A naaŋmɩn-ƴèr-manɛ Oze sɛbɛ 8:1 - A SƐB-SÕW

¹ Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

A naaŋmɩn-ƴèr-manɛ Oze sɛbɛ 8:1 ပူးပေါင်းရင်းမြစ်များ

2 Na-mɩnɛ 18:27

Ɛcɛ a sojarɩ nɩ-kpɛ̃ɛ, na mɩ́ be a nãà zie a, tɩ sɔw bɛ na: «Nyɩ tɩɛrɛ k'aa nyɩ nɩ-kpɛ̃ɛ nɩ a nyɩɩm tɛwr so a ɩ̃ nɩ-kpɛ̃ɛ ƴɛ̀rʋ bɩɩ? A nɩbɛ bɛ ŋa za na be a dacin zu, ɛ́ kʋ̃ yaa kɛ́ dɩrɛ a bɛ bine, nyúur'ɩ a bɛ dʋ́rʋ, mɛ̃ a nyɩɩm a, bɛlɛ mɩ̀ so a ƴɛ̀rʋ!»

Ɩzayi 18:3

Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Zeremi 34:18

A Zuda nɩ a Zerizalɛm tẽw nɩ-bɛrɛ, a tõ-tõ-bi-bɛrɛ, a bàwr-maalbɛ nɩ a tẽw nɩbɛ za na so bɛ tʋɔra a, tɩ maal'ɩ mɛ̃ nɩ wõ-taa. Bɛ tɩ vár'ɩ a bàwr nadele ziir ayi, ɛ́ tɩ tɔl a dʋ̃w na vár a ziir ayi a cara pʋɔ. Ɛcɛ a nɩbɛ bɛ ŋa bɛ tu a wõ-taa ŋa ɩ, bɛ bɛ tu a lɛ bɛ na yel a ɩ. A lɛ pʋɔ a, ɩ̃ na ɩ bɛ na mɛ̃ a nadele bɛ na vár a ziir ayi a.

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

Zeremi 4:5

Nyɩ yel a yel a Zuda tẽw, nyɩ ɩ bɛ wõ ʋ a Zerizalɛm, nyɩ pɛblɩ ɩɩl a tẽw pʋɔ! Nyɩ cɩɩrɩ kpɛ̃w kpɛ̃w za, nyɩ yel: «Nyɩ ɓã taa a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ!»

Zeremi 48:40

À ŋá n'a a Sore yere: «A ɩ na mɛ̃ sidum yɛ̀r'ɩ a ʋ pɩgɛ laarɛ nɩ a Mowab tẽw zu-sɔw a.»

Zeremi 49:22

A dɔ̃ sob ɩ na mɛ̃ sidum na ƴaw do saa, ɛ́ tɩ yɛ́r a ʋ pɩgɛ laarɛ nɩ a Bɔsɩra tẽw zu-sɔw a. A ʋlɩ bibir nɛ a, a Edɔm tẽw zɛbr-nɩbɛ bɛl na kpɛ socir a, na tɛr'ɩ dɛ̃bɩ̃ɛ, mɛ̃ pɔw na dɔwr a.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Ezekɩɛl 11:4

A na ɩ à ŋá a, fʋ̃ʋ nɩsaal bie e, ƴɛ̀r wo bɛ, mɛ̃ naaŋmɩn-ƴɛ̀r-manɛ a.»

Ezekɩɛl 16:59

À ŋá n'a a mãa Sore Naaŋmɩn yere: fʋ bɛ cɛlɩ be a pɔb fʋ na pɔ a ƴãw ɛ, ɛ́ sãw a wõ-taa a mãa nɩ a fʋ̃ʋ cara pʋɔ bɛr. Alɛ n'a so ɩ̃ na ɩ b mɛ̃ a lɛ fʋ na ɩ a ɩ̃ zie a.

Ezekɩɛl 17:3

Yel kʋ̀ bɛ k'aa mãa Sore Naaŋmɩn n'ʋ suole suolu kʋ̀rɛ bɛ. Ʋlɛ n'ɩ ŋa: “Sɩl-kpɛ̃ɛ kpɛ̃ɛ tɩ be n be tɛr pɩw-yɛlsɩ, kɔbl-wowr a sãáfʋ bʋʋrɛ na yãwmɛ a. Ʋ tɩ ƴaw na tɩ ta a Libã tan ƴãw. Ʋ tɩ ka n sɛɛdɩr tɩɛ yã.

Ezekɩɛl 7:14

Bɛlɛ saa pɛblɩ wɩ́ɛ ɛ́ cɔbrɩ bom za a, nɩr za kʋ̃ cen a zɛbr zie ɩ. Bʋ̃ʋ n'ʋ vɛ̃, ɩ̃ nyɛ̃ nɩ nɩ a nɩ-bʋʋrɛ za kpɛ̃lɛ̃kpɛ̃lɛ̃ suur.»

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 5:8

«Nyɩ pɛblɩ ɩɩl a Givea, nyɩ pɛblɩ wɩ́ɛ a Arama, nyɩ lɔb cɛl a Bɛtɩ-Awɛn. Bɛ̃zamɛ yir dɔwlʋ ʋ, gùre pùorí yoo!

A naaŋmɩn-ƴèr-manɛ Oze sɛbɛ 6:7

«Ɛcɛ nyɩɩm a, nyɩ sãw nɩ a wõ-taa bɛr a Adam tẽ-kpɛ̃ɛ́. Be n'a nyɩ zawrɩ mɛ̃ bɛr.

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Zowɛl 2:1

Nyɩ pɛblɩ wɩ́ɛ a Sɩyɔ̃ tẽw, nyɩ lɔb cɛl a Naaŋmɩn tã-sõw zu. A tẽw dem za, bɛ màwr, a Sore bibir tarɛ na, ʋ pɩɛl'a.

Zowɛl 2:15

Nyɩ pɛblɩ wɩ́ɛ a Sɩyɔ̃ tẽw pʋɔ, nyɩ ƴãw mʋta-tuo be be, nyɩ tɛr kpaa-ta-sõw.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Amɔsɩ 9:1

Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Sofoni 1:16

A ʋlɩ bibir a, bɛ na wone nɩ a sojarɩ bɛ pɛblɛ a wɩ́ɛ, ɛ́ ŋmɩɛr a zɛbr cɛlsɩ a tẽ-kpɛn kpɛn ƴãw nɩ a ten á ŋá yir-cõcowli ƴãw.

Zakari 11:1

Libã a, yuo a fʋ pamɛ kɛ̀ vũu dɩ a fʋ sɛɛdɩr tɩɩr.

Zakari 9:14

A Sore na sãá nɩ a ʋ nɩ-bʋʋrɛ zu-sɔw. A ʋ pĩi na cen na mɛ̃ saa na nyɩwrɩ a. A Sore Naaŋmɩn na pɛbl'ɩ a wɩ́ɛ, ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.

Matie 24:28

Be a bʋ̃-kũu na be a, be n'a a sidume na ɓã taa.»

1 Korɛ̃tɩ 15:52

daƴen daadaa, tɩ na lɩɛb'ɩ fɔ̃wlɛ a wɩ-pɛ-baara wa pɛblɩ a. Bʋ̃ʋ n'ʋ vɛ̃, a wɩ́ɛ wa pɛblɩ a, a kũuni na lɛb'a yi kʋ̃ lɛb kpi towtow ɛ, ɛ́ a tɩɩm ƴã-gamɛ na lɩɛb'a.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.