A naaŋmɩn-ƴèr-manɛ Oze sɛbɛ 4:6 - A SƐB-SÕW

⁶ A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 4:6 ပူးပေါင်းရင်းမြစ်များ

2 Bibie za yel-manɩ 15:3

A daar bɛ gbʋ́r ɛ, a Ɩsɩrayɛl nɩbɛ na bɛ tɛr a Naaŋmɩn-sɩza a ɩ, bɛ tɛr bàwr-maalbɛ bɛ na wul bɛ ɩ, bɛ tɛr a Wulu ɛ.

A Zɔb sɛbɛ 36:12

Ɛcɛ bɛlɛ bɛ wa bɛrɛ wone a, kafin n'ʋ na kʋ bɛ, bɛ na kpi na ɛ́ bɛ bãwnɩ a ɩ.

Sɛb-sõw yielu 119:139

A nɔ̃wfʋ ɩ̃ na nɔnɛ fʋ a dɩrɛ mɛ̃ na mɛ̃ vũu a, a ɩ̃ dɔ̃ dem na yiire a fʋ ƴɛ̀rʋ bɛrɛ a ƴãw.

Sɛb-sõw yielu 119:153

Nyɛ̃ a ɩ̃ wʋ̀ʋr ɛ́ faa mɛ̃, bʋ̃ʋ n'ʋ vɛ̃, ɩ̃ bɛ yiiri a fʋ wulu bɛr ɛ.

Sɛb-sõw yielu 119:61

A nɩ-faar bɛrɩ jil'a koli mɛ̃, ɛcɛ ɩ̃ bɛ yiiri a fʋ wulu bɛr ɛ.

Sɛb-sõw yielu 18:27

Fʋ vɩɛl'ɩ parpar, nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Zʋkpaɩ 10:21

A nɩ-mɩŋa ƴɛ̀rʋ mɩ́ sõw nɩ nɩ-yaga, ɛcɛ a dãbole mɩ́ kpi na, bɛ na bɛ tɛr a yã a zũú.

Zʋkpaɩ 19:2

A bom bɛ bãwfʋ bɛ vɩɛl ɛ. A paw-fɔ̃w waar'ɩ nɩ sãwna maalʋ.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 29:12

Lɛ n'a bɛ de ʋ kʋ̀ nɩr na bɛ bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ bɛ bãw kanʋ ɛ.»

Ɩzayi 3:12

A Sore yere na: “Ɩ̃ nɩ-bʋʋrɛ ɛ, a bɛlɩ dem na dɔwrɛ nyɩ a, bibili nɛbɛ, ɛ́ pɔwbɛ nɛbɛ dɩrɛ a naalʋ a nyɩ zu. Ɩ̃ nɩ-bʋʋrɛ ɛ, a bɛlɩ dem na tɛr nyɩ cere nɩ a, tule nyɩ na, bɛ tuli nɩ a nyɩ sɔ́r.”

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 5:13

Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Ezekɩɛl 44:23

A bàwr-maalbɛ na zanɩ nɩ nɩ a ɩ̃ nɩ-bʋʋrɛ bɛ bãw a bom na ɩ sõw nɩ a bom na bɛ ɩ sõw a, a bom na vɩɛl nɩ a bom na tɛr dɛwr a.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 4:12

Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.

A naaŋmɩn-ƴèr-manɛ Oze sɛbɛ 4:14

Ɛcɛ ɩ̃ kʋ̃ dɔwrɩ a nyɩ pɔwyaar nɩ a nyɩ biir-pɔwbɛ a bɛ ɩ-ɩrɩ ƴãw ɛ. Bʋ̃ʋ n'ʋ vɛ̃, a bàwr-maalbɛ tɛɛ za mɩ́ tɛr'ɩ pɔw-yɛmɛ taw yi n pùor, bɛlɛ nɩ ŋmɩmɛ yir pɔw-yɛmɛ nɛbɛ lãwnɛ a bàwr bʋ̃-dɩrɩ. Mɛ̃ a lɛ a zʋkpar na yel a: “Nɩ-bʋʋrɛ na bɛ bãw yã a wɩɛrɩ bɛ loba zie.''

A naaŋmɩn-ƴèr-manɛ Oze sɛbɛ 5:4

A Ɩsɩrayɛl nɩbɛ ɩ-ɩrɩ kʋ̃ sàw bɛ lɛb wa a bɛ Naaŋmɩn zie ɩ. Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie, ɛ́ bɛ bɛ bãw a Sore ɩ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

A naaŋmɩn-ƴèr-manɛ Oze sɛbɛ 7:9

Nɩ-sãanbɛ báarɛ nɩ a ʋ fãw, ʋʋ bɛ bãwnɩ a ɩ. Ʋ bul'ɩ zukɔbr pɛlɛ baarɩ, ɛ́ cãà bɛ bãwnɩ a ɩ.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

A naaŋmɩn-ƴèr-manɛ Oze sɛbɛ 8:12

Mãa saa ɩ mɛ̃ ɩ̃ sɛb'ɩ a ɩ̃ nɛ-ƴãwnɩ tu-tu-túr kʋ̀ ʋ a, ʋ bɛ ŋmɛlɛ kaar a ɩ.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

A naaŋmɩn-ƴèr-manɛ Oze sɛbɛ 9:17

A ɩ̃ Naaŋmɩn na zawrɩ bɛ na bɛr, bɛ na bɛ bɛr wõ ʋ a ƴãw. Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.

Matie 1:6

Zese dɔw a nãà Daviir. A nãà Daviir tɩ páw nɩ a Uuri pɔw dɔw Salomɔ̃,

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Matie 15:8

“Nɛ́ɛ tɛwr'a a nɩbɛ bɛ ŋa ƴãwnɛ nɩ mɛ̃, ɛcɛ a bɛ pʋʋr zãá nɩ mɛ̃.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.