A naaŋmɩn-ƴèr-manɛ Oze sɛbɛ 4:10 - A SƐB-SÕW

¹⁰ Bɛlɛ saa mɩ́ dɩrɛ sɛw ŋmɩn a, bɛ bɛ be za na tɩw ɛ. Bɛ na mɩ́ tu n a pɔw-yɛmɛ pùor, ɛ́ kʋ̃ dɔw yɛ̀r ɛ. Bʋ̃ʋ n'ʋ vɛ̃, bɛ bɛr'ɩ a mãa Sore ƴãwfʋ.

A naaŋmɩn-ƴèr-manɛ Oze sɛbɛ 4:10 ပူးပေါင်းရင်းမြစ်များ

2 Bibie za yel-manɩ 24:17

A Yehoyada kũu pùorí a, a Zuda tẽw nɩ-bɛrɛ tɩ wa na wa páw a Zowasɩ gbĩ dume gũu tɩ tɔ tẽw a ʋ niŋé, lɛ n'a a nãà tɩ bɛr wõ a yã bɛ na wul ʋ a,

Sɛb-sõw yielu 125:5

Ɛcɛ a bɛlɩ dem na tuur a sɛ-gõlõgõlõ a, Sore e, diw bɛ bɛr lãw nɩ a yel-fa-maalbɛ! A ƴã-ɓaarʋ, ʋ be a Ɩsɩrayɛl zie!

Sɛb-sõw yielu 36:3

Ʋ nɔnɛ nɩ ʋ tʋɔra zuo, nɩ ʋ na na sàw a ʋ sãwna, ɛ́ hɩ̃ɛn a sãwna ŋa a.

Zʋkpaɩ 13:25

A nɩ-mɩŋa mɩ́ dɩ na tɩw, ɛ́ a nɩ-faar kone a kɔ̃.

Zeremi 34:15

A vuo ŋa pʋɔ a, a nyɩɩm a, nyɩ lɩɛb'ɩ a nyɩ ɩb, ɛ́ ɩ a lɛ na tori a, a ɩ̃ zie. Bʋ̃ʋ n'ʋ vɛ̃, ŋa za mɩ́ tɩ yel'a k'ʋʋ na bɛr'ɩ a ʋ tɔ ʋ so ʋ tʋɔra, nyɩ mɔ̃ mɩ̀ tɩ ɩ na mãa nɩ nyɩɩm wõ taa a yir ŋa ɩ̃ na so a pʋɔ.

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Ezekɩɛl 18:24

Ɛcɛ a nɩ-mɩŋa wa bɛr a ʋ mɩnʋ, ɛ́ maalɛ a faar al za na bɛ maal'ɩ wob, a nɩ-faa na maalɛ a, ʋ na vʋʋrɛ na bɩɩ? Bɛ kʋ̃ cãà bãwnɩ a mɩnʋ al za ʋ na tɩ tu a ɩ. Ɛcɛ a pùor ʋ na lɛb a, nɩ a yel-bier ʋ na maalɩ a zũú, ʋ na kpi na.

Ezekɩɛl 22:9

A fʋ pʋɔ a, bɛ mɩnɛ ŋmarɛ nɩ ziri ƴãwnɛ a bɛ mɩnɛ a bɛ kʋb ƴãw. A bɛlɩ dem na kpɩɛr a fʋ pʋɔ a dɩrɛ nɩ bàwr-maal bʋ̃-dɩrɩ a tan zu, ɛ́ vʋʋrɛ sãsaralɛ.

A naaŋmɩn-ƴèr-manɛ Oze sɛbɛ 4:14

Ɛcɛ ɩ̃ kʋ̃ dɔwrɩ a nyɩ pɔwyaar nɩ a nyɩ biir-pɔwbɛ a bɛ ɩ-ɩrɩ ƴãw ɛ. Bʋ̃ʋ n'ʋ vɛ̃, a bàwr-maalbɛ tɛɛ za mɩ́ tɛr'ɩ pɔw-yɛmɛ taw yi n pùor, bɛlɛ nɩ ŋmɩmɛ yir pɔw-yɛmɛ nɛbɛ lãwnɛ a bàwr bʋ̃-dɩrɩ. Mɛ̃ a lɛ a zʋkpar na yel a: “Nɩ-bʋʋrɛ na bɛ bãw yã a wɩɛrɩ bɛ loba zie.''

A naaŋmɩn-ƴèr-manɛ Oze sɛbɛ 7:4

Bɛ za ɩ n pɩ̃ɔ-yel-bier-maalbɛ. Bɛ ɩ na mɛ̃ dipɛ̃ sɛb zie na tʋlɛ kpãkpã a dipɛ̃-maalɛ bɛ cãà gbɔwr vũu ƴãwn, a lɛ ʋ na dɛ bu a zɔ baarɩ ɛ́ gù a tɩ ìr a.

Levitɩ mɩnɛ 26:26

Ɩ̃ na sɩb nyɩ nɩ a bʋ̃-dɩrɩ. Pɔwbɛ pie na mɩ́ tʋ̃ɔ́ na sɛ̃ a nyɩ dipɛ̃ dam-been yõ pʋɔ, bɛ na mɩ́ wa n na a bɛ saalɩ ɛ, nyɩ 'wɔb bɛ tɩw ɛ.

Mise 6:14

Nyɩ na mɩ́ dɩ na, ɛ́ kʋ̃ tɩw ɛ, a nɩbɛ na kone nɩ kɔ̃ a nyɩ tẽw! A al nyɩ na mɩ́ gbab bin a kʋ̃ mɩ́ gã ɩ, ɛ́ nyɩmɛ wa maal bin bom a, ɩ̃ na ɩ na zɛbr ìr sãw ʋ bɛr.

Sofoni 1:6

Ɩ̃ na kʋ n a bɛlɩ dem na mɩ́ gùr pùor cɔw a mãa Sore, ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»

A naaŋmɩn-ƴɛ̀r-manɛ Aaze sɛbɛ 1:6

Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!