A naaŋmɩn-ƴèr-manɛ Oze sɛbɛ 7:16 - A SƐB-SÕW

¹⁶ Bʋ̃-zawlɛ zie n'a bɛ lɛbr cere, bɛ ŋmɛ̃ na mɛ̃ tã-kaba a. Zɛbr-sɔ-kpɛ̃ɛ n'ʋ na kʋ a bɛ niw-dierbɛ a bɛ nyɔka-ƴɛ̀rʋ ƴãw, lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»

A naaŋmɩn-ƴèr-manɛ Oze sɛbɛ 7:16 ပူးပေါင်းရင်းမြစ်များ

Sɛb-sõw yielu 12:3

Ziri tɛwr'a bɛ ŋmarɛ kʋ̀rɛ taa. A nʋɔr mɩ́ ɩ n nɔ-kãá, ɛ́ a tɩɛrʋ ɩ ziir ayi.

Sɛb-sõw yielu 12:4

A Sore, ʋ ɩ a nɔ-kãánɩ dem za bɔr, nɩ a bɛlɩ dem na mɩ́ ƴɛ̀rɛ garɛ nɩ baw a,

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɛb-sõw yielu 17:10

Bɛ ɩ n 'wɔra 'wɔra a, ɛ́ ƴɛ̀rɛ pɔ̀l-ƴɛ̀rʋ.

Sɛb-sõw yielu 52:2

A Edɔm tẽw Dowɛgɩ na tɩ cen tɩ yel kʋ̀ a Sawul, k'aa Daviir cen nɩ a Ahimelɛkɩ zie a yele n'a.

Sɛb-sõw yielu 57:4

Ʋ́ be a salom zu ɛ́ tɩr a faafʋ kʋ̀ m, ʋ́ ɩ a sob nɛ na bɛ bɛrɛ mɛ̃ a, ʋ nyɛ̃ vĩ, Tɛw-àrʋ ʋ́ tɩr a ʋ nɔ̃wfʋ nɩ a ʋ yel-mɩŋa.

Sɛb-sõw yielu 73:9

Bɛ bɛ mɩ́ bɛrɛ a Naaŋmɩn a bɛ ƴɛ̀rʋ pʋɔ ɩ, ɛ́ bɛ jɩɩrɛ bom bɛrɛ a tẽw zu ɛ.

Sɛb-sõw yielu 78:37

Bɛ bɛ tɩ tu ʋ nɩ bɛ pʋɔ za ɩ, bɛ bɛ tɩ tuur a ʋ wõ-taa ɩ.

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Ezekɩɛl 23:32

À ŋá n'a a mãa Sore Naaŋmɩn yere: Fʋ na nyũ n a koli-nyúura been nɛ mɛ̃ a fʋ yɛb a, koli-nyúura na yɛlmɛ ɛ́ zulme a. A nɩbɛ na laar fʋ na ɛ́ kpɔwrɛ fʋ, bʋ̃ʋ n'ʋ vɛ̃, a koli-nyúura paal'a cire!

Ezekɩɛl 36:20

A ten al za pʋɔ bɛ na cen a, a nɩbɛ ɩ n a ɩ̃ yo-sõw la a bɛl ƴãw. Bʋ̃ʋ n'ʋ vɛ̃, bɛ tɩ yere na: “A Sore nɩ-bʋʋrɛ tɩ nɛbɛ, a ʋ tẽw n'ʋ bɛ yi kɛ́ bɛr.”

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

A naaŋmɩn-ƴèr-manɛ Oze sɛbɛ 6:4

Ɛcɛ a Sore sɔwr nyɩ na: «Ɩ̃ ɩ fʋ ŋmɩn, Efarayim i? Ɩ̃ ɩ fʋ ŋmɩn, Zuda a? A nɔ̃wfʋ nyɩ na tɛr a ɩ̃ ƴãw a ɩ na mɛ̃ biɓaara ulu a, mɛ̃ biɓaara ɓɩɛlʋ na mɩ́ zor fɔ̃wlɛ a.

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

A naaŋmɩn-ƴèr-manɛ Oze sɛbɛ 9:3

Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

A naaŋmɩn-ƴèr-manɛ Oze sɛbɛ 9:4

A lɛ pʋɔ a, a Efarayim nɩbɛ kʋ̃ mɩ́ lɛb cir divɛ̃ bɛr a Sore maalʋ ƴãw ɛ, a bɛ bagɛ kʋ̃ mɩ́ pɛlɩ a ʋ pʋɔ ɩ. A bɛ bʋ̃-dɩrɩ na ɩ na mɛ̃ wahala daar dipɛ̃ a: bɛlɩ dem za na 'wɔbr a a na tɛr'ɩ dɛwr. Bʋ̃ʋ n'ʋ vɛ̃, a bɛ dipɛ̃ na mɩ́ guoli bɛ na, ɛcɛ ʋ bɛ kpɩɛr a Sore Ŋmɩn-yir-kpɛ̃ɛ pʋɔ ɩ.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Malasɩ 3:13

A Sore yere na: «A nyɩ ƴɛ̀rʋ nyɩ na càarɛ nɩ mɛ̃ a, a kpɛ̃w tɔ. Ɛ́ nyɩ mɩ́ sowre: “Bʋ̃ʋ ƴɛ̀rʋ n'a tɩ ƴɛ̀r càar'ɩ fʋ?”

Malasɩ 3:14

À ŋá n'a nyɩ yel: “A Naaŋmɩn tome tob bɛ tɛr pɛr ɛ. Tɩ sàw nɩ a ʋ nɛ́ɛ, ɛ́ tu a kpɩɛrʋ daar tub a Sore kpɛnʋ-za-sob niŋé, ɛ́ a ɩ zawla.

Matie 12:36

Ɩ̃ sɩrɩ na yere kʋ̀rɛ nyɩ, a ƴɛ̀rʋ-maalʋ bibir wa vɩɛ a, a nɩsaalbɛ na man nɩ a ƴɛ̀r-foli za bɛ na ƴɛ̀r a pɛr.

Luka 8:13

Bɛ mɩnɛ ŋmɛ̃ na mɛ̃ a zi-wɔ̃cɔ bʋ̃-bie a: bɛ mɩ́ wõ n a Naaŋmɩn ƴɛ̀rʋ ɛ́ sàw de nɩ nʋ̃ɔ̀. Ɛcɛ bɛ bɛ mɩ́ sàw bɛr a Naaŋmɩn ƴɛ̀rʋ tɛ nyɩgɛ a bɛ pʋɔ ɩ, bɛ mɩ́ sàw na de blãlɛ tɛwr ƴãw. Ɛ́ a kpɩɛrʋ wa ta a lɛn daar a, bɛ mɩ́ tɩɛ nɩ a naaŋmɩn-sàw-deb bɛr.

Zakɩ 3:5

Lɛ mɩ̀ n'a, a zɛl ɩ n a ƴã-gan ɓɛrmɛ na ɩ pʋrɩlɛ ɛ́ na tʋ̃ɔ́ pɔrɛ ʋ na maalɛ yel-bɛrɛ a ƴãw. Nyɩ tɩɛrɩ nyɛ̃ a lɛ vũu cãpile na mɩ́ nyɩw wɛ-kpɛ̃ɛ a!

2 Pɩɛr 2:8

Bʋ̃ʋ n'ʋ vɛ̃, a nɩ-mɩŋa ŋa tɩ kpɩɛr'ɩ a bɛ sɔgɔ, nyɛrɛ ɛ́ wone a bɛ ɩ-faar bibie za. A bɛ ɩ-ɩrɩ na bɛ tu sɔ́r a tɩ ɩ ʋ nɩ kpɩɛrʋ bɛ dɩ vuo ɩ.

Yel-wula 13:5

Bɛ tɩ kʋ̀ ʋ nɩ sɔ́r k'ʋʋ ƴɛ̀rɛ ƴɛ̀r-sɛblɛ tʋʋr'ɩ a Naaŋmɩn zʋmɛ. Bɛ tɩ kʋ̀ ʋ nɩ fãw k'ʋʋ ɩrɛ nɩ cuwr lɩz'a ayi nɩ ayi ƴãw.