A naaŋmɩn-ƴèr-manɛ Oze sɛbɛ 7:11 - A SƐB-SÕW

¹¹ A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

A naaŋmɩn-ƴèr-manɛ Oze sɛbɛ 7:11 ပူးပေါင်းရင်းမြစ်များ

2 Na-mɩnɛ 15:19

A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.

2 Na-mɩnɛ 16:7

A Akaazɩ tɩ tõ na bɛ tɩ yel a Asiiri tẽw nãà, Tɩgɩlatɩ-Pilesɛɛr, à ŋá: «Ɩ̃ ɩ n a fʋ tõ-tõ-bie nɩ a fʋ bie. Wa faa mɛ̃ a Siiri tẽw nãà nɩ a Ɩsɩrayɛl tẽw nãà, na ìr a ɩ̃ ƴãw a, nuru pʋɔ.»

Zʋkpaɩ 15:32

Nɩr na zawrɛ a wulu bɛrɛ a ɩrɛ nɩ ʋ tʋɔra laar, ɛcɛ nɩr na sàwr a wulu a zanɛ nɩ a yã tɛrʋ.

Zʋkpaɩ 17:16

A libie yel-ɩra n'ɩ bo a dãbol sob nũú? K'ʋʋ tʋ̃ɔ́ páw nɩ yã-bãwfʋ bɩɩ? Ʋ gem'a zuo a al ƴãw!

Zʋkpaɩ 6:32

Nɩr na gã nɩ pɔw-tɛr-sɩr a bɛ tɛr yã ɩ. Ʋ na ɩrɛ à à ŋá a, a ʋl mɩŋa nyɔ-vʋʋrʋ n'ʋ ʋ sãwnɛ.

Zeremi 2:18

Ɛ́ ƴɛrɛŋa a, bʋnʋ ƴãw n'a fʋ na cen a Eziptɩ tẽw kɛ́ fʋ tɩ nyũ a Nɩl kʋ̃ɔ? Bʋnʋ ƴãw n'a fʋ na cen a Asiiri tẽw kɛ́ fʋ tɩ nyũ a Efaratɩ kʋ̃ɔ?

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

A naaŋmɩn-ƴèr-manɛ Oze sɛbɛ 11:11

Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

A naaŋmɩn-ƴèr-manɛ Oze sɛbɛ 12:2

Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 4:11

A divɛ̃ tɩɩr wɔmɛ na na maalɩ vla a tɩɛrʋ ɩ na a ɩ̃ nɩ-bʋʋrɛ bɛ bãw yã ɩ.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 5:13

A Efarayim nyɛ̃ nɩ a ʋ bàalʋ, ɛ́ a Zuda nyɛ̃ a ʋ gbõtor. Efarayim cen nɩ a Asuur zie, ʋ tõ n nɩbɛ a na-kpɛ̃ɛ zie. Ɛcɛ, a nãà ŋa kʋ̃ tʋ̃ɔ́ sanɩ nyɩ ɛ, ʋ kʋ̃ tʋ̃ɔ́ ɩ a nyɩ gbõtor ɓãá ɩ, Efarayim yir dem i!

A naaŋmɩn-ƴèr-manɛ Oze sɛbɛ 5:4

A Ɩsɩrayɛl nɩbɛ ɩ-ɩrɩ kʋ̃ sàw bɛ lɛb wa a bɛ Naaŋmɩn zie ɩ. Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie, ɛ́ bɛ bɛ bãw a Sore ɩ.

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

A naaŋmɩn-ƴèr-manɛ Oze sɛbɛ 9:3

Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Abɩdɩasɩ 1:7

Bɛ diw nyɩ na bɛr a nyɩ tẽw pʋɔ, a bɛlɩ dem za nɩ nyɩɩm na maalɩ a wõ-taa a, bɛ mɩlɛ nyɩ na. A nyɩ bárɩ so nyɩ na, a bɛl nɩ nyɩɩm na tɩ lãw dɩrɛ a ƴãwnɛ nɩ bɛrɩ a nyɩ tɔlʋ zie. A nɩbɛ yere nɩ a nyɩ ƴãw: “Bɛ bɛ cãà bãw yã ɩ!”

Matie 10:16

«A mãa a, ɩ̃ tone nyɩ na mɛ̃ píir wɛ-baar sɔgɔ a. A na ɩ lɛ a, nyɩ cɩ mɛ̃ wɩɩr a, ɛ́ ɩ pɔwlbɛ mɛ̃ naŋmamɛ a.