A naaŋmɩn-ƴèr-manɛ Oze sɛbɛ 4:15 - A SƐB-SÕW

¹⁵ «Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 4:15 ပူးပေါင်းရင်းမြစ်များ

2 Bibie za yel-manɩ 17:4

Ɛcɛ ʋ tɩ ƴãw nɩ fãw bɔbr a Sore, a ʋ sãà Naaŋmɩn, ɛ́ tuur a ʋ nɛ-ƴãwnɩ, ɛ́ bɛ cɔwrɛ a lɛ a saa-pɛrɩ́-gʋba-lowr naalʋ-tẽw nɩbɛ na tɩ ɩrɛ a ɩ.

2 Bibie za yel-manɩ 21:11

A Yoram tɔr za tɩ maal'ɩ maalʋ-ziir a Zuda tan zu, bɛlɩ nɩ a Zerizalɛm nɩ a Zuda nɩbɛ bɛ tuur ŋmɩn-bɛlɛbɛlɛ.

Ɩzayi 48:1

Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.

Zeremi 44:26

Ɛcɛ nyɩɩm za, Zuda tẽw dem na kpɩɛr a Eziptɩ tẽw a, nyɩ bɛr wõ vla a lɛ ɩ̃ na yere kʋ̀rɛ nyɩ a! A mãa Sore, ɩ̃ pɔrɛ nɩ nɩ a ɩ̃ yúor na ɩ kpɛ̃ɛ a: A Eziptɩ tẽw za pʋɔ a, Zuda tẽw nɩr kãw za kʋ̃ mɩ́ lɛb por a ɩ̃ yúor, ʋlɛ wa bɔbr k'ʋʋ kõ nʋɔr a lɛn daar a ɩ. Nɩr za kʋ̃ mɩ́ lɛb yel à ŋá ɩ: “Ɩ̃ pɔ n a Sore na vʋʋrɛ a yúor ƴãw...”

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Ezekɩɛl 20:39

À ŋá n'a a mãa Sore Naaŋmɩn yere kʋ̀rɛ nyɩ, Ɩsɩrayɛl nɩbɛ ɛ: A nyɩ kãw za na tʋ̃ɔ́ na cen tɩ maalɛ a ʋ ŋmɩn-bɛlɛbɛlɛ! Ɛcɛ a pùorí a, a na ɩ n fɛrʋ kɛ́ nyɩ sàwr mɛ̃. Nyɩ kʋ̃ lɛb ɩrɛ a ɩ̃ yo-sõw laar, kʋ̀rɛ nɩ bʋ̃-kʋ̀rɩ a nyɩ ŋmɩn-bɛlɛbɛlɛ ɩ.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 10:8

Bɛ sãw nɩ a bɛ maalʋ-ziir za bɛr. Alɛ tɩ n'ɩ a Ɩsɩrayɛl yel-bier. Karnyã nɩ gʋʋr na bul'a do a bàwr-maal-kube zu. Lɛ n'a bɛ na yel a tan: «Nyɩ pàw tɩ!», ɛ́ yel a tãli: «Nyɩ lo gùri pàw tɩ!»

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 12:12

A Galaadɩ tẽw dem tɩ ɩ n ɩ-fa-maalbɛ tɛɛ za, bɛ baar'ɩ bɛ za. A Gilgal'a bɛ tɩ kʋrɛ a nadeli, maalɛ nɩ bàwr bɛ tɛr bɛ́rʋ daar ɛ. Ɛcɛ a bɛ bàwr-maal-kube lɩɛb'ɩ kʋsɛ-gbawlɛ na gbõ taa gã a póru pʋɔ a.

A naaŋmɩn-ƴèr-manɛ Oze sɛbɛ 4:12

Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.

A naaŋmɩn-ƴèr-manɛ Oze sɛbɛ 5:8

«Nyɩ pɛblɩ ɩɩl a Givea, nyɩ pɛblɩ wɩ́ɛ a Arama, nyɩ lɔb cɛl a Bɛtɩ-Awɛn. Bɛ̃zamɛ yir dɔwlʋ ʋ, gùre pùorí yoo!

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Amɔsɩ 4:4

«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Amɔsɩ 6:10

A yir nɩr ʋl na na wobr a kũuni yire nɩ k'ʋʋ tɩ nyɩw bɛr a, na sowri a sob nɛ nãà be a dĩó a: «Nɩr za bɛ cãà be ɩ?» Ʋ na sɔw na: «Nɩr bɛ cãà be ɩ!» Ɛ́ yel ƴãw pʋɔ: «Ɩ gbili! A Sore yúor bʋɔlʋ daar bɛ n'a ɩ.»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Efɛɛzɩ 5:11

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Zozue 5:9

Al pùorí, a Sore tɩ yel'ɩ a Zozue à ŋá: «Dɩ̃a a, ɩ̃ ír'ɩ a Eziptɩ tẽw vĩ bɛr nyɩ.» Alɛ n'a so bɛ por a zie nɛ kɛ́ Gilgal, a yúor ŋa n'ʋ ʋ cãà tɛr wa tɔ a dɩ̃a.

Zozue 7:2

A Zozue tɩ be n a Zeriko ɛ́ tõ nɩbɛ Aɩ na be a Betɛl saa-pɛrɩ́, ɛ́ pɩɛlɩ a Bɛtɩ-Awɛn a. Ʋ tɩ yel bɛ na: «Nyɩ cen tɩ piwri a tẽw.» A nɩbɛ bɛl tɩ cen na tɩ piwri a Aɩ,