A naaŋmɩn-ƴèr-manɛ Oze sɛbɛ 3:4 - A SƐB-SÕW

⁴ À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

A naaŋmɩn-ƴèr-manɛ Oze sɛbɛ 3:4 ပူးပေါင်းရင်းမြစ်များ

Yele-za-pɛr-tib 31:19

A Labã tɩ cen na tɩ ŋmarɛ a ʋ píir kɔblʋ, ɛ́ a Arasɛl zu wob a sãà tɩbɛ.

Yele-za-pɛr-tib 31:34

Zɩ̃ k'aa Arasɛl tɩ de nɩ a tɩbɛ ƴãw nyɔ̃wmɛ kɔw pʋɔ ɛ́ do zɩ̃, ɛ́ a Labã bɔ a pɛn-sɛw ziir za bɛ nyɛ̃ bom ɛ.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

2 Samɩɛl 6:14

Al pùorí, ʋ ƴaw bɩnɛ nɩ a ʋ fãw za, a Sore ƴãw. A bàwr-maalbɛ lɛ̃ pɛn gãw yõ n'ʋ ʋ tɩ sɛ.

2 Na-mɩnɛ 23:24

A Naaŋmɩn wulu sɛbɛ a bàwr-maal-kara Hɩlkɩahu na tɩ nyɛ̃ a Ŋmɩn-yir-kpɛ̃ɛ pʋɔ a, ƴɛ̀rʋ sàwfʋ ƴãw a, a Zozɩasɩ tɩ kʋ n a nɩbɛ na mɩ́ sowre a nyãakpɩmɛ kaar a, a Zerizalɛm nɩ a Zuda tẽw pʋɔ. Ʋ tɩ ƴãw na bɛ sãw a yie ŋmɩmɛ, a tɩbɛ nɩ a bʋ̃-faar za bɛr.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Eziptɩ tẽw yib 28:4

A kparɩ bɛ na na sɛ a n'ɩ á ŋá: a bàwr-maal-kara-nyãa-zu-zʋbɛ, a nyãa-kpale, a kpar-kpɛ̃ɛ-wogo, a kpali-mawra, a pɛn-kpawʋɔ nɩ a pɛn-kpawr. A fʋ yɛb Aarɔ̃ nɩ a ʋ bidɛbr na mɩ́ su a na a bɛ tome tob ƴãw.

Eziptɩ tẽw yib 28:6

«Nuru-tõ-tonbɛ na maal'ɩ a bàwr-maal-kara nyãa-kpale nɩ lɛ̃ fomi-kpɛn kpɛn na jɛr'ɩ píir-kɔblʋ fomi-zɩɩr-mʋɔlɛ, fomi-zɩɩr-kãbala nɩ fomi-zɩɩr-ɓõɓõ a, ɛ́ maw ʋ nɩ salm-zɩɛ fomie.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Ezekɩɛl 19:14

Vũu pur a yi a ʋ sɩɛmɩ́, a sãw nɩ a ʋ wuli nɩ a ʋ wɔmɛ bɛr. Ʋ bɛ cãà tɛr wul-kpɛ̃w na na tʋ̃ɔ́ lɩɛbɩ nãà-dabɔl a ɩ.» A yielu ŋa yiele na mɛ̃ lãw-mʋɔlɛ bɛ na kone a.

Ezekɩɛl 20:32

Nyɩ yel'a: Tɩ bɔbr'a kɛ́ tɩ ɩ mɛ̃ a nɩ-bʋʋr-yoru a, mɛ̃ a tẽ-yoru nɩbɛ a, tɩ bɔbr'a kɛ́ tɩ maalɛ tɩɩr nɩ kʋsɛbɛ. Ɛcɛ a lɛ nyɩ na tɩɛr'a kʋ̃ ɩ ɛ.

Ezekɩɛl 21:21

Wul kɛ́ fʋ dɩrɛ na, a dʋrʋ lowr, a gʋba lowr, zie nɛ za a na sɛw kɛ́ fʋ tori a!

Ezekɩɛl 21:31

À ŋá n'a a mãa Sore Naaŋmɩn yere: Fʋ kʋ̃ cãà tɛr a fʋ naalʋ bãwfʋ ɛ, bɛ na vɔw nɩ a fʋ naalʋ-kpawʋɔ. A yele lɩɛb'a! Bɛ na zɛw nɩ a nɩ-bɛ-tɛr-yée ɛ́ siwri a nɩ-yée.

A naaŋmɩn-ƴèr-manɛ Oze sɛbɛ 13:10

A fʋ nãà na na faa fʋ a, nyɩnɛ n'a ʋ cen? Ɛ́ a fʋ ƴɛ̀r-maalbɛ bɛl na be a fʋ ten za pʋɔ a, nyɩnɛ n'a bɛ cen? A bɛl ƴãw fʋ na tɩ yel: “Kʋ̀ mɛ̃ nãà nɩ nɩ-bɛrɛ!”

A naaŋmɩn-ƴèr-manɛ Oze sɛbɛ 13:11

Lɛ n'a ɩ̃ tɩ kʋ̀ fʋ na-mɩnɛ nɩ suur, ɛ́ lɛb de bɛ a ɩ̃ su-yãyaar pʋɔ.

A naaŋmɩn-ƴèr-manɛ Oze sɛbɛ 2:11

Alɛ so, ɩ̃ na lɛb'a de a ɩ̃ ble a ble cɛb daar, nɩ a divɛ̃-paala a divɛ̃ daar. Ɩ̃ na faa nɩ a ɩ̃ pi-kɔblʋ pɛnɛ nɩ a ɩ̃ lɛ̃ pɛnɛ na tɩ pàw a ʋ faalʋ a.

Levitɩ mɩnɛ 8:7

Ʋ tɩ su n a Aarɔ̃ a kpar-wogo, ɛ́ ŋmãa nɩ ʋ a kpàwr, lɛb su ʋ kpar-wogo dɔwlɩ, ɛ́ su ʋ a bàwr-maal-kara nyãa-kpale dɔwlɩ, ɛ́ 'lẽ ʋ a bàwr-maal-kara nyãa-kpale bʋ̃-'leni a zikurí.

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Zã 19:15

Ɛcɛ bɛ tɩ ŋmɩɛr'ɩ cɛlsɩ: «Ʋ kpi! Ʋ kpi! Kpa ʋ da-gara zu!» A Pɩlatɩ lɛb yel bɛ: «Ɩ̃ kpa a nyɩ nãà a da-gara zu bɩɩ?» A bàwr-maal-nɩ-bɛrɛ sɔw: «Sezaar yõ n'ɩ tɩ nãà.»

Ebre 10:26

Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ƴɛ̀r-dɩrbɛ 17:5

Zɩ̃ k'aa nɩr ʋl, a Mɩka, tɩ tɛr'ɩ puoru zie a ʋ yir. Ʋ tɩ ƴãw na bɛ maalɩ tɩɩb kãw nɩ yir ŋmɩn dasul-cãpili ƴãw pʋɔ, ʋʋ ƴãw a ʋ bidɛb kãw ɩ a ʋ bàwr-maalɛ.

Ƴɛ̀r-dɩrbɛ 18:14

A nɩbɛ anũu bɛl na tɩ cen tɩ jɩ́r bãw a Laisɩ tẽw a, tɩ yel'ɩ a bɛ taabɛ: «Nyɩ bãw kɛ́ tɩɩb nɩ ŋmɩmɛ dasuli nɩ tɩɩb na nyɩl kure pàw a be n a yie á ŋá kãw pʋɔ ɔ? Nyɩ pãa bãw bom nɛ nyɩ na na ɩ a.»

Ƴɛ̀r-dɩrbɛ 8:27

A Zedeɔ̃ tɩ de nɩ a salm-zɩɛ al maal'ɩ ŋmɩn kãw dasule, bin a ʋ tẽw Ofɩra. A Ɩsɩrayɛl nɩbɛ za tɩ tĩ na puore a dasule ŋa. À ŋá n'a ʋ tɩ lɩɛbɩ bɛra a Zedeɔ̃ nɩ a ʋ yir dem ƴãw.

1 Samɩɛl 14:3

Ikavɔdɩ yɛb Ahituvʋ bidɛb, Ahiya, n'ʋ tɩ ɩ a bàwr-maalɛ, su a bàwr-maal-kara nyãa-kpale. A Ikavɔdɩ tɩ ɩ n Pɩnasɩ bidɛb, ɛ́ ɩ Eli na tɩ ɩ a bàwr-maalɛ a Silo a yãw. Nɩr za bɛ tɩ bãwnɩ a Zonatã cenu ɛ.

1 Samɩɛl 15:23

A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»

1 Samɩɛl 2:18

A Samɩɛl na tɩ cãà ɩ pɔlbile a tɩ tone nɩ a ʋ tome a Sore niŋé. Lɛ̃ pɛn kparʋ n'ʋ ʋ mɩ́ tɩ su.

1 Samɩɛl 21:9

A Daviir tɩ lɛb'a sowri a Ahimelɛkɩ: «Fʋ tɛr'ɩ kafin bɩɩ zɛbr-sɔ-kpɛ̃ɛ a ka a? A nãà ton tɩ pawr'a ɩ̃ bɛ tʋ̃ɔ́ de a ɩ̃ zɛbr-sɔ-kpɛ̃ɛ nɩ zɛbr bom kãw za ɩ.»

1 Samɩɛl 22:18

Lɛ n'a a nãà tɩ yel a Edɔm tẽw dɔɔ Dowɛgɩ: «A fʋ̃ʋ, lɩɛb kʋ a bàwr-maalbɛ bɛ ŋa.» A Edɔm tẽw dɔɔ Dowɛgɩ tɩ lɩɛb'a kʋ a bàwr-maalbɛ. A ʋlɩ bibir a, ʋ tɩ kʋ na ta nɩbɛ lɩz'a anaar'ɩ anũu na tɩ tɛr sɔ́r suur a bàwr-maalbɛ kpar-son a.

1 Samɩɛl 23:6

Zɩ̃ k'aa Ahimelɛkɩ bidɛb Abɩataar na tɩ zɔ wa a Daviir zie a Keila a, ʋ tɩ tɛr'ɩ a kpan bi-son bɛ na mɩ́ sowr'ɩ a Naaŋmɩn a, wa n.

1 Samɩɛl 23:9

A Daviir na tɩ wõ kɛ́ ʋl ƴãw n'a a Sawul cɔbrɛ a zɛbr a, ʋ tɩ yel'ɩ a bàwr-maalɛ Abɩataar: «De a kpan-bi-son wa n tɩ wa sowr'ɩ a Naaŋmɩn.»

1 Samɩɛl 30:7

A Daviir tɩ yel'ɩ a Ahimelɛkɩ bidɛb, Abɩataar, na ɩ a bàwr-maalɛ a: «De a kpan-bi-son wa kʋ̀ m.» A Abɩataar tɩ de nɩ a kpan-bi-son wa kʋ̀ a Daviir.