A naaŋmɩn-ƴèr-manɛ Oze sɛbɛ 4:18 - A SƐB-SÕW

¹⁸ Bɛlɛ wa nyũ tɩ kuoli a, nɩ-fa-ɩb'a cɛ, a bɛ nɩ-bɛrɛ nɔnɛ nɩ a vĩ yele.

A naaŋmɩn-ƴèr-manɛ Oze sɛbɛ 4:18 ပူးပေါင်းရင်းမြစ်များ

Yele-za-pɛr-tib 38:24

A tɩ maal'ɩ cuwr ata, ɛ́ bɛ wa yel a Zuda: «A fʋ bie-pɔw Tamaar tõ n pɔw-yɛm tome. Mɔ̃ mɩ̀, ʋlɛ n'ɩ ŋan tɛr pʋɔ a ʋ pɔw-yɛm tome pʋɔ.» A Zuda yel: «Bɛ nyɔw ʋ yi n tɩ ƴãw ʋ dɩ vũu a mimir!»

Sɛb-sõw yielu 47:9

A Naaŋmɩn dɩrɛ nɩ naalʋ a nɩ-bʋʋr-yoru zu, ʋ zɩ̃ n a ʋ naalʋ-dà-kɔw-sõw zu.

Eziptɩ tẽw yib 23:8

Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a bɛlɩ dem na nyɛrɛ a tɩ́ɛrʋ, ɛ́ mɩ́ ɩ a nɩ-vɩɛlɩ ƴɛ̀rʋ-dɩb a bɛ tori ɛ.»

Zeremi 2:21

Ɛcɛ, mãa a, ɩ̃ tɩ sɛl fʋ na mɛ̃ divɛ̃ tɩ-bʋʋrɛ na vɩɛl vɩɛl a, mɛ̃ tɩ-mɩŋa a. Ŋmɩŋmɩn n'a fʋ wa lɩɛbɩ divɛ̃ tɩ-yɛrɛ, a wɔmɛ na bɛ vɩɛl towtow a?

Ezekɩɛl 16:15

«Ɛcɛ, fʋ tɩ ɩrɛ na ƴãwn fʋ na pɔ̀l a ƴãw, Zerizalɛm i! Bɛ na tɩ bãw fʋ a ziir za a zũú a, fʋ tɩ tõ n pɔw-yɛm tome. Fʋ gã nɩ nɩ a dɛbr za na tɩ tɔlɛ a, bɛ tɩ so b'a.

A naaŋmɩn-ƴèr-manɛ Oze sɛbɛ 4:10

Bɛlɛ saa mɩ́ dɩrɛ sɛw ŋmɩn a, bɛ bɛ be za na tɩw ɛ. Bɛ na mɩ́ tu n a pɔw-yɛmɛ pùor, ɛ́ kʋ̃ dɔw yɛ̀r ɛ. Bʋ̃ʋ n'ʋ vɛ̃, bɛ bɛr'ɩ a mãa Sore ƴãwfʋ.

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

Amɔsɩ 5:12

Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

1 Samɩɛl 8:3

Ɛcɛ a ʋ bidɛbr bɛ tɩ tu ʋ ɛ. A libie tɩ bɛ̀lɩ na nyɔw bɛ, bɛ dier a bome a nɩbɛ na kʋ̀rɛ bɛ a, ɛ́ mɩ́ dɩ a ƴɛ̀rʋ a bɛ tori ɛ.