A naaŋmɩn-ƴèr-manɛ Oze sɛbɛ 6:7 - A SƐB-SÕW

⁷ «Ɛcɛ nyɩɩm a, nyɩ sãw nɩ a wõ-taa bɛr a Adam tẽ-kpɛ̃ɛ́. Be n'a nyɩ zawrɩ mɛ̃ bɛr.

A naaŋmɩn-ƴèr-manɛ Oze sɛbɛ 6:7 ပူးပေါင်းရင်းမြစ်များ

Yele-za-pɛr-tib 3:11

A Sore Naaŋmɩn tɩ sowr'ʋ na: «Ãa n'ʋ yel kʋ̀ b kɛ́ fʋ ɩ n baw-zawla? Fʋ dɩ n a tɩ-wɔm ɩ̃ na diw fʋ bɛr kɛ́ fʋ taa dɩrɛ a bɩɩ?»

Yele-za-pɛr-tib 3:6

A pɔw tɩ nyɛ̃ nɩ a tɩ-wɔmɛ a vɩɛl a jɩ́rʋ ɩrɛ nʋ̃ɔ̀, ɛ́ a sɛw k'aa nʋmɛ, ɛ́ a dɩb ɩrɛ vʋla yel-yaga bãwfʋ ƴãw. Ʋ tɩ pɔr'ɩ a wɔm kãw dɩ. Al pùorí ʋ kʋ̀ ʋ a ʋ sɩr na tɩ be a ʋ zie a ʋ mɩ̀ dɩ.

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

A Zɔb sɛbɛ 31:33

Ɩ̃ sɔwl'ɩ a ɩ̃ ɩ-faar mɛ̃ a nɩ-yaga a bɩɩ? Ɩ̃ sɔwl'ɩ a ɩ̃ sãwna tɛr a ɩ̃ púorí bɩɩ?

Ɩzayi 24:16

Tɩ wone yielu ŋa na yire a tẽw baarʋ zie a: «A Naaŋmɩn na ɩ mɩŋa sob a so yúor-vɩɛlʋ-danʋ!» Ɛcɛ mãa yere na: «Ɩ̃ wɛ na, ɩ̃ wɛ na! Baw-bio páw mɛ̃ na!» A mɩlmɩlbɛ mɩl'a. Mɩlʋ wɛ! A mɩlmɩlbɛ mɩlɛ na.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 48:8

Nyɩ bɛ bɛr wõ ɩ, nyɩ bɛ bãw bom ɛ, koro za n'a nyɩ bɛ cɛlɛ be ɩ. Ɩ̃ bãw nyɩ na nyɩ ɩ mɩlmɩlbɛ, ɛ́ bɛ bʋɔlɛ nyɩ “nɩbɛ na gaarɩ a bɛ dɔwfʋ daar za a”

Zeremi 3:7

Ɩ̃ tɩ tɩɛr'ɩ ɩ̃ pʋɔ à ŋá: “À á ŋá za pùorí a, ʋ na lɛb'a wa a ɩ̃ zie.” Ɛcɛ a ʋ yɛb, a Zuda na bɛ tu a Sore a, nyɛ̃ a na.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Zeremi 34:18

A Zuda nɩ a Zerizalɛm tẽw nɩ-bɛrɛ, a tõ-tõ-bi-bɛrɛ, a bàwr-maalbɛ nɩ a tẽw nɩbɛ za na so bɛ tʋɔra a, tɩ maal'ɩ mɛ̃ nɩ wõ-taa. Bɛ tɩ vár'ɩ a bàwr nadele ziir ayi, ɛ́ tɩ tɔl a dʋ̃w na vár a ziir ayi a cara pʋɔ. Ɛcɛ a nɩbɛ bɛ ŋa bɛ tu a wõ-taa ŋa ɩ, bɛ bɛ tu a lɛ bɛ na yel a ɩ. A lɛ pʋɔ a, ɩ̃ na ɩ bɛ na mɛ̃ a nadele bɛ na vár a ziir ayi a.

Zeremi 5:11

Sɩza n'a, a Ɩsɩrayɛl naalʋ-tẽw nɩ a Zuda naalʋ-tẽw za bɛ tu m ɛ. À à ŋá n'a a Sore yere.

Zeremi 9:6

A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?

A naaŋmɩn-ƴèr-manɛ Oze sɛbɛ 5:7

Bɛ na dɔw zɩ̃-yir-biir a, bɛ zawr'ɩ a Sore bɛr. Ƴɛrɛŋa a, a cuw-paala na kʋ bɛ na pàw pɛr bɛlɛ nɩ a bɛ bʋ̃-tɛrɩ.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

Ʋrɔm 5:14

Ɛcɛ a Adama daar tɩ ta n a Moyiir daar a, a kũu dɩ n naalʋ a nɩbɛ za zu, tɩ lãwnɩ a bɛlɩ dem na bɛ maalɩ a nʋɔr zawrʋ yel-bier mɛ̃ a Adama a. A Adama tɩ n'ɩ a sob nɛ na na wa a pùorí a ŋmɛ̃-ta-tɔ.

Wulu-ayi-sob 31:20

Bʋ̃ʋ n'ʋ vɛ̃, ɩ̃ na tɛr'ɩ a nɩbɛ bɛ ŋa cen nɩ tẽw bʋ̀rʋ nɩ sɩwr na gbɔlɛ a, a tẽw ɩ̃ na pɔ yel a bɛ sãàkʋm-kore k'ɩ̃ɩ na kʋ̀ bɛ na a. Bɛ na mɩ́ nyɛ̃ a na dɩ tɩ sɛw, bɛ na 'wɔr'ɩ bɛ za. Al pùorí, bɛ na lɩɛb'a tu ŋmɩn-yoru, maalɛ a, bɛ kʋ̃ bʋɔlɛ mɛ̃ nɩr ɛ, bɛ na sãw nɩ a ɩ̃ wõ-taa bɛr.

Ebre 8:9

Ʋ kʋ̃ ɩ mɛ̃ a ʋl ɩ̃ na tɩ maal'ɩ a bɛ sãàkʋm-kore a ʋlɩ bibir ɩ̃ na tɩ nyɔw bɛ nũú tɛr yi n a Eziptɩ tẽw pʋɔ a ɩ. Bɛ bɛ tɩ tɛr a ɩ̃ wõ-taa ŋa ɩ, lɛ so ɩ̃ mɩ̀ tɩɛ bɛ bɛr, a Sore n'ʋ yel.