A naaŋmɩn-ƴèr-manɛ Oze sɛbɛ 4:12 - A SƐB-SÕW

¹² Dàar tɩɩb zie n'a a ɩ̃ nɩ-bʋʋrɛ sowre bʋ̃-sowri. Dakʋra n'ʋ wule bɛ bʋ̃-wuli! Pɔw-yɛm ɩ-ɩrɩ yã bɔrɛ nɩ bɛ na. A pɔw-yɛm ɩ-ɩrɩ zũú, bɛlɛ nɩ a bɛ Naaŋmɩn bʋ́r'ɩ taa.

A naaŋmɩn-ƴèr-manɛ Oze sɛbɛ 4:12 ပူးပေါင်းရင်းမြစ်များ

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.

2 Bibie za yel-manɩ 21:13

ɛ́ cɔwrɩ a Ɩsɩrayɛl na-mɩnɛ, bɛlɩ a Zerizalɛm nɩ a Zuda nɩbɛ ƴãw bɛ tu ŋmɩn-bɛlɛbɛlɛ mɛ̃ a lɛ a Akab yir dem na tu a ŋmɩn-bɛlɛbɛlɛ a, fʋ mɔ̃ mɩ̀ na kʋ a fʋ yɛbr, a fʋ sãà tɔr za yir nɩbɛ, bɛl na tɩ sa fʋ a,

Sɛb-sõw yielu 106:39

A bɛ ɩ-ɩrɩ tɩ ɩ na bɛ ɩ dɛwr dem, a bɛ tome tɩ ɩ n pɔw-yɛm tome.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 23:13

«A ʋlɩ bom ɩ̃ na tɩ nyɛ̃ a Samaari tẽw dem naaŋmɩn-ƴɛ̀r-manbɛ zie a tɩ dam mɛ̃ nɩ yaga za, a Sore n'ʋ yel. Bɛ tɩ ƴɛ̀rɛ nɩ a Báàl yúor ƴãw, bɛ tɩ ɩrɛ nɩ a ɩ̃ nɩ-bʋʋrɛ, a Ɩsɩrayɛl, ʋ bɔrɛ.

Ezekɩɛl 20:32

Nyɩ yel'a: Tɩ bɔbr'a kɛ́ tɩ ɩ mɛ̃ a nɩ-bʋʋr-yoru a, mɛ̃ a tẽ-yoru nɩbɛ a, tɩ bɔbr'a kɛ́ tɩ maalɛ tɩɩr nɩ kʋsɛbɛ. Ɛcɛ a lɛ nyɩ na tɩɛr'a kʋ̃ ɩ ɛ.

Ezekɩɛl 21:21

Wul kɛ́ fʋ dɩrɛ na, a dʋrʋ lowr, a gʋba lowr, zie nɛ za a na sɛw kɛ́ fʋ tori a!

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 5:4

A Ɩsɩrayɛl nɩbɛ ɩ-ɩrɩ kʋ̃ sàw bɛ lɛb wa a bɛ Naaŋmɩn zie ɩ. Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie, ɛ́ bɛ bɛ bãw a Sore ɩ.

A naaŋmɩn-ƴèr-manɛ Oze sɛbɛ 6:10

A Ɩsɩrayɛl yir pʋɔ a, ɩ̃ nyɛ̃ nɩ yele na bɛ maal'ɩ wob a: a Efarayim nɩ-fa-ɩb mar'ɩ a Ɩsɩrayɛl.»

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

Levitɩ mɩnɛ 17:7

À ŋá n'a a Ɩsɩrayɛl nɩbɛ kʋ̃ cãà maalɛ bagɛ kʋ̀rɛ a tɩbɛ na mɩ́ ŋmɛ̃ taa nɩ bʋrɩ a ɩ. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a na tuur.»

Levitɩ mɩnɛ 20:5

mãa mɩŋa na ìr'ɩ a nɩr ŋa nɩ a ʋ yir dem ƴãw. Ɩ̃ na ír bɛ na bɛr a Ɩsɩrayɛl nɩbɛ pʋɔ, ʋlɛ nɩ a bɛlɩ dem za na na lãw nɩ ʋ puori a Molɛkɩ, a ɩ tɩɩb'ʋ bɛ maalɩ a.»

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Habakukɩ 2:19

«Baw-bio páw nyɩ na! Nyɩ mɩ́ yel'ɩ dà-ŋmãa: “Ìr, ta gúre ɩ!” Ɛ́ yel kʋsɩɛr na gã bɛ ƴɛ̀rɛ a: “Ìr àr!” Ɛcɛ alɛ n'ɩ a ŋan kʋ̃ tʋ̃ɔ́ wul nyɩ bom za nyɩ bãw ɛ. Bɛ na saa nyɩl salm-zɩɛ nɩ salm-pla pàw a a, a bɛ vʋʋrɛ towtow ɛ.

Sɔr-nɛ́ɛ 15:39

A na ɩ lɛ a, nyɩ na suur'ɩ kparɩ na tɛr zʋɔrɛ a, ɛ́ nyɩmɛ mɩ́ wa nyɛ̃ a a, nyɩ na mɩ́ lɛb'a bãwnɩ a ɩ̃ nɛ-ƴãwnɩ ɛ́ tuur a. Lɛ n'a nyɩ kʋ̃ mɩ́ bɛr a nyɩ mimie nɩ a nyɩ socie tɛr nyɩ tu n a tɩbɛ pùor ɛ.

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Ƴɛ̀r-dɩrbɛ 18:5

Bɛ lɛb yel ʋ: «Alɛ wa ɩ lɛ a, fʋ̃ʋ sowri a Naaŋmɩn kʋ̀ tɩ, tɩ tʋ̃ɔ́ bãw, a sɔ́r tɩ na lo a na vɩɛl'a bɩɩ ʋ kʋ̃ vɩɛl.»