A naaŋmɩn-ƴèr-manɛ Oze sɛbɛ 7:1 - A SƐB-SÕW

¹ A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

A naaŋmɩn-ƴèr-manɛ Oze sɛbɛ 7:1 ပူးပေါင်းရင်းမြစ်များ

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 59:12

Sɩza n'a, Sore e, tɩ zawr'ɩ a fʋ nʋɔr gb'aa yaga. A tɩ yel-bebe wule na tɩ na sãw a. Tɩ tɛr'ɩ a tɩ gaarʋ ɩ-ɩrɩ tɩɛrʋ kʋralɛ, tɩ bãw nɩ a tɩ sãwna za vla.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 59:14

Alɛ n'a so a ɩb na ɩrɛ tu sɔ́r a síwre, a mɩnʋ zãá nɩ tɩ na. A nɩ-yaga tuor-taa zie a, a yel-mɩŋa ŋmɛ n gbɛ́r lo, ɛ́ a yel-mɩnʋ bɛ cãà tarɛ a be ɩ.

Zeremi 51:9

«Tɩ yel kɛ́ tɩ sanɩ a Babɩlɔn, ɛcɛ ʋ bɛ tɛr sanʋ ɛ. Nyɩ ɩ tɩ bɛr ʋ, ɛ́ ŋa za mɩ́ kul a ʋ tẽw! Bʋ̃ʋ n'ʋ vɛ̃, a ʋ dɔwrʋ do na tɩ tɔ a salom, ʋ do na tɩ tɔ a zũzuwe.

Ezekɩɛl 16:46

A fʋ yɛ-kpɛ̃ɛ n'ɩ Samaari na be a saa-pɛrɩ́-gʋba-lowr a nɩ a ʋ tẽ-kpɔwlɩ. A fʋ yɛ-bile n'ɩ Sodɔm na be a saa-pɛrɩ́-dʋrʋ-lowr a nɩ a ʋ tẽ-kpɔwlɩ.

Ezekɩɛl 23:4

A yeepuul-kpɛ̃ɛ yúor tɩ dɩ na kɛ́ Ohola, ɛ́ a bile yúor dɩ kɛ́ Oholiba. A dãw-niwn sob a, Samaari n'ʋ, ɛ́ a bile ɩ Zerizalɛm. Ɩ̃ tɩ kul'ɩ bɛ za ayi, ɛ̀ bɛ dɔw dɛbli nɩ powli kʋ̀ m.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

A naaŋmɩn-ƴèr-manɛ Oze sɛbɛ 12:2

Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

A naaŋmɩn-ƴèr-manɛ Oze sɛbɛ 4:17

A Efarayim nɩbɛ nɩ tɩbɛ n'a lãwnɛ, nyɩ bɛr bɛ!

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

A naaŋmɩn-ƴèr-manɛ Oze sɛbɛ 5:1

«A Nyɩɩm bàwr-maalbɛ, nyɩ bɛr wõ a yel ŋa! Ɩsɩrayɛl yir niw-dierbɛ ɛ, nyɩ cɛlɛ be! Nãà yir nɩbɛ ɛ, nyɩ ƴãw tobr! Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ. Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa tẽw, nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw, a Tabɔɔr tãw zu a.

A naaŋmɩn-ƴèr-manɛ Oze sɛbɛ 6:4

Ɛcɛ a Sore sɔwr nyɩ na: «Ɩ̃ ɩ fʋ ŋmɩn, Efarayim i? Ɩ̃ ɩ fʋ ŋmɩn, Zuda a? A nɔ̃wfʋ nyɩ na tɛr a ɩ̃ ƴãw a ɩ na mɛ̃ biɓaara ulu a, mɛ̃ biɓaara ɓɩɛlʋ na mɩ́ zor fɔ̃wlɛ a.

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

A naaŋmɩn-ƴèr-manɛ Oze sɛbɛ 8:5

Samaari tẽw dem i, a nyɩ nadele ɩrɛ mɛ̃ nɩ kɔkɔrʋ. Nyɩ ɩ na a ɩ̃ suur ìr. Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?

A naaŋmɩn-ƴèr-manɛ Oze sɛbɛ 8:9

Ʋ nyɛ̃ nɩ ʋ tʋɔra cen Asiiri. Bõw-gaara mɩ́ so nɩ ʋ tʋɔra, ɛcɛ a Efarayim nɩbɛ dàar'ɩ sɛnbɛ.

Amɔsɩ 3:10

A Sore yere na: «A Samaari tẽw dem bɛ bãw bʋ̃ʋ n'ɩ a yel na tori a ɩ. Bɛ gbone nɩ a bɛ yir-vɩɛlɩ pʋɔ a bome nɛ a bɛ po-to-fãw-ɩb nɩ a bɛ nyãnyuwlu na ɩrɛ bɛ páwr a.»

Amɔsɩ 3:9

Nyɩ do a Asɩdɔdɩ tẽw yir-vɩɛlɩ garɛ zu, nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel: «Nyɩ ɓã taa a Samaari tan zu, ɛ́ nyɛ̃ yel-fa-bʋʋrɛ nɛ na be a ʋ pʋɔ a, ɛ́ nyɛ̃ lɛ nɩbɛ na dɔwrɛ taa a be a!»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Mise 6:16

Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Luka 19:42

Ʋ tɩ yere na: «A fʋ̃ʋ mɩ̀ a, fʋ̃ʋ tɩ ɩ mɛ̃ fʋ bãw nɩ a dɩ̃a bibir a lɛ fʋ na na ɩ páw a ƴã-ɓaarʋ a! Ɛcɛ we! A yel ŋa sɔwl'ɩ a fʋ zie, fʋ kʋ̃ tʋ̃ɔ́ nyɛ̃ ʋ ɛ.