A naaŋmɩn-ƴèr-manɛ Oze sɛbɛ 6:5 - A SƐB-SÕW

⁵ Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

A naaŋmɩn-ƴèr-manɛ Oze sɛbɛ 6:5 ပူးပေါင်းရင်းမြစ်များ

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

1 Na-mɩnɛ 14:6

A Ahiya na dɛ wa wõ a ʋ gbɛcile, ʋ na ta a dɩ̃dɔr nʋɔr a, ʋ yel'a: «Zerobowam pɔw i, kpɛ! Bʋ̃ʋ n'ʋ so fʋ bɔbr kɛ́ fʋ ɩ mɛ̃ nɩ-yũo nɛ b a? Ɩ̃ tɛr'ɩ ƴɛ̀rʋ na kpɛmɛ a na ƴɛ̀r kʋ̀ b.

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 18:17

ʋʋ na wa nyɛrɛ ʋ wa báarɛ a, ʋ yel ʋ na: «Fʋ̃ʋ n'ɩ ŋan i, fʋ̃ʋ na n'ʋ so a Ɩsɩrayɛl nɩbɛ wʋ̀ʋr a?»

1 Na-mɩnɛ 19:17

Bɛlɩ dem za a Hazayɛl nãà bɛ wa páw kʋ a, Yehu na kʋ bɛ na, ɛ́ bɛlɩ dem za a Yehu nãà bɛ wa páw kʋ a, Elize na kʋ bɛ na.

2 Na-mɩnɛ 1:16

tɩ yel ʋ: «À ŋá n'a a Sore yere: “Fʋ tõ n nɩbɛ kɛ́ bɛ tɩ sowri a Ekiron tẽw ŋmɩn Baal-Zebub. Naaŋmɩn bɛ be a Ɩsɩrayɛl tẽw bɛ na tʋ̃ɔ́ sowri ɛ? A na ɩ à ŋá a, fʋ bɛ ìre a gado zu fʋ na gã a ɩ, fʋ na kpi na, bʋnʋ bɛ ka be ɩ!”»

2 Bibie za yel-manɩ 21:12

Bibir kãw, ʋ tɩ páw nɩ a naaŋmɩn-ƴɛ̀r-manɛ Eli sɛb-tʋɔla kãw na tɩ sɛb à ŋá a: «À ŋá n'a a Sore, a fʋ sãà Daviir Naaŋmɩn yere: Fʋ na bɛ cɔwrɩ a fʋ sãà Zozafatɩ nɩ a Zuda nãà Asa,

A Zɔb sɛbɛ 15:30

Ʋ kʋ̃ nɩɩrɩ a kũu lige bɛr ɛ. Ʋ na lɩɛb'ɩ tɩɛ vũu na dɩ a wuli a! A Naaŋmɩn pɩɛlʋ na ɓáw ʋ na cen nɩ zi-zãána.

A Zɔb sɛbɛ 34:10

A na ɩ à ŋá a, nyɩɩm yã-bãwnbɛ, nyɩ bɛrɛ wone mɛ̃: A Naaŋmɩn kʋ̃ tʋ̃ɔ́ maalɩ yel-faa towtow ɛ, a Kpɛnʋ-za-sob kʋ̃ tʋ̃ɔ́ ɩ ɩb na bɛ tu sɔ́r a ɩ!

Sɛb-sõw yielu 119:120

Fʋ ɩrɛ mɛ̃ nɩ dɛ̃bɩ̃ɛ, ƴãw a ɩ̃ ƴã-gan za ʋ màwr, a lɛ fʋ na dɩ a ƴɛ̀rʋ yel a mɩ̀ ɩrɛ mɛ̃ nɩ dɛ̃bɩ̃ɛ.

Sɛb-sõw yielu 37:6

Ʋ na ɩ na a fʋ mɩnʋ sãá mɛ̃ zi-wɛl-paala cãà a, ɛ́ a fʋ yel-mɩŋa ɩ mɛ̃ mʋ̃tɔ̃-tuo a.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

Zeremi 1:18

A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

Zeremi 13:13

fʋ̃ʋ yel bɛ a lɛn daar: “À ŋá n'a a Sore yere: A nɩbɛ za na kpɩɛr a tẽw ŋa pʋɔ a, a na-mɩnɛ za na zɩnɛ a Daviir naalʋ-dà-kɔw zu, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za na kpɩɛr a Zerizalɛm a, ɩ̃ na ɩ na bɛ kuoli kuolu mɩŋa.

Zeremi 23:29

A ɩ̃ ƴɛ̀rʋ bɛ ɩ mɛ̃ vũu a ɩ? A bɛ ɩ mɛ̃ 'hama na mɩ́ ŋmɛ pìir wɛl a ɩ?»

Zeremi 5:14

A na ɩ à ŋá a, à ŋá n'a a Sore, a Naaŋmɩn kpɛnʋ-za-sob, yere: «Bɛ na faa ƴɛ̀rɛ à ŋá a, Zeremi i, a ƴɛ̀rʋ ɩ̃ na ƴãwnɛ a fʋ nʋɔrɩ́ a na ɩ na mɛ̃ vũu a. A nɩbɛ bɛ ŋa na ɩ na mɛ̃ dàar a vũu na na dɩ a.»

Ezekɩɛl 11:4

A na ɩ à ŋá a, fʋ̃ʋ nɩsaal bie e, ƴɛ̀r wo bɛ, mɛ̃ naaŋmɩn-ƴɛ̀r-manɛ a.»

Ezekɩɛl 3:9

Ɩ̃ na ɩ na fʋ kpɛmɛ mɛ̃ kʋsɛ-bi-nyɩla bɛ na bʋɔlɛ dɩamã a, fʋ kpɛmɛ zuo pìir. A na ɩ lɛ a, ta zɔrɛ bɛ ɩ, ɛ́ ta màwr a bɛ niŋé ɩ, bʋ̃ʋ n'ʋ vɛ̃, bɛ ɩ n nɩ-gaarɩ bʋʋrɛ.»

Ezekɩɛl 32:18

«A fʋ̃ʋ nɩsaal bie, ŋmãa lãw-mʋɔlɛ a Eziptɩ tẽw nɩbɛ ƴãw. A fʋ lãw-mʋɔlɛ, ʋ cã bɛ lãwnɩ a nɩ-bʋʋr-kpɛn bɛl na cɛ a lɔb a kpɩmɛ tẽw, a be a kũuni na siwr a.

Ezekɩɛl 43:3

A bom nɛ ɩ̃ na tɩ nyɛ̃ a ŋmɛ̃ na taa nɩ a ʋl ɩ̃ na tɩ nyɛ̃ a dãwdãw, a lɛn daar a Sore na tɩ wa wa sãw a Zerizalɛm bɛr a, nɩ a lɛn daar ɩ̃ na tɩ be a Kebaar man nʋɔr a. Lɛ n'a ɩ̃ tɩ lo vɔblɩ muru.

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Nɩ-toni 7:31

A Moyiir na tɩ nyɛ̃ a yel ŋa a, a tɩ ɓãá ʋ nɩ nʋɔr ʋ tawr pɩɛlɛ k'ʋʋ maal jɩ́r kaa. Lɛ n'a ʋ tɩ wõ kɔkɔr ʋ yere:

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Efɛɛzɩ 6:17

Nyɩ sàw de a faafʋ mɛ̃ kpawɔ-kpow nyɩ na vɔblɩ a, ɛ́ tɛr a Vʋʋrʋ Sõw zɛbr-sɔ-kpɛ̃ɛ, a pɛr lɛ kɛ́ a Naaŋmɩn ƴɛ̀rʋ.

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.

Yel-wula 1:16

Ŋmar-bie ayopõi tɩ be n a ʋ dʋrʋ nũú, ɛ́ zɛbr-sɔ-kpɛ̃ɛ na dɩrɛ a loge a za ayi ɛ́ a nʋɔr ɩ ɓɩlɓɩl a yire a ʋ nʋɔrɩ́. A ʋ niwn tɩ nyɩwrɛ na mɛ̃ mʋ̃tɔ̃w na pur ʋ za a.

Yel-wula 2:16

A na ɩ à ŋá a, lɩɛbɩ a fʋ ɩb. Alɛ bɛ ɩ lɛ a, ɩ̃ kʋ̃ yaa kɛ́ wa a fʋ zie ɩ, ɩ̃ɩ na zɛb'ɩ nɩ a nɩbɛ bɛl nɩ a zɛbr-sɔ-kpɛ̃ɛ na be a ɩ̃ nʋɔrɩ́ a.

Yel-wula 9:15

Bɛ tɩ cɛ̀r'ɩ a malkɩ mɩnɛ anaar bɛr na tɩ cɔbrɩ gù a tɛm, a bibir, a cuw nɩ a yũon bɛ na na kʋ a nɩsaalbɛ na põ ziir ata a zi-been dem a.

Yel-wula 9:21

Bɛ mɩ̀ bɛ tɩ bɛr a bɛ nɩ-kʋ, a bɛ tɩtɩblʋ, a bɛ pɩ̃ɔ ɩ-ɩrɩ nɩ a bɛ nyãnyuwlu ɛ.

1 Samɩɛl 13:13

A Samɩɛl tɩ yel'ɩ a Sawul: «Dãbol tome n'a fʋ tõ! Fʋ bɛ sàw a Sore fʋ Naaŋmɩn nʋɔr ɛ, a ʋl ʋ na tɩ ƴãw kʋ̀ b kɛ́ fʋ tuur a. Fʋ̃ʋ tɩ sàw tu ʋ a, a Sore nãà ɩ na a fʋ yir dem dɩrɛ naalʋ kʋralɛ a Ɩsɩrayɛl zu.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.

1 Samɩɛl 15:32

Al pùorí, a Samɩɛl tɩ yel'a: «Nyɩ tɛr a Amalɛkɩ tẽw nãà, Agagɩ, wa kʋ̀ m.» A Agagɩ tɩ wa n a ʋ zie ɛ́ bɛr tɩɛrʋ, bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ: «Bʋnʋ bɛ ka be ɩ, a kũu zɔ na zãá nɩ mɛ̃.»

1 Samɩɛl 15:33

Ɛcɛ a Samɩɛl tɩ yel ʋ na: «Mɛ̃ a lɛ a fʋ zɛbr-sɔ-kpɛ̃ɛ na ɩ pɔwbɛ bɛ bɛ lɛb nyɛ̃ a bɛ bibiir a, lɛ mɩ̀ n'a, a pɔwbɛ za pʋɔ a, a fʋ mã, ʋ mɩ̀ ta lɛb nyɛ̃ a ʋ bie ɩ.» A Samɩɛl tɩ yel'ɩ à ŋá baarɩ, ɛ́ cɔ̀r a Agagɩ kʋ a Sore niŋé a Gilgal.