A naaŋmɩn-ƴèr-manɛ Oze sɛbɛ 5:6 - A SƐB-SÕW

⁶ Bɛ waar'ɩ nɩ píir nɩ nĩi kɛ́ bɛ wa bɔ n a Sore, ɛ́ bɛ kʋ̃ nyɛ̃ ʋ ɛ, bʋ̃ʋ n'ʋ vɛ̃, ʋ taw na zãá nɩ bɛ.

A naaŋmɩn-ƴèr-manɛ Oze sɛbɛ 5:6 ပူးပေါင်းရင်းမြစ်များ

Eziptɩ tẽw yib 10:9

A Moyiir yel: «Tɩ za nɛbɛ na cen, pɔlbili nɩ dɛb-nyamɛ, dɛbr nɩ pɔwbɛ, de nɩ a tɩ píir, a tɩ bʋʋr nɩ a tɩ nĩi. Bʋ̃ʋ n'ʋ vɛ̃, cuw n'ʋ a fɛr kɛ́ tɩ maalɩ a Sore ƴãw.»

Zʋkpaɩ 1:28

Lɛ n'a nyɩ na bʋɔlɛ mɛ̃ ɩ̃ɩ kʋ̃ sɔw nyɩ ɛ, nyɩ na bɔbr mɛ̃ ɛ́ kʋ̃ nyɛ̃ m ɛ.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

A Yielu za pʋɔ yiel-vla vla 5:6

Ɩ̃ yuore nɩ a ɩ̃ nɩ-nɔna a pan, ɛcɛ ʋ lɛb'a tɔl cen. Ɩ̃ yire nɩ a ʋ diw-bɩɛrʋ, ɩ̃ bɔbr ʋ na ɛ́ bɛ nyɛrɛ ʋ ɛ, ɩ̃ bʋɔl'ʋ na, ʋ́ʋ̀ bɛ sàw ɛ.

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 11:14

Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 7:4

Nyɩ ta sàw bɛ̀lɛ nyɩ tʋɔra nɩ a ƴɛ̀rʋ á ŋá ɩ: “A ka n'ɩ a Sore yir! A Sore yir! A Sore yir a, a ka n'a.”

A Lãw-mʋɔlɛ 3:44

Fʋ sɔwlɩ nɩ zũzuwr pʋɔ, k'aa tɩ puoru ta ta b ɛ.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Ezekɩɛl 8:6

Ʋ tɩ yel'a ƴãw pʋɔ: «A fʋ̃ʋ nɩsaal bie, fʋ nyɛ̃ nɩ a lɛ bɛ na ɩrɛ a a? A ka a, a Ɩsɩrayɛl nɩbɛ ɩrɛ nɩ ɩb na bɛ maal'ɩ wob a, kɛ́ bɛ tʋ̃ɔ́ ɩ k'ɩ̃ taw zãá nɩ a ɩ̃ zi-sõw. Fʋ na cãà na nyɛ̃ yele a mɩnɛ mɩ̀ na bɛ maal'ɩ wob a.»

A naaŋmɩn-ƴèr-manɛ Oze sɛbɛ 8:13

Nɛnɛ n'a bɛ kʋrɛ 'wɔbr ɛ́ yel kɛ́ bàwr'a bɛ maalɛ. A bɛ pɛlɛ a mãa Sore pʋɔ towtow ɛ, ɩ̃ bɛ yiire a bɛ sãwna bɛrɛ ɩ, ɩ̃ sɔrɛ nɩ a bɛ yel-bebe. Bɛ na lɛb'a cen a Eziptɩ tẽw.

Amɔsɩ 8:12

A nɩbɛ na mɩ́ yi n a saa-pɛrɩ́-dʋrʋ-lowr ɛ́ tɩ sãá a mʋ̃tɔ̃w-kpɛb-lowr, bɛ na mɩ́ yi n a saa-pɛrɩ́-gʋba-lowr ɛ́ bɔr tɩ ta a saa-pɛrɩ́ bɔbr a Sore ƴɛ̀rʋ bɛr-wob, ɛ́ bɛ kʋ̃ páw ʋ wõ ɩ.

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

Malasɩ 1:10

Bʋ̃ʋ pãa ɩ, a nyɩ kãw kʋ̃ tʋ̃ɔ́ nyɔw a ɩ̃ yir-kpɛ̃ɛ pamɛ pàw, kɛ̀ nyɩ ta gbɔwr vũu a ɩ̃ bàwr-maal-kuur zu zawlalɛ a? Bʋ̃ʋ n'ʋ vɛ̃, a ɩ̃ pʋɔ bɛ pɛlɩ a nyɩ ƴãw ɛ, kʋraa! Ɛ́ a nyɩ de-kʋ̀b bome nyɩ na ture cɔwr mɛ̃ a, bɛ nʋmɛ a ɩ̃ zie ɩ, mãa n'ʋ yere kʋ̀rɛ nyɩ, mãa, a Sore Kpɛnʋ-za-sob.

Luka 5:16

Ɛcɛ a Yeezu mɩ́ tɩ taw na yi ʋ yõ zie a wɛjarɩ pʋɔ tɩ puore.

Zã 7:34

Nyɩ na bɔ m'a, ɛ́ nyɩ kʋ̃ nyɛ̃ m ɛ, bʋ̃ʋ n'ʋ vɛ̃, a be ɩ̃ na be a, nyɩ kʋ̃ tʋ̃ɔ́ wa a be ɩ.»