A naaŋmɩn-ƴèr-manɛ Oze sɛbɛ 9:1 - A SƐB-SÕW

¹ Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

A naaŋmɩn-ƴèr-manɛ Oze sɛbɛ 9:1 ပူးပေါင်းရင်းမြစ်များ

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Ɩzayi 17:11

A ʋlɩ bibir fʋ na mɩ́ sɛl a a, fʋ mɩ́ nyɛ̃ a na a ìre, a bom fʋ na mɩ́ bʋ̀r a biɓaara a, fʋ mɩ́ ɩ na ʋ pu. Ɛcɛ a cɛb bɛ mɩ́ wa ka be ɩ, a bàalʋ wa ta a, ʋʋ mɩ́ ɩ n bàalʋ na bɛ tɛr tɩ̃ɩ a.

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

A Lãw-mʋɔlɛ 4:21

Edɔm tẽw dem i, nyɩ na tʋ̃ɔ́ na cɩlɛ ƴawr'ɩ, nyɩɩm na kpɩɛr a Usɩ tẽw a! Ɛcɛ, a Naaŋmɩn suur koli-nyúura mɩ̀ na ta nyɩ na, nyɩ na nyũ ʋ na tɩ kuoli, yaarɩ a bʋ̃-suuri bɛr ɛ́ cɛ ƴã-gã-kpãkpole.

Ezekɩɛl 16:15

«Ɛcɛ, fʋ tɩ ɩrɛ na ƴãwn fʋ na pɔ̀l a ƴãw, Zerizalɛm i! Bɛ na tɩ bãw fʋ a ziir za a zũú a, fʋ tɩ tõ n pɔw-yɛm tome. Fʋ gã nɩ nɩ a dɛbr za na tɩ tɔlɛ a, bɛ tɩ so b'a.

Ezekɩɛl 16:30

'Woi Zerizalɛm i! A mãa Sore Naaŋmɩn n'ʋ yere, fʋ sɩrɩ na ɩ dɛ̃bɩ̃ɛ sob. Fʋ na maalɩ à á ŋá za a, fʋ ɩ n a ɩb mɛ̃ a pɔw-yɛm faa faa za a.

Ezekɩɛl 20:32

Nyɩ yel'a: Tɩ bɔbr'a kɛ́ tɩ ɩ mɛ̃ a nɩ-bʋʋr-yoru a, mɛ̃ a tẽ-yoru nɩbɛ a, tɩ bɔbr'a kɛ́ tɩ maalɛ tɩɩr nɩ kʋsɛbɛ. Ɛcɛ a lɛ nyɩ na tɩɛr'a kʋ̃ ɩ ɛ.

Ezekɩɛl 21:10

Nɩr za na bãwnɩ a na k'aa mãa Sore, ɩ̃ vʋ̃ɔ nɩ a ɩ̃ zɛbr-sɔ-kpɛ̃ɛ a ʋ kpár pʋɔ. Ɩ̃ kʋ̃ lɛb su ʋ ɛ.”

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 2:12

Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ. Nɩr kʋ̃ piw mɛ̃ sɔ́r a lɛ ƴãw ɛ.

A naaŋmɩn-ƴèr-manɛ Oze sɛbɛ 4:12

Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.

A naaŋmɩn-ƴèr-manɛ Oze sɛbɛ 5:4

A Ɩsɩrayɛl nɩbɛ ɩ-ɩrɩ kʋ̃ sàw bɛ lɛb wa a bɛ Naaŋmɩn zie ɩ. Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie, ɛ́ bɛ bɛ bãw a Sore ɩ.

A naaŋmɩn-ƴèr-manɛ Oze sɛbɛ 5:7

Bɛ na dɔw zɩ̃-yir-biir a, bɛ zawr'ɩ a Sore bɛr. Ƴɛrɛŋa a, a cuw-paala na kʋ bɛ na pàw pɛr bɛlɛ nɩ a bɛ bʋ̃-tɛrɩ.

Amɔsɩ 3:2

«A tẽ-daa zu yie za pʋɔ a, nyɩɩm tɛwr zie n'a ɩ̃ kaa. Alɛ so ɩ̃ na ƴãw nyɩ manɩ a nyɩ ɩ-faar za pɛr.»

Amɔsɩ 4:5

Nyɩ maalɩ yãanɩ puoru bagɛ, nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

Amɔsɩ 6:13

Nyɩ cɩlɛ na a Lodevaar tẽw nyɩ na zɛb de a ƴãw, a Lodevaar pɛr'ɩ “zawlalɛ”. Nyɩ yere nɩ à ŋá: «A tɩ fãw bɛ tʋ̃ɔ́ n'a tɩ zɛb de nɩ a Karnayim tẽw e? A Karnayim pɛr'ɩ “ɩ́lɛ́ ayi, ɛ́ a ɩ́lɛ́ ɩ n a fãw bãwfʋ”.»

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Zakɩ 4:16

Ɛcɛ nyɩ mɩ́ bɛr'a ɛ́ zɛwr nyɩ tʋɔra pɔrɛ nɩ pɔb tɛwr. A pɔb á ŋá taabɛ bɛ vɩɛl ɛ.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!