A naaŋmɩn-ƴèr-manɛ Oze sɛbɛ 7:14 - A SƐB-SÕW

¹⁴ A bɛ pʋɔ za bɛ n'ʋ bɛ mɩ́ kone cɔwr'ɩ mɛ̃ ɩ. Ɛcɛ bɛ mɩ́ gã na kone, wɛrɛ nɩ a bɛ ƴã-gan, tɩɛr kɛ́ lɛ n'a bɛ na ɩ a bɛ ble nɩ a bɛ divɛ̃ tɩ-wɔmɛ maalɩ vla. À à ŋá bɛ na ɩrɛ a, mãa n'ʋ bɛ zawrɛ bɛrɛ.

A naaŋmɩn-ƴèr-manɛ Oze sɛbɛ 7:14 ပူးပေါင်းရင်းမြစ်များ

Eziptɩ tẽw yib 32:6

A nɩbɛ tɩ dãwnɩ nɩ ìru a bio daarɩ́, maalɩ nyɩw-a-za-bagɛ nɩ lãw-taa bagɛ. A nɩbɛ tɩ zɩ̃ na kɛ́ bɛ dɩ ɛ́ nyũ, al pùorí bɛ ìr kɛ́ bɛ dɩ̃ɛnɩ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 52:5

Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ.

Ɩzayi 65:14

A ɩ̃ tõ-tõ-biir na mɩ́ cáarɛ na, ɛ́ nʋ̃ɔ̀ paalɩ a bɛ socie! Ɛcɛ a nyɩɩm a, 'wɔbrʋ n'a na mɩ́ 'wɔbr nyɩ nyɩ cɩɩrɛ, ɛ́ a nyɩ socie paalɩ kpɩɛrʋ. Nyɩ na mɩ́ 'huore na, ɛ́ a tɩɛrʋ sãw ʋ za!

Zeremi 12:2

Fʋ sɛl bɛ na, bɛ tɛ n nyɩgɛ, bɛ kɛrɛ na, bɛ wɔnɛ nɩ wɔmɛ. A fʋ yúor be n a bɛ nʋɔrɩ́ kʋralɛ, ɛ́ a bɛ socir zãá nɩ fʋ.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

A Lãw-mʋɔlɛ 2:18

A Zerizalɛm nɩbɛ lãw nɩ socir been cɩɩrɛ nɩ a Sore zie. Sɩyɔ̃ tẽw dacĩ-kpɛ̃ɛ ɛ, bɛr a fʋ mʋta-kʋ̃ɔ a gbɔlɛ mɛ̃ bà-fʋɔla kʋ̃ɔ a, mʋ̃tɔ̃w nɩ tɩ̃ɩsɔw. Taa yel kɛ́ fʋ pɩ̃ɛnɛ na ɩ, a mʋta-kʋ̃ɔ, a taa ŋmaarɛ towtow ɛ.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 13:9

Ɩsɩrayɛl ɩ, fʋ̃ʋ n'ɩ ŋan bɛ ŋmɛr bɛr, mãa yõ n'ʋ na faa fʋ.

A naaŋmɩn-ƴèr-manɛ Oze sɛbɛ 3:1

A Sore tɩ yel mɛ̃ na: «Lɛb maal nɔ̃w a pɔw ŋa na nɔnɛ dɛb-yũo, ɛ́ tone pɩ̃ɔ tome a. Nɔ̃w ʋ mɛ̃ a lɛ a mãa Sore na nɔ̃w a Ɩsɩrayɛl bibiir, ɛ́ bɛ ŋmɛlɛ kpaar cɔwr mɛ̃, ɛ́ tuur ŋmɩn yoru a. Bɛ ŋmɛlɛ nɩ kpaar cɔwr mɛ̃, ɛ́ bɛ nyɛrɛ a divɛ̃ tɩ-wɔmɛ sɛ̃sɛ̃ zie ɩ.»

A naaŋmɩn-ƴèr-manɛ Oze sɛbɛ 8:2

Bɛ kone na cɔwr mɛ̃ yere nɩ: “Ɩ̃ Naaŋmɩn i, tɩɩm Ɩsɩrayɛl, tɩ bãw fʋ na!''

Amɔsɩ 2:8

A bɛ samɛ dem bʋ̃-suuri bɛ na mɩ́ de tɛr ɛ́ gù kɛ́ bɛ wa ya a bɛ samɛ a, bɛ mɩ́ yɛ́r a na gã nɩ bàwr-maal-kuur za pɛr. Bɛ mɩ́ nyúur'ɩ a divɛ̃ bɛ na fa a, a bɛ ŋmɩn yir pʋɔ.

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Zakari 7:5

k'ɩ̃ɩ ɩ a bàwr-maalbɛ nɩ a tẽw dem za bãw a ʋ sɔwfʋ ŋa: «Yome lɩz'a ata nɩ pie n'ɩ à ŋá, nyɩ na mɩ́ tɛr a mʋta-tuo kone nɩ, a cuwr anũu nɩ a cuwr ayopõi sob daar a, ɛcɛ, nyɩ bɛ mɩ́ tɛr a mʋta-tuo á ŋá k'aa pɛlɩ a ɩ̃ pʋɔ ɩ!

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Filib 3:19

A bɛ kũu na ɩ n wɛb bɛ wɛ. A bɛ nyagɛ n'a ɩ a bɛ naaŋmɩn, ɛ́ a yele na sɛw k'aa mɩ́ ɩrɛ bɛ vĩ a, alɛ n'a ɩ a bɛ yúor bom, tẽw zu ka yele tɛwr ƴãw n'a bɛ ƴãw a bɛ tɩɛrʋ.

Zakɩ 4:3

Nyɩ mɩ́ zɛlɩ na ɛ́ bɛ páw ɛ, a nyɩ tɩɛrʋ na bɛ vɩɛl a ƴãw: nyɩ na mɩ́ zɛlɛ a nyɩ nʋ̃ɔ̀ wob tɛwr ƴãw a.

Zakɩ 5:1

Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw!

Ƴɛ̀r-dɩrbɛ 9:27

Bɛ tɩ yi n a bɛ divɛ̃ tɩɩr póru pʋɔ tɩ pɔr a bɛ divɛ̃ tɩɩr wɔmɛ, nɛb ír a divɛ̃, al pùorí, bɛ maalɩ cuw. Bɛ tɩ cen nɩ a bɛ ŋmɩn yir pʋɔ tɩ dɩ ɛ́ nyũ, ɛ́ ŋmɛ ƴãw a Abimelɛkɩ.