A naaŋmɩn-ƴèr-manɛ Oze sɛbɛ 7:13 - A SƐB-SÕW

¹³ «Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

A naaŋmɩn-ƴèr-manɛ Oze sɛbɛ 7:13 ပူးပေါင်းရင်းမြစ်များ

Neemi 1:10

Sore e, tɩ ɩ n a fʋ tõ-tõ-biir, tɩ ɩ n a fʋ nɩ-bʋʋrɛ! Tɩmɛ nɛbɛ fʋ faa nɩ a fʋ fãw na ɩ kpɛ̃ɛ a, tɩmɛ nɛbɛ fʋ faa nɩ a fʋ kpãkpãw-kpɛ̃w.

A Zɔb sɛbɛ 22:17

Bɛ mɩ́ tɩ yere na càarɛ nɩ a Naaŋmɩn: «Ʋ bɛr tɩ zoom!» Ʋlɛ n'ɩ a Kpɛnʋ-za-sob, ɛcɛ bʋ̃ʋ n'ʋ ʋ na tʋ̃ɔ́ ɩ tɩ?

Sɛb-sõw yielu 106:10

Ʋ tɩ faa bɛ nɩ a bɛlɩ dem na hɩ̃ɛn bɛ a nũú, ʋ tɩ zɛb'a faa bɛ a dɔ̃ dem nuru pʋɔ.

Ɩzayi 30:1

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.

Ɩzayi 30:2

Nyɩ cere nɩ a Eziptɩ tẽw ɛ́ bɛ sowri mɛ̃ kaa ɩ. Faarawɔ̃ naayir'a nyɩ zɔrɛ kpɩɛr, a ʋ tẽw ɓaarʋ́ n'a nyɩ bɔbr sɔwlʋ zie!

Ɩzayi 31:1

Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Zeremi 14:10

À ŋá n'a a Sore ƴɛ̀rɛ a nɩbɛ bɛ ŋa ƴãw: «Sɩza, a nɩbɛ bɛ ŋa nɔnɛ nɩ cɔlʋ, bɛ bɛ zɩnɛ zi-been ɛ.» Ɛcɛ, bɛ na bɛ pɛlɩ a Sore pʋɔ a, ƴɛrɛŋa a, ʋ lɛb'a tɩɛrɩ a bɛ sãwna ɛ́ na dɔwrɩ bɛ a bɛ yel-bebe zũú.

Zeremi 42:20

Nyɩ tɩ ƴãw mɛ̃ na k'ɩ̃ɩ sowri a Sore nyɩ Naaŋmɩn kaa. Nyɩ tɩ yel mɛ̃ na: “Puori a Sore tɩ Naaŋmɩn a tɩ ƴãw. Yel a lɛ tɔr za ʋ na na yel kʋ̀ b a kʋ̀ tɩ, ɛ́ tɩ na tu na.” A lɛn daar a, nyɩ bɛ tɩ tɩɛrɩ ɛ ɛ́ ƴɛ̀r, ƴãw nyɩ tʋɔra kũu pʋɔ.

Zeremi 51:9

«Tɩ yel kɛ́ tɩ sanɩ a Babɩlɔn, ɛcɛ ʋ bɛ tɛr sanʋ ɛ. Nyɩ ɩ tɩ bɛr ʋ, ɛ́ ŋa za mɩ́ kul a ʋ tẽw! Bʋ̃ʋ n'ʋ vɛ̃, a ʋ dɔwrʋ do na tɩ tɔ a salom, ʋ do na tɩ tɔ a zũzuwe.

Zeremi 7:15

Ɩ̃ na diw nyɩ na bɛr nyɩ zãá nɩ mɛ̃, mɛ̃ a lɛ ɩ̃ na diw a nyɩ yɛbr, a Efarayim tẽw dem a.»

A Lãw-mʋɔlɛ 5:16

Tɩ bɛ cãà tɛr yúor ɛ. Nyɛ̃ baw-bio na páw tɩ a, bʋ̃ʋ n'ʋ vɛ̃, tɩ maal'ɩ yel-bier!

Ezekɩɛl 16:23

A faa al za fʋ na wa maalɩ baar'a, fʋ̃ʋ n'ɩ ŋan be kpɩɛrʋ pʋɔ. Sɩza, nyɛ̃ kpɩɛrʋ na tɛr fʋ a! A mãa Sore Naaŋmɩn n'ʋ yere.

Ezekɩɛl 18:2

«Bʋ̃ʋ n'ʋ so bɛ wone bɛ lɔbr a zʋkpar ŋa a Ɩsɩrayɛl tẽw pʋɔ: “A dɔwrbɛ 'wɔb'ɩ suw-kɛrɛ, ɛcɛ a bibiir nyɩmɛ n'a mĩi?”

Ezekɩɛl 18:25

Ɛcɛ nyɩ mɩ́ yel'a: “A Sore ɩb bɛ tori ɛ.” Nyɩ bɛrɛ wone Ɩsɩrayɛl nɩbɛ ɛ: Mãa ɩb'a bɛ tori ɛ? A nyɩ ɩb bɛ n'a nɩ̃ɛ bɛ tori ɛ?

Ezekɩɛl 34:6

A ɩ̃ dʋn cen na tɩ bɔr a tã-bɛrɛ nɩ a tãli zu. A ɩ̃ píir yaar'ɩ a ziir za a tẽw za pʋɔ. Nɩr za bɛ cere a bɔb ɛ, nɩr za bɛ kaarɛ a zie ɩ.

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 5:7

Bɛ na dɔw zɩ̃-yir-biir a, bɛ zawr'ɩ a Sore bɛr. Ƴɛrɛŋa a, a cuw-paala na kʋ bɛ na pàw pɛr bɛlɛ nɩ a bɛ bʋ̃-tɛrɩ.

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

A naaŋmɩn-ƴèr-manɛ Oze sɛbɛ 7:3

A bɛ ɩ-faar ɩrɛ nɩ nʋ̃ɔ̀ a nãà, ɛ́ a bɛ ziri ɩrɛ nʋ̃ɔ̀ a niw-dierbɛ.

A naaŋmɩn-ƴèr-manɛ Oze sɛbɛ 9:12

Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

A naaŋmɩn-ƴèr-manɛ Oze sɛbɛ 9:17

A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.

Zonasɩ 1:10

Al pùorí, ʋ tɩ manɩ nɩ a ʋ yele kʋ̀ bɛ. A gbor-duwrbɛ na tɩ wõ k'ʋʋ zɔrɛ na zãánɛ nɩ a Sore a, dɛ̃bɩ̃ɛ tɩ tɛr bɛ na bɛ dɩ vuo ɩ. Lɛ n'a bɛ tɩ sowr'ʋ: «Bʋ̃ʋ n'ʋ so fʋ ɩ à à ŋá?

Zonasɩ 1:3

Ɛcɛ a Zonasɩ tɩ ìr'a k'ʋʋ zɔ cen Tarsisɩ zãá nɩ a Sore. Lɛ n'a ʋ tɩ cen Zafa tẽw tɩ nyɛ̃ gbor na cɔbrɩ Tarsisɩ cenu baarɩ a. Ʋ tɩ ya n a ʋ zɩma zie, ɛ́ kpɛ a gbor lãwnɩ a gbor-duwrbɛ k'ʋʋ cen a Tarsisɩ, zãá nɩ a Sore.

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Mise 6:4

Ɩ̃ na tɛr nyɩ yi n a Eziptɩ tẽw a n'a bɩɩ? Ɩ̃ na faa nyɩ a gbãgbaalʋ pʋɔ a n'a so bɩɩ? Bɩɩ ɩ̃ na ƴãw a Moyiir, a Aarɔ̃ nɩ Miriyam de nyɩ niwn a n'a so o?

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

1 Zã 1:10

Tɩmɛ wa yel kɛ́ tɩ bɛ ɩ yel-bebe dem a, Naaŋmɩn n'ʋ tɩ bʋɔlɛ zir-ŋmarɛ, ɛ́ a ʋ ƴɛ̀rʋ bɛ be a tɩ zie ɩ.

Yel-wula 8:13

Ɩ̃ tɩ nyɛ̃ na ɛ́ wõ sɩla na laarɛ a saa-zu za a, ʋ yere kpɛ̃w kpɛ̃w za: «Zu-bio! Zu-bio! Zu-bio n'a a tẽw zu dem ƴãw, a lɛn daar a malkɩ mɩnɛ ata na cɛ a nãà wa pɛblɩ a bɛ wɩɩr a!»