A naaŋmɩn-ƴèr-manɛ Oze sɛbɛ 8:8 - A SƐB-SÕW

⁸ Bɛ vɔl'ɩ a Ɩsɩrayɛl. Ʋlɛ n'ɩ ŋan a nɩ-bʋʋr-yoru sɔgɔ mɛ̃ bom na bɛ tɛr pɛr a.

A naaŋmɩn-ƴèr-manɛ Oze sɛbɛ 8:8 ပူးပေါင်းရင်းမြစ်များ

2 Na-mɩnɛ 18:11

A Asiiri tẽw nãà tɩ diw nɩ a Ɩsɩrayɛl naalʋ-tẽw nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, nɩ Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

Ɩzayi 30:14

A dacin na ŋmɛr'a yaarɩ pʋrpʋr, mɛ̃ yawr-mɩɛrɛ dʋw a. A bɛ lɛb tɛr ɩb za ɩ, bɛ kʋ̃ tʋ̃ɔ́ nyɛ̃ sele a bʋ̃-ŋmɛrsɩ pʋɔ mʋ̃ɔ nɩ vũu dam pʋɔ bɩɩ 'wɔ̃w nɩ kʋ̃ɔ tã-bɔw pʋɔ ɩ.»

Zeremi 22:28

Nɩbɛ sowre na: «La-ŋmɛrnyɛ̃ na bɛ tɛr yel-ɩra a nɔ̃w n'ɩ a dɛb ŋa, a Konɩahu? Laa bɛ na bɛ cãà bɔbr a a? Bʋ̃ʋ n'ʋ so bɛ diw ʋlɛ nɩ a ʋ bibiir cen nɩ tẽ-yũo bɛ na bɛ bãw a?»

Zeremi 25:34

Nyɩ kone lãw-mʋɔlɛ, nyɩ lɔbr cɛlsɩ, nyɩɩm nɩbɛ nɩ-bɛrɛ ɛ, nyɩ bile tẽsɔw, nyɩɩm dʋn dem i. Bʋ̃ʋ n'ʋ vɛ̃, a nyɩ kɔkɛɛ ŋmab daar ta na. Nyɩ na lo na ŋmɛr mɛ̃ la-vla vla a.

Zeremi 48:38

A Mowab tẽw yie gàrɛ za zu a, nɩ a nɩ-yaga tuor-taa ziir za a, kon tɛwr'a. «Ɩ̃ ŋmɛr'ɩ a Mowab tẽw bɛr, mɛ̃ bom bɛ na bɛ cãà nɔnɛ a.» À ŋá n'a a Sore yere.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 51:34

«A Babɩlɔn tẽw nãà, Nabikodonozɔɔr, za mɛ̃ na vɔl, ʋ ŋmɔwrɩ mɛ̃ na ɛ́ bɛr mɛ̃, mɛ̃ la-zawla a. Ʋ vɔl mɛ̃ na mɛ̃ wa-bɩɛ a. Ʋ paal'ɩ a ʋ púor nɩ a ɩ̃ bʋ̃-vɩɛlɩ vɩɛlɩ zie, ɛ́ diw mɛ̃ bɛr.

A Lãw-mʋɔlɛ 2:16

A fʋ dɔ̃ dem za ƴɛ̀rɛ nɩ ƴɛ̀r-faar cáarɛ nɩ fʋ. Bɛ fuole na nyɩrɛ nɩ nyɩmɛ a fʋ ƴãw, Bɛ yere na: «Tɩ vɔl ʋ na. A bibir tɩ na gùre a n'ʋ pãa nanɩ ta. Ʋ vɩɛ na, tɩ nyɛ̃ ʋ na!»

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

A Lãw-mʋɔlɛ 4:2

'Woi! A Sɩyɔ̃ tẽw nɩbɛ na ɩ nɩbɛ man a salm-zɩɛ mɩŋa mɩŋa a, bɛlɛ n'ɩ bɛ ŋan bɛ de bʋɔlɛ tanɛ la-sãsarɩlɛ, yawr-mɩɛrɛ bʋ̃-mɩɛrɩ!

A Lãw-mʋɔlɛ 5:2

A tẽw fʋ na kʋ̀ tɩ a lɩɛb'ɩ nɩ-yoru dem, a tɩ yie be n nɩbɛ tɩ na bɛ bãw a nuru pʋɔ.

Ezekɩɛl 36:3

A na ɩ lɛ a, a fʋ̃ʋ nɩsaal bie, ƴɛ̀r a Ɩsɩrayɛl nɩbɛ zie a ɩ̃ yúor ƴãw: À ŋá n'a ɩ̃ yere kʋ̀rɛ bɛ, a mãa, a Sore Naaŋmɩn: A lõbowe za a, a nɩbɛ tɩ bɔbr'a kɛ́ bɛ sãw nyɩ bɛr ɛ́ ɩ nyɩ bɔr. Bɛ tɩ bɔbr'a kɛ́ bɛ nyɔw nyɩ, ɛ́ nyɩ lo n a nɩ-bʋʋr-yoru nuru pʋɔ. Bɛ ɩ nyɩ na la ɛ́ tʋ nyɩ.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.