɩ maalɩ yãanɩ puoru bagɛ, nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Sɔr-nɛ́ɛ 15:39

A na ɩ lɛ a, nyɩ na suur'ɩ kparɩ na tɛr zʋɔrɛ a, ɛ́ nyɩmɛ mɩ́ wa nyɛ̃ a a, nyɩ na mɩ́ lɛb'a bãwnɩ a ɩ̃ nɛ-ƴãwnɩ ɛ́ tuur a. Lɛ n'a nyɩ kʋ̃ mɩ́ bɛr a nyɩ mimie nɩ a nyɩ socie tɛr nyɩ tu n a tɩbɛ pùor ɛ.

Sɔr-nɛ́ɛ 18:13

A bɛ tẽw bʋ̃-dan za bɛ na na mɩ́ wa n wa kʋ̀ m a, nyɩmɛ na mɩ́ so a, ɛ́ a nyɩ yie nɩbɛ bɛl nãà bɛ wa tɛr dɛwr a na tʋ̃ɔ́ na mɩ́ dɩ a.

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Wulu-ayi-sob 32:10

A Sore nyɛ̃ nɩ a ʋ nɩ-bʋʋrɛ a wɛja-kpalɛ pʋɔ na tɩ ɩ gbõgbo-cili kon tɛwr'a. Ʋ kaa nɩ bɛ zie, ʋ wul bɛ na, ʋ gù bɛ na mɛ̃ a ʋ mimi-biir a.

Wulu-ayi-sob 32:17

Bɛ tɩ maalɛ nɩ bàwr kʋ̀rɛ kɔ̃tɔmɛ na bɛ ɩ a Naaŋmɩn a, ɛ́ bɛ bɛ tɩ dãw bãw a ɩ. Ŋmɩn-paalɛ n'a, a bɛ sãàkʋm-kore tɛɛ za bɛ tɩ bãw a ɩ.

Wulu-ayi-sob 4:3

Nyɩ nyɛ̃ nɩ nɩ mimir a lɛ a Sore nyɩ Naaŋmɩn na ɩ a Pewɔɔr Báàl yele pʋɔ a: ʋ kʋ n a bɛlɩ dem za, a nyɩ nɩbɛ pʋɔ, na tɩ tu a ŋmɩn ŋa pùor a.

Ƴɛ̀r-dɩrbɛ 6:32

A ʋlɩ bibir'a bɛ bʋɔlɩ a Zedeɔ̃ kɛ́ Yerubaal, a pɛr lɛ kɛ́: “A Báàl, ʋ ƴɛ̀r faa ʋ mɩŋa”, a ʋ bàwr-maal-kuur na n'ʋ bɛ ŋmɛ ŋmɛr a.