A naaŋmɩn-ƴèr-manɛ Oze sɛbɛ 8:7 - A SƐB-SÕW

⁷ Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.

A naaŋmɩn-ƴèr-manɛ Oze sɛbɛ 8:7 ပူးပေါင်းရင်းမြစ်များ

Yele-za-pɛr-tib 41:23

Ble ayopõi mɩ̀ tɩ yi n a pùorí, kpawlɩ a bie, ɛ́ ɩ mɩɩlɛ, ɛ́ a wɛja-kpalɛ sɛsɛb ŋmɛ a ko.

2 Na-mɩnɛ 15:19

A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

A Zɔb sɛbɛ 4:8

Yel ŋa n'ʋ mãa nyɛ̃: a bɛlɩ dem na kʋɔr a faalʋ ɛ́ bʋ̀rɛ a nãw-woro a, a faalʋ nɩ a nãw-woro n'a bɛ mɩ́ cɛ.

Zʋkpaɩ 22:8

Sob nɛ na ɩrɛ a ɩ-ɩrɩ na bɛ tu mɩnʋ a yàarɛ pàwr a ziir za a nãà wa wob'ɩ a kpɩɛrʋ.

Ekilezɩasɩ 5:16

Lɛb waar mɩ̀, a ʋ nyɔ-vʋʋrʋ daar za a, ʋ nyɛ̃ nɩ niw-sʋba yaga nɩ pʋ-sãwna, suur nɩ a kanyir na baarɩ a.

Ɩzayi 17:11

A ʋlɩ bibir fʋ na mɩ́ sɛl a a, fʋ mɩ́ nyɛ̃ a na a ìre, a bom fʋ na mɩ́ bʋ̀r a biɓaara a, fʋ mɩ́ ɩ na ʋ pu. Ɛcɛ a cɛb bɛ mɩ́ wa ka be ɩ, a bàalʋ wa ta a, ʋʋ mɩ́ ɩ n bàalʋ na bɛ tɛr tɩ̃ɩ a.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

A Lãw-mʋɔlɛ 5:2

A tẽw fʋ na kʋ̀ tɩ a lɩɛb'ɩ nɩ-yoru dem, a tɩ yie be n nɩbɛ tɩ na bɛ bãw a nuru pʋɔ.

A naaŋmɩn-ƴèr-manɛ Oze sɛbɛ 2:9

Ʋ na diwr'a bɩ́ɛrɛ a ʋ sɛnbɛ ɛ́ kʋ̃ páw bɛ ɩ, ʋ na bɔbr bɛ na ɛ́ kʋ̃ nyɛ̃ bɛ ɩ. Lɛ n'a ʋ na yel: “Ɩ̃ na lɛb'a cen a ɩ̃ sɩr-dãw-niwn sob zie. Bʋ̃ʋ n'ʋ vɛ̃, ɩ̃ tɩ wone nɩ nʋ̃ɔ̀ a ʋ zie a lɛn daar zuo a ƴɛrɛŋa!”

A naaŋmɩn-ƴèr-manɛ Oze sɛbɛ 7:9

Nɩ-sãanbɛ báarɛ nɩ a ʋ fãw, ʋʋ bɛ bãwnɩ a ɩ. Ʋ bul'ɩ zukɔbr pɛlɛ baarɩ, ɛ́ cãà bɛ bãwnɩ a ɩ.

A naaŋmɩn-ƴèr-manɛ Oze sɛbɛ 9:16

Bɛ ŋmɛ n a Efarayim páw, a ʋ nyɩgɛ ko na, ʋ kʋ̃ lɛb wɔ̃ wɔmɛ ɩ. Bɛlɛ saa wa dɔwr a, ɩ̃ na ɩ n a bɛ bi-nɔnɩ bɛ ŋa kpi.»

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

A naaŋmɩn-ƴɛ̀r-manɛ Aaze sɛbɛ 1:6

Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!

Galasi 6:7

Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ.

Galasi 6:8

Sob nɛ na bʋ̀rɛ a alɩ bome nɛ a nɩsaalʋ na bɔbr a, ʋ na cɛ n a wɔmɛ a nɩsaalʋ na waar'ɩ a, a pɛr lɛ k'aa kũu. Ɛcɛ sob nɛ na bʋ̀rɛ a alɩ bome nɛ a Vʋʋrʋ Sõw na bɔbr a, ʋ na cɛ n a wɔmɛ a Vʋʋrʋ na waar'ɩ a, a pɛr lɛ k'aa nyɔ-vʋʋrʋ na be kʋralɛ a.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.